iPhone 5s/5c 今日正式發售，各位果迷係咪好想出新 iPhone 呢？如你選擇上台又不清楚邊間最抵，小編特別集合了 4 間電訊商上台月費，同你分析邊間最抵之外，仲幫你計埋「劏機」淨 SIM 邊間月費最平，想知更多就不要錯過！
無限 Plan 不再！
講邊間出機最抵前，小編先同大家簡介各電訊商的 iPhone 5s 服務計劃。首先大家要留意 4 間電訊商都無「無限數據」的計劃，即使最貴月費計劃亦只有 5GB 數據，而 $300 左右的計劃更只有 1GB，流量少得驚人，通話分鐘亦唔算特別多，看來想上台「劏機」的朋友要多加考慮了。
▲ 今次 iPhone 5s 及 5c 所有月費計劃都取消無限數據。
上台出機邊間最平？
今年 4 間電訊商的月費計劃都比 iPhone 5 推出時貴，月費價錢由 $158 到 $467 不等，但大家唔好以為月費最平就是最抵，因為小編綜合上台機價、額外費用連同 24 個月合約計算，最平出 iPhone 5s 16GB 及 32GB 會係 one2free 的 $187 計劃，合約期總金額只須 $8484 (每月 $353.5) 及 $9260 (每月 $385.8) ，價錢比更平月費的 3 香港及 SmarTone 分別有數十到數百元的差距。至於 64GB 版本 3 香港合約期總金額為 $10,164 (每月 $423.5) ，價錢會比 one2free 便宜。
▲ one2free 月費價錢雖然較貴，但總成本會其他電訊商便宜。
5GB 數據計劃邊間最平？
如果大家會選 5GB 數據計劃，最平出 16GB 會係 3 香港及 SmarTone 合約期總金額同為 $11904 (每月 $496)；而 32GB 及 64GB 就被 3 香港獨佔，合約期總金額分別為 $12284 (每月 $511.8) 及 $13084 (每月 $545.2) ，價錢較其他電訊商有最多約 $100 差距。
▲ 5GB 數據月費整體以 3 的成本較便宜。
「劏機」邊部賺最多？
雖然 iPhone 5s 取消無限 Plan，但相信仍有人會堅持「劏機」換取 5GB Plan，若以各灰機為例扣除今日先達回收價，16GB 3 香港及 SmarTone 均錄得最平月費 $216.8，而 32GB 及 64GB 則為 3 香港最便宜。不過小編發現若以 $217 – $236 換取 5GB Plan，價錢同攜機上台的 5GB Plan 月費只差幾十蚊，「無肉食」之外還要付出接近正價的月費，咁是否代表「劏機」神話不再呢？當然不是！但前題放機一定要白色或香檳金才得出更平月費，以 16GB 香檳金回收價 $9600 為例，月費可降至 $97，因此小編奉勸「劏機」朋友要劏就唔好選灰機。
▲ 如果大家想「劏機」建議最好選擇白色或香檳金。
如果網友想知各電訊商詳細月費計劃、合約期總金額及「劏機」金額可按此
分享到 :
最新影片
