平時去拉麵店加半隻溏心蛋都要十幾蚊，所以有唔少人都好想係屋企自己整。小編就試過放隻蛋入暖水度慢慢燜，亦有同事買左個煮蛋器番嚟試，不過都係失敗居多。而今日介紹既煮蛋計算器就可以大大提升煮出溏心蛋既成功率！快 D 一齊嚟試啦！
話說日本有個大學生做左個煮蛋研究，測試左唔同尺寸既蛋係唔同環境溫度、海拔下所需要既煮蛋時間。佢仲將所得既數據設立左一個命為「Boiling Egg Simulator」既煮蛋計算器。
▲ 使用煮蛋計算器前，要先量度蛋既直徑。
▲ 之後再量度蛋周圍既溫度。
▲ 最後將蛋既尺寸、周圍環境既溫度同身處既海拔輸入計算器，就會自動計算出烚蛋既時間同煮熟既程度。咁無論要煮溏心蛋、溫泉蛋定熟蛋都話咁易啦！
資料來源：data-artist
分享到 :
最新影片
