上星期六一起身，睇睇 Facebook，我嘅反應同以下兩張圖一樣… 大佬呀，仲曬過閃光彈，戴太陽眼鏡都冇用，我的朋友突然充滿色彩。
罕有主動地提供轉換工具
當我見到呢一番色彩繽紛的景象，我第一件事係諗，今次係邊個咁醒，整呢個工具俾大家「統一化」張大頭照？我開頭以為係啲路人整架咋，點知今次係 Facebook 自己出手，勁～方便，一㩒入去條 link 就得左。
呢個歷史事件當然值得大家高興同慶祝，亦當然係一個極好的抽水機會，以表示你有關注、支持、戥人開心、湊熱鬧、趕上潮流，但有冇人有諗過呢個好可能係一個陰謀（鄭子誠 mode）－Facebook 用黎監察你的取態呢？
又是收集數據陰謀?
其實 「Facebook is Watching You」 並非新鮮事，正常人都估到，一個咁多人用的網上交流工具，最適合就係用黎收集數據，做研究又好，向你提供最合適的廣告然後呃你錢又好，預測你的行為又好，賣俾政府又好。而 Facebook 梗係唔會直接話俾你知，其實佢地暗啞底靜靜雞已經做過研究，報告都出埋，而家仍然無時無刻 track 緊你啲使用習慣啦～
講真，轉頭像 （其實我嗌開 ProPic）以示支持呢樣野都唔係第一次，如果大家有留意，兩年前（2013）已經試過，都係由美國發起，個次都幾大型，有超過三百萬 Facebook 用家轉用以下呢個紅色等如符號，以示支持婚姻平權 （marriage equality）。
官方技巧回應
香港其實都有試過大規模轉 ProPic，就係上年雨傘運動個排，突然朋友都變了絲帶，仲引起 unfriend 熱潮添！所以轉 ProPic 撐意見已經是 not exciting 的 old news。
但今次有少少唔同的地方，係因為發起人係 Facebook，佢地可以透過呢個小工具收集到你的取態。佢地官方回應就話唔係實驗或測試，唔係用黎賣廣告俾你，亦都唔係攞你資料，但佢地冇否認過可以用黎追蹤／難聽啲講係監察（track）你。
“This was not an experiment or test, but rather something that enables people to show their support of the LGBTQ community on Facebook. We aren’t going to use this as a way to target ads and the point of this tool is not to get information about people.”
Source: Gizmodo
唔好話我陰謀論喇，轉彩虹 ProPic 支持自己所想其實無問題，但我見到官方提供埋彩虹戰隊工具已經覺得唔方係好野，所以我冇用到官方野，因為我覺得與其係網絡上搞咁多野宣示主權，倒不如腳踏實地啲，做啲實事好過。都係個句，表裡不一的話，你轉埋張 ProPic 做 Video 都冇意思。更何況，而家只係美國平左權，呢件事世界上仲有好多地方都好具爭議，而家就「Celebrate Pride」，不是開心得過早嗎？
相關文章:
IG、Facebook 五月起標註 AI 生成內容 盼能解決假新聞問題 Meta AI 被指無法生成異族情侶圖片 外媒：亞洲男人與白人妻子不能同時出現 加拿大四校董會聯手 控告 TikTok 等平台影響學生學習
分享到 :
最新影片
