個樣超級治療嘅水豚君「カピバラさん」原來已經 10歲架啦！為咗慶祝佢生日，CHEER’S 大阪阪急梅田總店由今日起到 10月27日會變身水豚君 Pop-up Cafe。
Pop-up Cafe 唔單止漢堡包同曲奇有水豚君同佢朋友「なまけものくん」個樣，原來每款食物都以歷年水豚君海報為藍本設計，非常有意思。去開大阪嘅朋友要去睇下啦！
▲ 喺 2005年海報出現嘅水豚君原來喺漢堡包（1480円）嚟架！而草原就喺沙律，好萌啊！
▲ 參照 2011年海報設計嘅水豚君漢堡（1580円），隔離仲有「なまけものくん」陪佢添！
▲ 用雪糕做成嘅 「なまけものくん」（1300円），成個雪人咁，好搞笑！
▲ 呢杯梳打（800円）喺參照 2015年海報整嘅，幻唔幻想到上面嘅星星喺一隻隻迷你水豚君呢？
▲ 呢杯飲品（800円）上面嘅雪糕畫咗水豚君個樣，好 cute 啊！
▲ 除咗堂食之外，Cafe 仲推出咗 8款曲奇（450円）俾大家帶番屋企。
▲ 另外仲有好多限量精品添！（突然好想買隻水豚君當攬枕抱啊！）
資料來源：fashion-press、tryworks.jp
分享到 :
最新影片
