近年有唔少 Android 平板品牌都推出「變形」平板機款，就連 Google 似乎都被吸引，係今次記者會讓採用「變形」設計的平板電腦 Pixel C 率先曝光。究竟佢有咩功能？而家就等 Edward 同大家用 3 分鐘時間睇盡 Pixel C 五大重點。
一）磁石吸附隨時改角度
Pixel C 設計上同其他「變形」平板無乜大分別：平時可以當一般平板使用，但需要打字時就可以裝上鍵盤。而鍵盤同平板係採用磁石吸附設計，吸得十分實之餘，吸上後可以隨意更改角度，方便係任何地方都可以舒適睇熒幕。
▲平板及鍵盤採用磁石吸附設計。
▲可以不同角度擺放。
▲另外鍵盤唔用個時可吸附係平板機背，既可方便外攜使用，亦可順道幫藍牙鍵盤充電。
▲鍵盤吸附力好強，Google 現場示範就算只拿住平板或鍵盤部分，甚至倒轉拿，另一邊都唔會跌出來。
二）鍵盤細但無犧牲打字體驗
既然鍵盤主力用來打字，自然要打字舒服。Pixel C 雖然擁有比一般手提電腦細嘅鍵盤，但就沒有犧牲打字舒適度，因為佢只係縮細部分按鍵，例如：Shift、Enter、Backspace 等，但方向鍵及文字按鍵面積，就無縮細到。加上從設計圖睇，每個按鍵都有一定鍵深，估計打字舒適度同一般手提電腦差唔多。
相關文章:
【教學】iOS 18.2 香港如何用 ChatGPT 詳細方法 + 機種限定 5 款幫小朋友學寫好中文字 App 免費使用 + 家長推薦 + 初小筆順學得快 課金人士買手機有得慳？無需客戶 Google Play 金/白金/鑽石會員 csl 買淨機有折扣
三）觸控熒幕、鍵盤自動切換
另外，Pixel C 亦設有自動切換功能，當以平板模式使用時，就採用觸控式鍵盤；但當裝上鍵盤後，就會自動切換至以鍵盤輸入文字。
四）超高解像度靚芒
Pixel C 亦設有超高解像度熒幕，解像度達到 2,560 x 1,800，點距高達 308ppi，亮度亦高達 500nits。此外，熒幕色準採用 sRGB 格式，估計質素應該幾唔錯。至於規格方面，就採用 Nvidia Tegra X1 處理器及 Maxwell 圖像處理器，亦內建 3GB RAM。
五）鍵盤需另購年底推出
最後一項就係，Pixel C 設有 32GB 及 64GB 容量版本，售價分別為 US$499（約 HK$3,892）及 US$599（約 HK$4,672）。至於推出日期，Google 表示是今年年底。另外值得一提嘅係，藍牙鍵盤並非隨機附送，是需要另外購買，售價為 US$149（約 HK$1,162）。
相關文章:
【教學】iOS 18.2 香港如何用 ChatGPT 詳細方法 + 機種限定 5 款幫小朋友學寫好中文字 App 免費使用 + 家長推薦 + 初小筆順學得快 課金人士買手機有得慳？無需客戶 Google Play 金/白金/鑽石會員 csl 買淨機有折扣
分享到 :
最新影片
