Unwire Space 創業 Tips:被潑冷水 ? 7 個方法給你創業「正能量」

讚好此文:

七月 17, 2015 •unwire SPACE

創業係一條漫長而且艱辛的道路,路途上有時會遇到人潑你冷水,令你質疑自己係咪走錯路。創業一方面不斷燒錢,另一方面又需要很多時間等待成效,而且為了完善工作,你更要日以繼夜地不停檢討。壓力愈積愈大,不但影響心情、工作效率,甚至會令你對自己的工作失去信心… 講到咁灰,其實我地係咪可以化悲憤為力量呢?有好多人都可以係逆境中自強,睇睇佢地有咩咁獨特的諗法?

s1  

1.接受壓力

面對壓力的時候,有啲人會諗,「唔通連個天都唔鍾意我?」。但諗深一層,人生邊有咁順風順水呀,實會有高低起跌嘅。如果呢個時候,你將個啲負面的想法轉為推動力,例如:「我要過到呢一關!」,咁既可以訓練自己的逆境思維,又可以積極面對壓力,一舉兩得。

2.不無限上綱

每個人都會犯錯,事情也很難是完美的,但人有壓力的時候就會放大左啲錯處,仲會鑽牛角尖,自己嚇自己,我諗有唔少人都試過。下次再遇到呢啲情況的時候,首先要承認自己的不足,然後想辦法避免再出錯,將自己帶離無限上綱的陷阱。

s2

3.保持最佳狀態

當你狀態唔好的時候,壓力的影響會特別明顯,尤其是個人唔夠精神,身體唔好個陣。所以,維持作息正常,均衡飲食,多做運動呢啲基本野係一定要做的!

4.適當地應付情緒

當有壓力、唔開心的時候,有人會轉為食量、酒量,以「釋放」負能量,但難免過後會有一份空虛感。事實上,正面抽擊壓力,不逃避問題方為上策。這需要很多勇氣,但也是解決問題最直接的方法。

s3

5.填滿,也留白日程

將自己的時間表填滿,每天約不同的朋友去遊玩、食飯、行街,搞到自己忙一忙,以忘記壓力的存在,有好有唔好。好處係有朋友同你分擔你的情緒,給你安慰;唔好嘅係,佢地都只能是以旁觀者的角色,聆聽你嘅問題。要處理壓力的始終是你自己,所以也要多留些時間給自己,與自己對話喔~

s4

6.路,係自己㨂

下一句係咩我就唔講啦,不過係真的,人生的每一個決定都是自己的選擇,大至買樓定創業、小至早起定遲瞓,每一步都係自己的決定,要自己負起責任!

7.撥開雲霧見青天

有冇聽過薛凱琪有首歌,叫《Better Me》?裡面有一句,叫做「從前的錯都有意義」,精神強大的人唔一定都係樂觀的人,只係他們都可以係苦中找樂子,懂得從錯誤中學習,拒絕讓苦楚佔據生活,變成厭世的人,反之變得更強。

來源:Inc.

 

甚麼是 unwire.space ?

unwire.hk 作為生活科技網站,一直有報道科技生活之餘,亦有採訪科技創新企業,試透過我們的綿力推動一下香港創業文化的發展,因此推出類似現時流行的 co-working space 概念工作間 – UNWIRE Space。就在我們位於觀塘區的編輯室旁方便我們採訪報導,Co-working space 結合新媒體宣傳力就是我們與眾不同的 unwire.space 了

<詳情請按此>

 • 不想錯過新科技 ? 請 Follow unwire.hk FB 專頁http://facebook.com/unwirehk/
• 要入手生活科技潮物 即上 unwire store
https://store.unwire.hk/

Tags:

讚好此文:


Comments are closed.

unwire TV



更多同類文章:

最新文章