6月係旅遊淡季，加上 yen 跌左咁多，唔少朋友都已經飛走左啦！仲諗緊大假、Grad. Trip 去邊既你，就等我依莉詩帶你遊大阪環球影城《Minion Plaza》啦！
雖然《Minion Plaza》係 3月20號已經開幕，而且唔算係好大的園區，幾乎仲細過迪迪尼既灰熊山谷，不過就憑佢有大量迷你兵的美食同精品，已經足以令迷你兵粉絲瘋狂！
▲《Minion Plaza》有四大景點，包括 STREET SHOW迷你兵遊行表演、PLAY LAN迷你兵攤位遊戲、MINION MART 迷你兵精品店 及 FOOD 迷你兵小食亭。
必睇！
唔似迪迪尼啦，每個園區都有機動遊戲，去《Minion Plaza》最大的娛樂就係睇迷你兵唱 banana之歌！每次表演之前工作人員都會將藍色長條鋪在地上，畫出一個表演區，呢個時候你就好企定定係長條後面，等 banana 卡車上的迷你兵出來吧！記住呀，表演之後會有拍照時間，唔想影到「鬆郁矇」，最好就自己揸番機啦！
▲ 高大的 Kevin 係車尾走出來！
▲ 阿Bob 的頭髮點睇都咁搞笑呢！
必玩！
遊戲方面，小編就厭有 D 少，只係得一個射擊攤位，而獎品當然係迷你兵啦！ 1000yen 就有 4個球，全中的話就可以得到迷你兵公仔啦！
必食！
基本上，無論你行到邊都會見到有人孭住一隻迷你兵。無錯！佢就係《Minion Plaza》最出名的爆谷桶啦。園內兩架小食車都有得賣，2480yen 一隻。雖然有 D 貴，不過爆谷桶的外型十分精緻，舉起兩隻手充滿傻氣！另外，仲有迷你兵造型的丸子串同叉燒包，可愛到真係唔捨得食啊！
▲ 因為爆谷桶係每日限量的，大約11點半會截龍，所以要買就一定要快啊！
▲ 聽說爆谷係香蕉朱古力味，但小編同朋友都食到係鹹味，非常怪呢！
▲ 一串迷你兵丸子串有齊阿Bob、Stuart 同 Kevin 呢！
▲ 而叉燒包就只有單眼既 Stuart 。
必買！
小食車後面就係精品店，難得來到，銀包就一定會大出血啦！呢度無論大中細的迷你兵公仔、文具、玩具樣樣有，必定係到大阪一遊的最佳手信啊！不過，近出口位的大型精品店都有得賣迷你兵的精品，所以要掃貨的話，行完成個環球影城先買都唔遲。
▲可愛既阿 Bob 同 Kevin 正幫精品店油外牆呢！
▲ 精品店的店員都係穿著同迷你兵一樣的工人褲啊！
▲去主題樂園咁曬，點都要戴番頂帽遮下太陽啦！
▲ 仲有好多迷你兵的水樽、水杯。
▲ 大隻的迷你兵帶唔到好多番屋企，帶D細細隻既番去都唔差架！
▲ 聽說鎖匙扣係十大最 hea 手信之首，不過收到呢款鎖匙扣都幾好丫！
▲ 如果買俾限朋友，唔同大細的筆記本同文具就最岩啦！
▲ 雖然拖鞋有 D 大對，不過著上腳應該都幾搞笑。
▲ 想買野食做手信的話，可以買迷你兵曲奇。可惜佢唔係糖霜曲奇，圖案反而係直接印刷上去呢！
分享到 :
最新影片
