仲有唔到一個月，情人節就來了。如果你到今日仍是單身，但又想在節日時期感受情侶關懷的絲絲愛意，現在機會來了！早在 2013 年已宣佈會推出 Invisible Girlfriend 服務的公司，在兩日前終於正式推出 beta 版，只要每月付出 US$24.99（約 HK$194），就可以與虛擬女友聊天！當然，女士們，他們亦有推出 Invisible Boyfriend 服務，收費相同。
究竟每月付出差唔多 2 舊水可以有啲乜服務？好簡單：該公司會搵專人同你傾計，扮係你的男朋友 / 女朋友，而唔係靠電腦同你冷冰冰咁對話。另外每月你可向對方傳送 100 條短訊、10 條語音訊息及 1 封手寫賀卡，而在現在 beta 期間，用戶更可以免費傳送首 10 條短訊。
另外無論係 Invisible Boyfriend 定係 Girlfriend 服務，你唔單止可以選擇對方的姓名、年齡、相片、性格，甚至可以自行設定與對方相遇的情況，實行自編自導自演你的浪漫虛擬愛情故事。而以後的交流，亦會以這些背景去發展，擬真度十分高！（編按：邊可能唔高？真人答你野喎！除非答你個個 mix up 你同另一個人既 file 唧……）
不過如果你身處香港，就不能用到這項服務了，因此暫時只開放給美國及加拿大的用戶。香港的單身一族，還是正正經經在現實世界識番個真實男 / 女友吧……（真苦命）
來源：Invisible Boyfriend / Girlfriend
分享到 :
最新影片
