Acer 今日在台灣舉行了一個發佈會，一口氣向大家推介多款產品，但不少產品都已經於柏林 IFA 發佈過，而以下這款卻是從未曝光，這就是 All-in-One 電腦，Aspire Z3。而 Aspire Z3 最大特色就是可以不插電，當作 Tablet 使用，另外同場加映一部從未曝光的 Aspire R 14，同樣可以由 Notebook 變身 Tablet，想知更多請閱讀以下文章。
覺唔覺得上面兩位 Model 同我哋平時影開嗰啲 Model 好唔同呢，因為佢哋係台灣人呀！今日籮文搭咗個幾鐘飛機黎到台灣，出席 Acer 同 Windows 10 嘅聯合記者會，活動中可以見到最近喺德國柏林 IFA 亮相過嘅一堆新產品，包括層層疊電腦 Revo Build、Windows 10 Mobile 手機 Liquid Jade Primo、Predator 打機系列等等，可惜未見到有 Predator 8 打機平板，不過除咗一大堆德國柏林 IFA 亮相過產品，Acer 今次仲發佈咗從未曝光嘅 Aspire Z3 及 Aspire R 14！
打開 Kick Stand 貌似普通家用一體機
平時喺屋企用 Aspire Z3 當家用機嘅時候，就可以打開機背兩支用作支撐嘅 Kick Stand，接駁 Keyboard 同 Mouse 就搞掂。兩支 Kick Stand 都好硬淨，支撐力應該唔錯，至少籮文係現場華麗轉身時，背囊撞到佢都仍然屹立不倒（好彩）。
▲就咁睇，Asprie Z3 就係一部平平無奇嘅 All-in-One PC，事實上，佢係可以抆咗走條電源，拎上手當 Tablet 用。
▲看似簡陋嘅 Kick Stand，事實上支撐力唔錯，至少籮文華麗轉身時，背囊撞到佢都仍然屹立不倒（好彩）。
內置電池可變身 Tablet
你可能會好奇，依部電腦要點樣變身 Tablet 呢，要㩒咩制呢。其實唔難，只要抆走條電源，依部電腦理論上就係一部 Tablet。充滿電嘅話，內建電池足夠你用 5 個鐘，17.3 吋咁大個 Full-HD Mon 當然唔可以同 Surface Pro 3 /4 的電力比喇。不過要留意一樣野，Aspire Z3 重 2 kg，籮文影相時試過一手揸相機，一手拎起部 Z3，原來係唔可行，因為都幾重。咁大部 Tablet 其實唔係預你拿上手用，係方便你係屋企周圍用，可能係廳做完野，拿去 sofa 的茶几前睇戲上網，甚至搬入房播歌。
▲由未能夠一手揸相機一手揸電腦，只好叫 Acer 台灣嘅同事幫我影啦。可能因為 Acer 冇出相機嘅關係，張相係 Out 咗 focus 嘅 (好爛)
▲機身左側可以見到 SD 卡槽、HDMI、3.5mm 聲音輸入輸出，而 USB 睇黎未用到 Type – C 喎
▲開關制就喺右側，開關制下方其實係一個用作放置觸控筆嘅位置，不過觸控筆係另購嘅。
相關文章:
大專手提電腦優惠計劃 2024 各電腦品牌學界獨家優惠
籮文：「Aspire Z3 係咪要挑 iPad Pro 機？」
推出一部咁大部嘅 Tablet，Aspire Z3 同樣支援另購嘅觸控筆，唔知 Acer 係咪要挑 Apple 機，撼 iPad Pro 呢？講下姐～Aspire Z3 儲存空間有32/60/128/256 GB SSD ＋ 500 GB HHD 可供選擇，而處理器用上 Intel Pentium N3700／Intel Celeron N3150 / N3050，內存記憶體最高 8 GB DDR3，效能上唔算係高檔次，希望價錢亦都係平民化。
▲除咗家用 Mode 同 Tablet Mode，你仲可以好似依位 Acer 嘅 Engineer 咁，放喺枱上用
相關文章:
大專手提電腦優惠計劃 2024 各電腦品牌學界獨家優惠
分享到 :
最新影片
