之前 Huawei P8 全靠金屬外表，中國品牌來講都算有驚喜，而它們在香港還推出 P8 Lite 的平價版本，外表跟 P8 幾似，但售價足足平一半有多，唔知實際用落感覺會係點呢？
有外形 略欠質感
P8 Lite 係旗艦 P8 平價版本，遠睇兩部機有點似樣，但拿起就會發現 P8 Lite 質感完全唔同，佢成部機都係膠製，銀邊框只係膠邊，機背用了拉絲模仿金屬感，但機身會加厚少少，基本上除了音量及開關按鈕，成部機同 P8 都冇咩關係，因此外觀唔好有太高期望。手感方面，P8 Lite 屏幕較細，機身更窄，但由於設計屬「餐肉罐」，手握唔算特別舒服，但對單手操作就冇咩影響。
▲ 屏幕改為 5 吋，機身更窄單手操作冇難度。
▲ 膠製機背加入拉絲想模仿金屬效果。
▲ 銀色邊框好似金屬，但實際其實係塑膠。
▲ 附 2 個 Micro SIM 卡槽，其中 SIM 2 可當成 MicroSD。
▲ 左邊係 P8 Lite；右邊係 Honor 4C，兩部機外表其實唔差好遠。
屏幕得 720p 最「敗北」
叫得 Lite 規格都預咗無 P8 咁勁，但想唔到 P8 Lite 僅搭載 Kirin 620 八核處理器及 2GB RAM，性能都唔算差，於 Antutu 都錄得約 35,000 分，成績跟 Snapdragon 615 差唔多。不過，小編 不滿係佢規格其實跟 Honor 4X / 4C 相同，除了 16GB 與 8GB 儲存空間之別，就連屏幕都係 720p 解像度，細緻度顏色接近，因此 P8 Lite 定位實在難免令人質疑。
▲ 搭載 Kirin 620 八核處理器及 2GB RAM，於 Antutu 成績大約有 35,000 分，但配置大至跟 Honor 4C 相同。
▲ 16GB 儲存空間實際可用有 10GB 左右。
▲ 2GB RAM 閒置時大約有 1.2GB Free RAM。
▲ P8 Lite 跟 Honor 4C 一樣係 5 吋 720p IPS 屏幕，顏色屬微偏藍。
▲ 預載 Android 5.0 及 EMUI 3.1 介面。
▲ P8 Lite 唯一優點係提供 NFC 功能。
▲ 內建「網絡應用」功能，可控制每個 App 只在 WiFi 或 4G 上執行。
▲ 可透過設定選位主 SIM 。
相關文章:
【評測】Huawei MatePad Pro 13.2” 馬拉快速評測 流金絲帛機身典雅高貴 + 依然輕薄外攜方便 【評測】Huawei Mate XT 現場快速評測 「三摺」出奇薄 + 真正衫袋平板 【評測】Huawei Mate70 Pro+ 國行開箱評測 紅楓鏡頭加持拍人像出色 + 超長氣可用逾 4 日
曝光準 相質麻麻
規格上 P8 Lite 跟 P8 同樣配備 1,300 萬像素鏡頭，但其實佢並冇 RGBW Sensor 及 OIS 防震等技術，質素肯定冇 P8 咁好，而實際問題太「油畫」，日景拍攝還好，但夜景細節就被「油畫」， 評價我認為都夠「純網上分享」。拍攝介面同其他 Huawei 手機都差唔多 （似 iPhone），但功能上佢會比 Honor 4X / 4C 多了 Time Lapse 拍攝。
▲ 機背配備 1,300 萬像素主鏡頭，但結構跟 P8 不同，而且亦只備單顆 LED 補光燈。
▲ 拍攝介面跟 iPhone 有點似，但同 Honor 4C 相比卻多了 Time Lapse 功能。
▲ 日景拍攝，相片出來都唔錯。（可放大收看原圖）
▲ 夜景拍攝，對焦還好，但相片就頗油畫化。（可放大收看原圖）
小編 ：外觀之別 唔太值！
試玩完 P8 Lite 小編 覺得部機略欠誠意，外觀唔算特別討好，而且規格跟 Honor 4C 太接近，試問只係 16GB 儲存空間及 NFC，點解要多付 Honor 4C 接近 2 倍價錢即 $1,880 購買 P8 Lite 呢？即使唔計同其他手機如「小米 4i」 或「Zenfone 2」比較，但最起碼我認為 P8 Lite 起碼要有 1080p 屏幕才叫合理，不然買 Honor 4C （$1,080）/ 4X （$1,280） 仲實際。
售價：$1,880
查詢：Huawei（3791 2856）
相關文章:
【評測】Huawei MatePad Pro 13.2” 馬拉快速評測 流金絲帛機身典雅高貴 + 依然輕薄外攜方便 【評測】Huawei Mate XT 現場快速評測 「三摺」出奇薄 + 真正衫袋平板 【評測】Huawei Mate70 Pro+ 國行開箱評測 紅楓鏡頭加持拍人像出色 + 超長氣可用逾 4 日
分享到 :
最新影片
