之前朗豪坊變身蛋黃哥食堂，得個影字又無得食，粉絲們梗喺覺得唔夠喉啦!期待以久嘅蛋黃哥點心就喺今個星期六正式登陸尖沙咀the ONE嘅新派點心店－点心代表。到時仲唔單止有 9款懶洋洋嘅蛋黃哥點心，仲會推出限定衣物同環保袋，喺咪好想快 D 同蛋黃哥溶為一體呢？
9大 Q爆蛋黃哥點心
蛋平時就食得多，不過今次每款蛋黃哥點心都喺用日本長崎縣嘅蛋炮製，食落唔知喺咪唔同D 架呢？
▲梳乎蛋煙肉五榖炒飯 $69
蛋黃哥化身大陽蛋趴喺佢摯愛嘅煙肉上，下面仲鋪滿由台灣進口嘅五榖米既豐富，又健康。
▲梳乎蛋流沙包 $49
蛋黃哥化身点心代表嘅招牌流沙包，仲要有三個不同嘅表情添！(點解我點睇都係同一個表情嚟嘅？)
▲梳乎蛋雜菜沙拉 $59
蛋黃哥同樣以太陽蛋形式出現，懶洋洋咁同新鮮雜菜、脆麵包放埋一齊等你放佢入口。
▲梳乎蛋蝦漢堡 $59
点心代表另一個招牌菜“漢堡仔”放大成蛋黃哥漢堡，用上蝦肉代替牛肉漢堡，食得更健康。
▲真真假假流心布丁 $49
注入香滑奶凍蛋白，芒果布丁扮蛋黃，似蛋非蛋，真真假假，假假真真，都唔知佢仲喺咪蛋黃哥。
▲震騰騰奶凍 $39
震騰騰嘅蛋黃哥，溶入用日本進口魚膠片加入新鮮芒果肉製成奶凍，十分搞笑抵死。
▲梳乎蛋撻 $39
香噴噴嘅鮮奶蛋撻，放上奶皇蓮蓉製造嘅蛋黃哥，可愛度唔捨得食！(9月中上市)
▲梳乎蛋蝦餃 $49
用混入蛋黃搓成嘅蝦餃皮包住新鮮大蝦，加上梳乎蛋嘅抵死樣，可愛指數爆燈。(9月中上市)
▲ 梳乎蛋雞蛋布丁 $39
賣相十足真真假假流心布丁，不過佢就係真正嘅蛋黃哥，入面盛滿嘅喺口感綿密嘅燉蛋，真喺想一匙一匙咁食晒佢！
(9月中上市)
▲ 雖然小編未有機會去食，唔知實物同發相差得遠唔遠，不過，小編喺 DIM SUM ICON Facebook Page 搵到張dimsumicon x gudetama 內部秘密自私試食日嘅相。相入面嘅梳乎蛋撻真喺好得意啊！
5大蛋黃哥專用餐具
除咗 9款抵死可愛點心，原來每款點心都配合了特製嘅器皿上枱。不同嘅狀態蛋黃哥“hea” 在碗碟上，十分可愛。可惜未知有無得買番屋企啊！
限定衣物同環保袋
雖然唔知特製嘅器皿有無得賣，不過限定衣物同環保袋就一定可以帶番屋企啦。小編覺得右上白色個件好正呢！
資料來源：点心代表、DIM SUM ICON@Facebook
分享到 :
最新影片
