相信大家屋企多多少少都有啲十年都唔用兩三次，又要入電池、又或者好耐都唔洗換電池嘅小電器，但大家有冇試過一開個時開唔著？後尾打開電池蓋一睇，原來係電池太耐無用，入面啲液體漏哂出來搞到用唔到！用唔到事小，呢啲液體隨時含有有毒物質（例如：水銀、鉛、鎘等），輕則整傷皮膚，重則小朋友摸完唔小心放入口就麻煩啦！所以，採用無毒電池無論係對人體定係對環境都好重要。究竟選購對小朋友安全嘅電池有咩要點？而家就同大家分享一下啦。
電器產品「少用」要慎選電池
有時好耐唔用或應急的電器，例如：電筒、收音機、無線門鐘、鐘.. 等，通常幾年才需要換電，但放置期間電池可能會因為過期，令到入面嘅液體流咗出電池外嘅電池匣內。萬一家中有小朋友，不慎接觸到呢啲有液體流出嘅電池，再將手指放入口內，後果真係不堪設想。所以屋企有小朋友嘅 wire 民，記住選購電池個時，最好選擇無水銀、無鉛、無其他金屬物質嘅電池， 身體傷害比一般電池少得多。
▲大家見到 0% Hg 即係無水銀，而 0% Pb 即係無鉛，選購電池時最好揀呢種電池，以減低對環境帶來的傷害。
▲不過大家要記住，電池一般有分兩種，一種係鹼性電池（上圖藍色包裝），另而一種就係碳性電池（上圖啡色包裝），兩種電池用途有分別㗎：前者主要用於相機、無線鍵盤滑鼠、玩具、遙控器等，而後者就主要用於鬧鐘、電筒、遙控器同埋玩具等，記住唔好揀錯。
相關文章:
寧德時代曾計劃於美國製造電池 但被美國政府拒絕 寧德時代董事長指 Tesla 電池將失敗 直指 Elon Musk 對電池並不熟悉 中國測試發現電動車電池衰減嚴重 4 年電池健康度衰減近 25%
環保電 ＝ 電量少 ？其實不一定
另外，唔少人以前用過環保電池，都會有種感覺：環保電？電量少啲㗎喎！仲要貴啲，唔抵用囉！為咗證實係咪真有其事，筆者就取來兩粒環保鹼性電池（無水銀），又取來兩粒普通鹼性電池，同樣放入個咖啡打奶泡器度保持開啟，直至電量耗盡為止。最終結果發覺普通 AA 電用到差唔多 6 個鐘，而環保電池其實都一樣可以用足 5 個半鐘左右。由此可見，如果選用環保電池，只要選擇較優質嘅產品，使用時間唔會少得過普通 AA 電池！
▲一於試下將環保電池放入個打奶泡機入面睇下用到幾耐。
▲由 11 月 7 日 19:22 開啟電源使用，用到 5 小時 31 分鐘左右完全無電停止。
▲再用普通鹼性電池試試，由 11 月 8 日 20:21 開啟電源使用，用到 5 小時 44 分鐘左右完全無電停止，可見環保電係使用時間上唔會差過一般鹼性電池。
▲筆者係打奶泡器運作大約 4 小時後，都用過測溫槍度過電池溫度，發覺 VINNIC 環保電表面溫度都只係 33.2 度，一啲都唔覺發熱，可見電壓都算穩定，唔會為電池製造高熱，影響使用安全。
電池點放最安全?
另外，正確嘅儲存方法都可以保持電池嘅質量，最好就將電池按相同的電極排好收藏在絕緣的地方（例如：膠盒、紙盒內），而電池之間的正負電極接觸點最好加上絕緣體阻隔，再在當眼位置標明使用期限，咁就唔怕電池過期出現問題啦！買定多啲電池在家中，咁就夠方便啦！
▲VINNIC 嘅環保電池就有齊各種 size 俾大家選購。
▲有啲電池品牌，如果係官網訂購，唔止可以自選電池組合，仲可以一 pack 送到上門唔洗落街買。
▲筆者計過數，幫自己屋企所有電器買齊一套電，都係只需要 $36.9，仲要包送貨真係抵到笑！
環保包裝愛護地球
近年咩都講環保，選購電池都一樣！當然大家都想好好保護「地球先生」，但唔少坊間電池包裝，都用咗好多塑膠或者其他物料，而電池本身亦可能內含唔少難以自然分解嘅物質，唔止包裝難拆，而且包裝同埋電池物料會有難以分解嘅物料，他日用完要棄掉，垃圾入咗堆填區，就會對泥土同環境造成永久傷害。如果選用電池本身擁有自然分解元素，包裝亦採用簡約設計避免不必要嘅浪費嘅電池，咁就已經可以對地球先生嘅「健康」出咗一分力啦！
▲有啲電池採用透明包裝加紙底設計，就連包裝都對環保貢獻一分力量。
▲如果電池本身採用自然分解設計，咁就算用完棄掉埋入堆填區都會自然分解，唔會影響環境。
總結：小心選購電池！避免不必要家居意外
以上就係筆者選購電池嘅小小心得，但其實最重要，都係安全至上！始終小朋友唔似大人，知道個樣係電池，知道危險。如果選用安全而優質嘅環保電，其實可以減低一點對家人及地球的傷害！大家可能會問筆者：咁有咩符合哂以上咁多種條件嘅環保電揀？其實睇番而家個 market，最近筆者就發現有款 VINNIC 嘅環保電池，就做到哂上面提及所有元素。而且購買都好方便，只要大家點按此進入官方購物網站，就可以購買他們各系列電池！另外大家如果買夠 $200 或以上，仲會回贈番 $50 超市禮券添！購買方便又送貨上門仲要有優惠，大家不妨可以考慮下喎！
查詢：VINNIC（2893 3396）
相關文章:
寧德時代曾計劃於美國製造電池 但被美國政府拒絕 寧德時代董事長指 Tesla 電池將失敗 直指 Elon Musk 對電池並不熟悉 中國測試發現電動車電池衰減嚴重 4 年電池健康度衰減近 25%
分享到 :
最新影片
