Samsung 今年首次上半年就推出雙旗艦，當中 S6 edge 憑藉雙曲面熒幕，引來不少用家搶購。但如果大家最近心大心細是否出機，筆者就建議大家停一停，諗一諗，因為今日有消息傳出，將會同 Note 5 同時發佈的 S6 edge+，將會同樣有 4GB RAM！
此消息是由一個越南網站流出，除了 4GB RAM 外，其餘規格就會與 S6 edge 相同，同樣都係採用Exynos 7420 處理器，但有傳 S6 edge+ 的時脈會高啲（會辣手？）。其餘 S6 edge+ 規格包括：採用 3,000mAh 內建電池，亦與 S6 edge 相同，都會有雙曲面熒幕，但熒幕尺寸會更大。
另外亦有單有關 Note 5 的消息，之前傳出 Note 5 的 S Pen 會採用一按自動彈出的設計，但最新來自韓國的消息指 Note 5 的 S Pen 仍會沿用舊設計，亦即係要大家用指甲人手撩出的設計。但由於 Note 5 會採用內置電池及不能插卡的新設計，大致與 S6 及 S6 edge 相同，如果不改變 S Pen 取出的設計，會否令用家拿 S Pen 出來使用上比以往困難得多？咁就真係要等真機發佈後，先至試得到了。
來源：Samsungviet、DDaily
相關文章:
【評測】Samsung Galaxy S24 FE 詳細評測 機身輕薄手感佳 + 用色清新迎合年青人 + 熒幕顯示效果出色 + 效能不錯打機都夠 + 定價抵玩 【評測】Samsung Galaxy Tab S10 Ultra 開箱評測 機身較薄但偏重 + 熒幕顯示出色舒服 + 旗艦級效能打機剪片都得 + 定價偏貴入手門檻高 Samsung Galaxy Book5 Pro 發表 同時提供 Galaxy AI、Copilot+ 人工智能
分享到 :
最新影片
