有無諗過行上山頂之後可以即刻有免費 WiFi 分享比朋友或者擺上 Facebook ？依家可以啦，因為日本將會係 7 月 10 日，呢個登山季節開始無耐既時間，在富士山山頂提供免費 WiFi ，所有登山者均可使用，就連外國遊客都覺得好驚喜，皆因日本係最少免費 WiFi 熱點既國家。
今次免費 WiFi 既提供係來自 NTT DoCoMo ，除左富士山外還有其他八個 WiFi 熱點設係各個登山路線，並且會一直提供直至到登山季節結束亦即九月中旬。當中更有三個熱點係好接近山頂，所以如果天氣好影到靚相既話，就可以即時用 WiFi 分享到 Facebook 同 Instagram 。日本既旅遊官員話，提出呢項服務既主要原因唔單單係想推廣富士山令更多遊客黎，而係希望遊客即時分享返天氣等消息比其他人，以確保安全。
如果即將去日本又對呢項服務有興趣就要記住，想要係山頂用到 WiFi 先要係山上既幾個配送中心之一拎張 WiFi 指示卡先。
來源：Digital Trend
分享到 :
最新影片
