YouTube 影片點先知佢嘅整體人氣係點？好簡單啦，睇番個 view count 播放次數就知道。不過作為 YouTuber，有時會見到辛辛苦苦拍埋拍埋啲片，播放次數突然停止更新，好多次都係停左喺「301+」一段時間，個下真係覺得既奇怪又無奈。今日 YouTube 終於公佈會完善播放次數嘅驗証方法，「301+」嘅現象唔會再發生，而且播放次數嘅計算將會更加準確。雖然係遲咗啲，不過第日各位 YouTuber 就唔洗再咁無奈啦。
查實依個現象係源於 YouTube 為咗公平起見，會透過一連串嘅計算法去驗証播放次數嘅真偽，所以就會出現播放次數突然放緩更新、凍結、或者調整播放次數，以去除偽造嘅播放次數。不過去除咗呢個方法會唔會令 YouTuber 更容易「造數」？咁就要睇 YouTube 嘅新驗證方法係咪 work 啦！
來源：Twitter
相關文章:
【教學】YouTube 也可 Nicam 翻譯 睇外語片有中文配音 YouTube 一個動作背景播放教學 適用 iPhone Android 兩平台毋須 Premium YouTube 成美國電視收視之冠 年長觀眾增幅驚人傳統媒體流失率嚴重
