好的 Marketing 對於一間初創企業來說十分重要，除了可以在眾多的對手之中突圍而出，長遠更可增加公司的知名度，對於以 B2C 經營模式的 Startup 更會有很大的幫助。Marketing 並不止於做宣傳推廣，亦是建立品牌形象的好機會。尤其而家的後生仔，購物不單只看產品，更會「買感覺」，睇下下面 7 個貼士，幫唔幫到你？
1. 鎖定目標人群
首先你一定要清楚自己做 Marketing 的目的係乜野，純粹要多啲 followers？要多啲人識你間公司？定還是要令多啲人消費？定好目標之後，就可以著手向潛在對象「發動攻勢」，可以由你熟悉的人群組別開始，成功之後逐漸擴大至其他人士。
2. 戰略合作伙伴
其實真係有啲似打緊仗架，同一啲可以互惠互利的公司建立合作關係，可以互相彌補不足，例如：我間 Startup 的主要顧客係男性，對方就係女性，互相合作就可以提高 Exposure，達至雙贏。
3. 參與社區活動
唔係叫你個人自己參加，而係以公司名義參加。例如：最近的龍舟競渡，如果夠人，你咪可以包起一隻船參加；唔夠人，咪同幾間有合作開的 Startup 一齊參加。或者你公司可能係提供一啲服務嘅，可以贊助下啲 NGO 或者公益團體，又可以做善事，又有 Exposure，一舉兩得。
4. 俾啲動力人地
而家啲餐廳咪好興「Like 我個 Page，俾個九折你」呢啲優惠嘅，你唔好以為呢啲小恩小惠冇人理你，其實好多人都會即刻有行動，好見效架！當然你可以諗啲具創意，又唔難做的動作啦，咁先可以引起反應，仲可能會有人自動幫你 share 添！
5. 建立品牌個性
這個貼士係一個長遠策略，如果你條 Team 好細，冇人手，冇時間，咁可以等一等，儲下彈藥遲啲先做。但如果你係成個技術的專家，你就可以建立一個專業的形象，增加可信度。
形象係點黎架呢？從你說話的談吐、發表文章時的用詞、甚至衣著等等軟性的條件，都會係人地心目中變成形象。但要記得，做呢啲軟性營銷策略的時候，切忌 hard-sell，時時刻刻都提住你公司的優惠，你公司係點點點，人地只會敬而遠之，反而你講多少少其他相關資訊，可能會更吸引人了解。
6. 善用社交媒體
Startup 冇乜 Budget 做 Marketing 就人人都知架啦，所以要好好利用社交網絡。首先，要多啲 engage 你的客，俾一啲有趣又有用資訊出黎等佢地可以 Share 下。揀選一個合適你的 channel 去做 marketing，亦都係重要的一環，因為唔同組群會用唔同的 Social Media。另外，要時刻保持你的 Social Media 貼近最新社會情況，一日一次的 Update 已經不足了，不要太懶喔！
7. 參加公開比賽
香港近來有唔少呢啲比賽，唔好以為太細型，就算贏左都冇乜用，其實參與咗對於建立形象一樣好，因為有外界的 recognition，用黎說服其他人都 ok。而且有唔少比賽都會有傳媒採訪，千祈唔好因為怕醜而錯失呢啲曝光機會呀！
來源：Mashable
甚麼是 unwire.space ?
unwire.hk 作為生活科技網站，一直有報道科技生活之餘，亦有採訪科技創新企業，試透過我們的綿力推動一下香港創業文化的發展，因此推出類似現時流行的 co-working space 概念工作間 – UNWIRE Space。就在我們位於觀塘區的編輯室旁方便我們採訪報導，Co-working space 結合新媒體宣傳力就是我們與眾不同的 unwire.space 了
<詳情請按此>
分享到 :
最新影片
