電話的款式越來越多，近年多了一班「換機狂人」，不斷換款一季一部甚至更多，有女仔更當潮物一樣襯衫，難道是錢多 ? 非也 ! 等 Candy 分享一下 2015 的換機新玩法吧 !
手機生命黃金期約為一季
有一批「追機族」的新玩法就是趁手機 Outdate 前高價賣出，再補些少換新機。可能大家覺得這樣換機很花錢，但他們覺得其實平均智能手機一年換一台，到你年尾把舊機放出時，二手機已經低無可低。其實智能手機的二手價格約 3 – 4 個月一個大調整，趁著這生命黃金期內放機，放得好價錢的話，補少少再買最新的型號，當自己租機一樣，這就用最低的價錢玩盡所有新型號的手機。
iPhone 較「保值」
Candy 近年都受了這一套「換機大法」，不過她就不是追硬件規格多，而是追款式。她發現 Android 手機二手價跌得比較快，「租機」費用較高。所以近年她轉玩 iPhone 成為「追款一族」。
她分享說因為手機越來越大，不經不覺成為了「飾物」，我差不多一季換一台好讓自己易襯衫，很久以前 iPhone 一年一台只有用 Case 去轉色，但其實而在已經有 5c 、 6 、 6 Plus ，遲一點又傳有 6s 、6c 。例如上年冬天我出了金色的 iPhone 6 Plus ，現在我轉玩 iPhone 6 的灰色，唔同色之餘又可以試齊邊個尺寸啱用。
四季換色秘訣
春天
春天衣著適合一些明亮的可愛色系，米色、粉紅等顯得更有生氣，不宜深色服裝會讓人變得很暗淡
夏天
如果在炎夏中各位姐妹多塗防曬，保持美白肌處的話，使用一些冷色系會給人有一些冰涼的感覺令人眼前一亮，例如淺藍、淺黃、白色等等。
秋冬
秋天比較偏向以棕色系列做主，顏色低調，例如黃色、咖啡、深綠。整體衣著配襯對比不直太過強。冬天的顏色配搭跟秋天差不多，不過可以多穿黑色系列的服裝，黑色在冬天中有一種很 cool 的感覺。
連鎖店有 Trade – in ?
新機要食骨 + 要等
Candy 以往買新機，第一時間會想到去連鎖店買，因為有唔少信用卡優惠，有時甚至可以免息分期，如果俾現金仲隨時有現金價（比正價平少少），有啲舖頭仲可以搞埋 trade-in ，可以話係一條龍服務，唔洗自己撲黎撲去唔知去邊度放機。不過遇上熱門的手機好似 iPhone 呢類極度熱門機款，初推出時成日都無現貨，要先落訂，唔知等到幾時先有機，真係隨時等到2046，仲隨時要食「骨」（即係要花多舊錢買埋啲唔係好等洗的配件），如果要走在潮流尖端，呢個未必係一個好選擇。
+ 機款齊全平貴都有
+ 保證正版正貨（如果去有信譽的大型連鎖店）
+ 可以慢慢試真先買
+ 用信用卡可以免息分期買機，唔洗一次過成筆現兜兜俾出來
+ 俾現金隨時仲可以平多少少（現金價）
+ 有啲連鎖店仲可以幫你做埋 trade-in，唔洗自己拿去放機
– 遇上熱門機款隨時要等到 2046 先買到現貨
– 就算即時有現貨都隨時要食「骨」
– Trade-in 價一般都唔太理想（雖然都有機會比係先達或者網上二手區放高少少）
上台出機 ? 加約加死你
如果想快人一步買到新手機，Candy 都會考慮上台簽新約呢，同去連鎖店唔同，網絡商無論係平中貴價機，一般都有補貼，所以機價一般都比連鎖店買得平，而且買機預繳的費用，會係每個月的月費入面退番，變相即係平咗機價仲要自動幫你做埋免息分期，其實都幾抵。但通常要等完合約或者要轉台的情況下先至抵，如果一年換兩、三部，就算網絡商比用家「加監」（而且通常都係合約期剩番 12 個月或以內先可以的），但係一般都係新合約先行，完成後先再履行舊合約剩餘部分。不停「加監」落去，合約期隨時去到 2046 都未完！
+ 保證正版正貨
+ 網絡商上台出機一般有補貼，機價可以比係連鎖店買平
+ 預繳機價一般會係合約期每月退還，唔少新機最終都係零機價，一樣唔洗一次過成筆現兜兜俾出來
+ 買新機就算係極熱門機款，一般都唔洗食「骨」
+ 一般都比係連鎖店買快啲出到機
– 對貪新鮮用家來講，要不停「加監」先可以一年換一機，合約期隨時加到 2046（笑~~）
– 一年最多換一機，如果合約期唔少於 12 個月（假設合約期預設為 24 個月），都係無得「加監」買新機
– Trade-in 價一般都唔太理想（雖然都有機會比係先達或者網上二手區放高少少）
– 較冷門或平價機款或許不齊
先達 trade in 換機 ? 新手小心中招
