中環新海濱雖然係一塊爛地，不過就有好多大大小小嘅活動喺度搞。今個星期要的話唔止有荔園，仲可以去埋隔離嘅大型戶外市集同免費學瑜伽添！
Fusion 午後市集
台灣嘅手作文化比起香港發展得更多元化就喺人都知。今個星期中環新海濱就有一個香港台灣大型戶外聯合「手作市集」，不但有超過 100個攤位，仲會有音樂表演、免費人像繪畫、HENNA 印度身體彩繪、攝影服務等等，將「台灣精神」 同 「香港態度」同時展現出來。
日期：2015年8月8日 ‑ 9日 中午 ‑ 下午7時
地點：中環海濱活動空間 》香港中環龍和道9號
戶外瑜伽節
平時做瑜伽唔喺屋企就喺健身中心，會唔會覺得悶？今個星期日中環新海濱除咗有市集外，仲舉行大型戶外瑜伽節，大家可以喺大遍草地上同一大班瑜伽愛好者一同練習！只要帶備水、毛巾同瑜伽墊就可以隨便walk-in 入去免費跟住專業瑜伽導師一齊上瑜伽堂。
日期：2015年8月9日 (星期日) 下午3時 ‑ 8時
地點：中環海濱活動空間 》香港中環龍和道9號
國際嬰兒、兒童用品博覽(第23屆)
萬一，真係萬一過咗海先突然落雨，唔想玩泥漿瑜伽的話，可以搭兩個站地鐵去嬰兒、兒童用品博覽。會場有接近700個攤位，方便各位爸媽為 BB 選購心水用品。另外，更有各界專家名人提供教育講座分享育兒秘訣及資訊，以及「全港嬰兒慈善馬拉松爬行大賽」、「全港最靚孕媽媽選舉」等其他精彩節目，絕對可以令一家大細滿載而歸。
日期：2015年8月6日 ‑ 9日 上午10時 ‑ 下午9時 (最後一天下午7時30分關閉)
香港會議展覽中心 展覽廳1 》香港灣仔博覽道1號
收費：成人$25 / 小童$20
資料來源：timable
