最近天氣太熱，小編忍痛剪走左差不多 10cm 既亂草，亦因為咁，原來既曲髮都被剪走，頭髮變得唔直又唔曲，非常苦惱。於是我就再次上網搵曲髮夾既資料，發現除左一支支既曲髮夾，原來市面亦有一種懶人曲髮夾，按一下掣，頭髮就會自動被捲入去，睇落方便好多，所以就借左個 Curl Secret 電氣石陶瓷捲髮筒試下，睇下可唔可以做到韓式大波浪髮型。
隔次自動轉換捲髮方向
懶人曲髮夾顧名思義就係只要將髮束拉直，放係曲髮夾中心，再閉合手柄，頭髮就會自動捲入捲髮筒內，當聽到 3次快速而連續的指示聲響後，將手柄鬆開，就可以做到曲髮效果。呢個曲髮夾既好處就係唔洗理會捲髮方向，佢本身已經設定左隔次捲髮方向，一次向外捲，一次向內捲，咁就唔怕成個頭都單一方向。
▲ 深紫色既機身睇落好高雅。不過拎上手都有 D 重。
▲ 雖然話唔洗理會捲髮方向，不過放頭髮入去之前要先留意有捲輪那邊朝向頭皮先可以夾，另一邊標示左係唔可以夾架！
3個秒數設定有提示
同樣係懶人式設計，曲髮夾 30秒快速加熱，而且有睡眠模式同自動關機功能，咁就唔怕大慒唔記得熄機啦。另外，曲髮夾有 210度及230度 2段熱度同 8秒、10秒、12秒 3個時間控制，視示頭髮既粗幼可以做出唔同捲曲效果。我今次用左 8秒 同 230度，整左半邊頭髮，捲出來既效果非常自然，而且因為曲髮夾令髮絲 360度受熱，所以捲曲都幾持久，維持到大半日左右。
▲ 只要選擇好秒數，夠鐘既時間就會有提示，唔怕夾得過耐。
依莉詩：「本身曲髮要小心！」
BaByliss Curl Secret 用起上嚟的確比傳統曲髮夾方便，而且熱力平均，可以輕易做出兩邊曲度平均既髮型。但就要避免卡髮，每次唔好太貪心拎很多頭髮，2-3厘米左右就夠，如果頭髮太厚，就要先先分為左右及後面三大份，每份再分上下層咁捲髮先得。另外，最好先抹點髮尾油打底 同 用風筒吹一吹，令到髮絲順滑、減低毛燥。不過，因為小編本身既頭髮唔算太直，而且極度乾旱，所以整既時間經常出現卡髮問題，最後整左一半就放棄左了。
Conair Far East Limited (2751 4604)
分享到 :
最新影片
