數碼港女週記:如果你相信未來,就應該相信年輕人

讚好此文:

二月 5, 2015 •數碼港女週記, 獨立評論

星期一的晚上被志雲飯局洗了版,成個 Facebook 都是阿里巴巴創辦人馬雲的 posts。當日我親身去現場了解點解個 talk 咁吸引,我見到有唔少青年係 check 飛處碰運氣,為求在 last minute 得到幸運之神的眷顧,入去一睹馬雲風采。

grace_4
^整個活動遲左約45分鐘開始,係志雲大師同董伯伯講完開場白之後,馬雲分享左大半個鐘。

那大半個鐘都係 soundbite,即係差唔多是旦一句都可以獨立 quote 出黎(勁!)。內容基本上似「30 歲前必須要知道的 100 件事」個啲勵志書籍,例如:「夢想、理想、幻想的分別」,「創業當用公益的心態,商業的手法」,「人生最後不是你取得了甚麼,而是你經歷了什麼」這類型的說話。佢自己講完之後,緊接著有 4 位青年同馬雲對談,及一個簡短的 Q&A Session。老實說,我最期待 Q&A Session,前面自說自話同埋傾計個兩度都係有罐頭成分,公眾提問才是見真章的時候,可惜往往呢一 Part 時間最短。Q&A 就好似問卷上的「你阿媽係男人定女人」題目,可以幫你判斷佢講野的可信度同埋個思維邏輯,前面講到幾天花龍鳳都好,答問題個陣講嘅同開波講嘅前後矛盾的話,可以即時打折。

個 talk 的主題係「從夢想到成功創業」,馬雲主要講左幾個「重點」,可能大家係啲洗版 posts 已睇
1.要有樂觀的心態
2.要有堅持下去的決心
3.如要改變世界,要先改變自己
4.少抱怨
(唔 elaborate 嚕,詳細自己睇 youtube,唔方便睇片的話另有逐字稿)*

佢又認為工業革命強調製造的時代已完結,我們正步入 IT 革命,是個強調「創造」的年代;佢亦相信長江後浪推前浪,新的世代變得更聰明,會為上一世代解決問題,就好似 Interstella 入面的「they」…blahblahblah…

跟住,佢仲講左全晚我最深刻的一句:「如果你相信未來,就當相信年輕人。」

早兩個月之嘛,有位前高官講話唔放心 20 年後將香港交俾而家的後生仔… 即時套用馬雲所講,用商人思維諗:1)佢唔夠樂觀;2)佢要先改變自己;3)佢唔應該抱怨,而且要檢查自己的問題 LOL;不過最少她有堅持下去的決心…:S

返正題,唔理馬雲之後講個啲做唔做到自圓其說啦,如果齋睇呢一句,我係 buy 的。未來永遠係掌握係年輕人手中,因為我們無法阻止人和事會隨時間更迭流轉,無論啲人個頭上有幾多光環,總有一天要退出歷史的舞台;因為年輕人尚有青春,敢於改變,勇於創造,不想 conform to 單一標準,帶來更多可能性;因為投資不同投機,是看長遠回報的。

你睇下我對年輕人幾樂觀!

作為一個 90 後,我不能想像未來會跟現在一樣(如果一樣都幾恐怖),即使係基本法,佢都只能「承諾」50 年不變。改變世界,都始於你我,be a better person,make the world a better place 🙂

grace_5
^2014 年 2 月,攝於 Singapore Biennale 2013: If the world changed…

*不負責任聲明:
創業涉及風險,甚至可能損失重大。一時的熱情並不表示將來之成功,創業者不應單靠有關講座作為創業決定的基礎。創業者在作出任何創業決定前,應詳細了解有關資料,包括風險因素。共勉之。
 • 不想錯過新科技 ? 請 Follow unwire.hk FB 專頁http://facebook.com/unwirehk/
• 要入手生活科技潮物 即上 unwire store
https://store.unwire.hk/

Tags: , ,

讚好此文:


Comments are closed.

unwire TV



更多同類文章:

最新文章