唔少人買新手機，以前都會用上台出機呢個模式，因為始終唔洗一時間俾大筆 cash 出來買，隨時仲有得分期。不過自從舊年各台都陸續加台費後，就愈來愈少人咁做，因為唔抵。SmarTone 今日就推出「惠你轉計劃」，唔止合約只係 12 個月，仲可以一份合約期內兩次優惠價買新手機，計番仲抵過 24 個月上台出機 plan 添！
呢個計劃，分別有兩個月費：6GB 及 10GB 數據用量，月費分別為 $316 及 $456，上台時只需要簽訂 12 個月合約，兼且已可用「惠你價」，以比低於建議零售價的價錢購買新手機。之後在 12 個月合約期內，客戶仲可以有多次機會，以 trade 機模式，一買一方式再次以「惠你價」購買另一部新手機，而因為會扣除舊機價值，所以變相更抵。
另外，呢個計劃仲只係需要每月俾 $18 行政費，連 VAS 增值服務都唔洗申請，比一般上台出機 plan，硬性要申請 VAS 抵好多。唔知大家聽完呢個 plan，會唔會心動呢？
以下為第一階段「惠你價計劃」提供的優惠手機清單：
相關文章:
【評測】HUAWEI Pura70 Ultra@天通衛星通訊 香港表現詳細評測（下） 天通衛星市區表現@ 全面評測 + EMUI OS 簡介 【評測】HUAWEI Pura70 Ultra @天通衛星通訊 香港表現詳細評測（上）- 天通衛星解構 + 開通步驟教學 + 郊區表現實測 SmarTone 推衛星通話、短訊服務 配合 HUAWEI Pura 70 Ultra 手機使用
分享到 :
最新影片
