唔知各位 wire 民仲記唔記得一年前嘅 Project Tango 呢？最初推出時要近八千港元嘅售價確實嚇窒唔少人，其後就只能係今年五月尾作半價出售。另一樣可惜嘅係，Project Tango 一直只限於美國發售。不過如果大家想買，今日終於傳來喜訊啦！因為 Tango 今日正式宣佈，將會係韓國同加拿大率先發售開發人員版本。
Project Tango 平板嘅最大特色，就係機背只有 400 萬像素但就具備距離感應器等組成的 3D 掃描組件。而規格上，它採用了 Nvidia Tegra K1 處理器﹑4GB RAM﹑128GB 記憶體以及支援 4G LTE 等。7 吋機款熒幕解像度為 1920 x 1200，亦內建咗 4960mAh 容量電池。
Project Tango 係去年 5 月開售，任何人都可以買，但 Google 強調係專為開發人員而設。依家將會係美國以外嘅韓國同加拿大發售，之後係 8 月 26 日亦會於更多地區開售，當中包括：丹麥﹑芬蘭﹑法國﹑德國﹑愛爾蘭﹑意大利﹑挪威﹑瑞典﹑瑞士同英國。如果想要購買，可以前往 Google Play Store 。
來源： Google Developers
