扭出限量聖誕球！銅鑼灣化身聖誕球郵政小鎮

銅鑼灣聖誕應該會非常熱鬧。這邊廂一個星球大戰展覽引來唔少粉絲，那邊廂利舞臺、Hysan Place 同 利園一期 化身聖誕球郵政小鎮，帶起聖誕氣氛。今日我依莉詩就順路去咗一轉。

1) 聖誕球連動機關

今年利舞臺、Hysan Place 同 利園一期沒有水晶球，反而多咗個聖誕球扭蛋玩意。只要捐 $50 俾救助兒童會(Save the Children)，就可以係「願望代幣機」兌換「願望代幣」一枚，並到「聖誕球扭蛋郵筒」扭出限量版聖誕球。如果兌換到「願望金幣」更可在 Hysan Place及利舞臺特別設計的「聖誕球連動機關」抽出大號扭蛋聖誕球一個。

▲ 聖誕球由利舞臺的「聖誕球夢工場」製作，再到 Hysan Place 的「聖誕球郵政總局」分發，最後由利園一期的「聖誕球快遞專車」運送到收件家庭。

▲「聖誕球夢工場」是整個企劃的起點，夢工場内的工人將每個人的願望和心意放進聖誕球裡，再經過精密的儀器加工及設計外型下，製造出精緻無比的聖誕球。

▲ 投入 $50 到「願望代幣機」有機會兌換到「願望代幣」或「願望金幣」。

 

▲ 24款聖誕球來自英國、美國、法國、瑞典、意大利、荷蘭、芬蘭、日本、韓國以及新加坡的著名品牌創作，當中最特別的是足球小將、nanoblock、妖怪手錶、KENZO 同 Miffy。

nanoblock Gift Studio

另外，係希慎一樓開設了超小型積木 nanoblock 的概念店。工作室內除了展出 RE:SHAPE 作品及舉行連場公開對戰外，仲可以即場參與 Workshop 親手 RE:SHAPE 獨一無二的聖誕禮物，將節日歡樂 RE:SHARE 給好友摯愛。

▲概念店外型都好似 8-bit 一樣一格格。

▲門口有一個積木砌出來的聖誕老人。

▲ 入面展出了超過 200 款創意 nanoblock 作品。

▲ 用半透明 nanoblock 砌出來的聖誕樹。

▲ 寵物小精靈的比卡超、車厘龜同奇異種子。

▲ 仲有懶洋洋嘅鬆弛熊。

▲ 連地縛貓都有呢！

▲ 另外，只要係 nanoblock Gift Studio 內購買指定款式，就可以免費參與「RE:SHAPE」工作坊。

▲係工作坊內可以為將自己的 nanoblock 製成品放入聖誕球內，製作成聖誕特別版！

▲ 如果唔打算放入聖誕球，可以考慮下好型的 nanoblock。

▲  nanoblock 鐘都好特別呢！

依莉詩點評

記得上次的水晶球裝飾非常夢幻，走入去影相就好似入咗另一個世界。可惜今年郵政小鎮就無乜影相位，變成買聖誕裝飾的地方。雖然將 nanoblock 放入聖誕球好特別，不過好似唔夠實用。

 

聖誕氣氛 ★★★☆☆

必影指數 ★☆☆☆☆

必買指數 ★★★☆☆

 

日期：2015 年 11 月 20日至 2016年 1 月 3日

地點：利舞臺、Hysan Place及利園一期

分享到 :

最新影片