如果想搵任何的新款手機，首選一定係先達，它勝在機款夠齊，就算要新機或舊機都容易找到。不過先達店舖「龍蛇混集」，好似 Candy 呢 Type 的傻奸奸美女，隨時有機會水貨比人當行貨 sell、甚至用全新機價錢，但買到的卻是翻新機或已開盒的二手機，所以佢都比較少去。計小編話，雖然先達可以同時將舊手機賣走，變相買新機時唔洗一筆過付出全數，但要行多幾間格價先至可以格到最高賣價，費時失事。加上唔少舖頭都無免息分期，即係大家如果要俾信用卡，或者要用信用卡分期，通常都要每個月比多零點幾個 %，雖然計埋可能最多都係每個月俾多十幾廿蚊，但係都唔抵啦。
+ 機款極齊全，選擇隨時比連鎖店或網絡商更多！
+ 行、水均有，任君選擇
+ 一筆過俾現金可以平多少少（一般都係舊幾到幾舊左右）
+ 可以一站式買埋其他配件，而且平貴都有
+ 一個商場可以同時放埋部舊機，變相買新機成本又可以平多一截
– 對於手機「初哥」，可能唔識分邊啲係新貨、行貨，可能會比少部分不良店家欺騙
– 賣舊機要去多幾間舖格價，費時失事
– 用信用卡付款或做分期要俾手續費，變相增加買機成本
新嘢 : 3HK Flexi Pass 狂換手機
最後一個方案，可以考慮 3HK 最近推出的 Flexi Pass 方案買新機。呢個方案，可以講得上是揉合了上述三大方案的多數優點，亦改良了它們的缺點。簡單點說，它是一個換機保險計劃，只要付出 $28 月費就可以係指定月份 Trade 新機或轉用淨「SIM」計劃，如果你是「貪新鮮」鍾意成日換機的用家，就好適合使用。而且合約不用再「疊上疊」，只要退還之前簽合約時購買的手機，在新合約中只需要繳付兩機的差價（以建議零售價計算），再重新訂立 24 個月合約就可以了。
不過要留意的是，要使用此方案，條件必須係之前簽訂了「iPhone 6 / 6 Plus 上台出機計劃」，另外行使時間為簽訂合約起計算的半年後（180 日），換言之 4 月頭申請最快都要 10 月才生效，期間「Flexi Pass」不能斷供，而且每份合約只可申請一次（即斷供後不能重新申請），保險期內冇換機「保費」都不獲退回。此外，「機換機」除了 iPhone 6 / 6 Plus ，其實都可選擇其他 Android 手機，但換機後合約就不能申請「Flexi Pass」，相反再換 iPhone 6 / 6 Plus 就可重新申請，而新合約的計劃不能比原來的低。
優點：
+ 保證正版正貨
+ 網絡商上台出機一般有補貼，機價可以比係連鎖店買平
+ 預繳機價一般會係合約期每月退還，唔少新機最終都係零機價，一樣唔洗一次過成筆現兜兜俾出來
+ 買新機就算係極熱門機款，一般都唔洗食「骨」
+ 一般都比係連鎖店買快啲出到機
+ 買新機時只需要繳付新機與舊機購買時之間的差價即可，即是 Trade-in 價點都比出面高好多
+ 合約唔洗再「疊上疊」，只要退還之前的手機及付差價，再重新訂立 24 個月合約即可
缺點：
– 只限簽訂了「iPhone 6 / 6 Plus 上台出機計劃」的 3HK 客戶採用
– 每月一定要繳付 $28，持續期為半年，如中間「斷供」就不能重新申請
– 行使期需要在簽訂合約起計算的 180 日後，亦即是 Flexi Pass「保險」期供滿後，而且必須在合約期第 7 至 15 個月之間行使，否則之後只能申請轉用淨「SIM」計劃
– 保險期內如無換機「保費」亦不獲退回
– 「機換機」如選擇 Android 手機，換機後合約就不能再申請 Flexi Pass，即是要用家長留在 iPhone 陣營，才能繼續申請 Flexi Pass
詳情及即時網上申請：http://www.three.com.hk/flexipass
總結：百貨應百客！慎選最適合自己方案
以上就是現時四大換新機方案，基本上每個方案都有其優、缺：連鎖店買機夠彈性但遇極熱門手機（例如：iPhone）隨時要食「骨」增加買機成本；網絡商買機上台有補貼夠平但對於「貪新鮮」用家隨時要「約疊約」至 2046；先達買機夠方便而且可以在同一商場賣機減低換新機成本，但是如遇上不良店家就可能會買全新行機變二手水機；而 3HK Flexi Pass 絕對適合鍾意帶領潮流的用家，但就只有不停換 iPhone 先可以繼續申請 Flexi Pass。所以只有按自己需要，選擇最適合自己的換新機方案，才是精明消費者的做法吧！
