當初在網上見到 SE x10 的規格，串哥甚為興奮!以為終於有anrdoid 介面 + iphone 3gs 的速度，不過等了又等，等了又等．．N1 出世後一切都已經唔係新觧事了，仲送你 2.1 Android，x10 喂．．你拖到而家先賣? 雖然串哥覺得單論外型同硬件規格 x10 的確係比 n1 吸引，尤其果個 4吋無敵mon ,不過由方回應熒幕不支援 Mutli Touch，隨即購買意欲大減八成，雖然 Timescape 與 Mediascape好好玩，但無 Multi Touch 真係好唔慣。唔好話串哥自己無動力買，就連門巿出貨d反應都係好一般。點知前日國外網站又爆出 SE x10 係九月可以 update 上2.1 ，唔單止咁仲話加番 Multi Touch，咦?早排又話個mon本身硬件上唔支援，而家又話得?信唔信你好? Anyway 聽左呢個消息後曾經有三秒燃燒起買機的意志，不過細心諗下又打消左，因為成九月先有update，仲要唔confirm係咪真係有 Multi Touch，而家買機真係博，再重要係單消息唔知係咪流料！九月．．．四個月後又唔知咩世界喇, android機出得咁密， HTC 好似倒水咁狂出，iPhone 4G 又話 6 月出，9月喎．．真係太耐喇掛! 不過串哥又好理解，2.1仲要夾番自己 Timescape, mediascape同埋 Sony Ericsson Sync真係要啲時間，唯有講句，SE 工程師加油!我個人都希望單消息係流料，其實係下個月就有得更新2.1！串哥又發夢．．．
分享到 :
最新影片
