今天早上是 8 號風球天，又是搶 iPhone 6 同埋 6 Plus 的日子，Apple 準時 8 點開始接受預訂，形式與去年相同，都係先到先得形式。小編有幸搶到，就讓我分享一下「搶購」心得，等 unwire 讀者們聽日都知道個步驟係點啦。以下有更多資訊：
6 Plus 2 分鐘內無貨！
在講步驟前，先匯報戰況吧。以小編所見，iPhone 6 Plus 一開始時全線有貨，但由於要等收 SMS code，待小編使用的 3HK 號碼收到 code 時（大約 1 分鐘左右）就已經剩下 16GB，再多十數秒揀完容量及顏色，已經宣佈全線無貨，十分誇張！！所以基本上 iPhone 6 Plus 是 2 分鐘已清袋，應該貨量極少。至於 iPhone 6，以小編所見大約 10 分鐘內售罄，可能是打風天氣，大家都未洗番工啦，今年搶購的人特別多！
▲小編係 8:10am 左右已經發現 iPhone 6 全線已無貨，而 iPhone 6 Plus 更誇張，2 分鐘唔洗已經「玩完」。
SMS 收唔到 code
另外，根據 unwire 讀者報料，好多人用手機 send 完 SMS，都收唔到 code（更有甚者過咗 45 分鐘個 code 都唔知飛咗去邊……）；即使收到 code 時，已經是 8:10 之後的事，入到去都俾人訂哂，好無癮。今年 SMS 的玩法都轉咗，舊年 send 個「iPhone」字去個號碼度已經 OK，但今年就要 send 個隨機 gen 的 11 位的字母+數字+符號 code，可能係因為呢個原因所以令 Apple 的 SMS server 不勝負荷吧……
▲至於 SMS code 方面，真係睇大家好唔好彩，小編算係比較好彩的一群，無論是 3HK（左）定係 csl.（右）的號碼，都係 1 分鐘內收到 SMS code。
相關文章:
【教學】iPhone 連 Wi-Fi 自動關流動數據 離開 Wi-Fi 自動啟動 、不怕誤用數據 【教學】ChatGPT 香港人付款攻略 毋須外國信用卡訂閱 ChatGPT Plus 【教學】iOS 18.2 Image Playground 好玩教學 生成自己樣子 Emoji + 用自己樣製作卡通圖片
降低門檻好麻煩
好了，過了 SMS 的一關，去到揀機，小編有幸轉戰 iPhone 6 的時候，所有容量及顏色型號仍然有貨。另外，玩法同舊年一樣，都係玩「鬥快」，所以小編建議大家唔理好醜，總之見到有就揀咗先。如果是「炒賣」的，當然是以金色 128GB「先訣」；但小編覺得如果自用，64GB 都夠用（除非好似小編呢種會放好多片同歌入手機的人，咁就當然係揀 128GB 自用啦）。另外，同樣每人限買最多 2 部，而唔係早前傳的 5 部；證件方面，同樣照收身份證、回鄉卡同埋護照之餘，今年 Apple 大玩「降低門檻」，包括埋中國內地及澳門居民出入境通行證，亦即係話如果大陸居民都有 Apple ID，又可以當日來到香港拿機，一樣可以搶。唉……
Bookmark 定網址 20 號 8 點再來過
最後，小編去到「謝謝」畫面，就代表可以繼續瞓，宣佈預訂成功了。而小編建議大家立即檢查一下自己 Apple ID 登記的電郵，如果收到相同畫面的電郵，就代表可以在開售當日拿機了。如果今日 iReserve 預訂不到，不要緊，因為 Apple 應該每日 8am 都會開 iReserve，只要 bookmark 定網址，20 號朝早 8 點再搶過就好了。網址如下：
iReserve 預訂連結：
https://reserve-hk.apple.com/HK/zh_HK/reserve/iPhone/
查詢各 Apple Retail Store 存貨量連結：
https://reserve-hk.apple.com/HK/zh_HK/reserve/iPhone/availability
相關文章:
【教學】iPhone 連 Wi-Fi 自動關流動數據 離開 Wi-Fi 自動啟動 、不怕誤用數據 【教學】ChatGPT 香港人付款攻略 毋須外國信用卡訂閱 ChatGPT Plus 【教學】iOS 18.2 Image Playground 好玩教學 生成自己樣子 Emoji + 用自己樣製作卡通圖片
分享到 :
最新影片
