專訪 Heyo 工廈 DIY 錄音室 見證新碟製作過程

讚好此文:

二月 12, 2016 •人物專訪, 星級專訪, 流動音樂

Heyo,香港Rapper,不少經典作品,如:睇醫生、同一天空下、喜愛射毛 等等可能你都有聽過,V.S.O.P (海洋公園員工辛酸史) 一曲仲曾經登上報紙頭版。在<狂舞派>電影中,Heyo 亦有擔任配樂工作及飾演 MC 一角。佢近期正在積極籌備下一張大碟,籮文有幸可以入到錄音室採訪佢同佢隻新碟嘅製作班底,究竟一隻碟由零到一百,各個階段會用到咩科技呢?想知就要繼續閱讀以下文章啦!

heyo222

Rapper 如何作詞?靈機一觸 如何紀錄?

如果你有聽過 Heyo 嘅歌,佢嘅 Rap 主題包括社會大小事,甚至描寫自己的內心世界,究竟佢係點樣搵靈感架呢?唔好以為玩 Hip Hop 就係粗魯,原來 Heyo 都睇唔少書,工作室內亦可以見到不少書籍,佢仲會周不時會閱讀康熙字典豐富自己嘅用詞。正所謂,靈感「話黎就黎」,Heyo 有時行行下街都會有靈感,佢會用 iPhone 嘅備忘錄加上語音輸入,只要將腦海中的歌詞讀出就可以「我機寫我口」,全部輸入到手機內記錄下來。

Screen Shot 2016-02-05 at 6.09.42 PM

▲正所謂,靈感「話黎就黎」,Heyo 有時行行下街都會有靈感,佢會用 iPhone 嘅備忘錄加上語音輸入,只要將腦海中的歌詞讀出就可以「我機寫我口」,全部輸入到手機內記錄下來。

heyo219

▲唔好以為玩 Hip Hop 就係粗魯,原來 Heyo 都睇唔少書,工作室內亦可以見到不少書籍,佢仲會周不時會閱讀康熙字典豐富自己嘅用詞

編曲用 Logic Pro 混合真樂器及電子合成器

在場仲有新碟其中一位編曲者,公仔。公仔是一個結他導師,亦是 Heyo 作現場演出的御用結他手,早前 Heyo 邀請 公仔 為新碟編曲。公仔使用 Logic Pro 軟件進行編曲,新歌曲風比較抒情,以結他作主旋律,其餘部份就用上電子合成器(Synthesizer)模擬出其他樂器的聲音。其實唔只 Heyo 作詞會用 iPhone,就算公仔作曲或編曲都可以用 iOS 的 GarageBand 或者最近推出的 「音樂筆記」(Music Memos)應用程式幫手,就算搭車途中有靈感都可以記錄低,令作曲更得手應手。

heyo20

▲公仔使用 Logic Pro 軟件進行編曲,新歌曲風比較抒情,以結他作主旋律,其餘部份就用上電子合成器(Synthesizer)模擬出其他樂器的聲音

錄音室雖小但五臟俱全 不過錄音時要「得靜靜響度」

Heyo 邀請籮文黎到位於牛頭角嘅錄音室採訪佢錄製新歌嘅情況。身為獨立音樂人,Heyo 冇大水喉射住,唔似大台歌手有大大個錄音室,佢嘅錄音室面積只有大約20平方米,由 Michael、Heyo 同 Doughboy 共同營運。大家心目中嘅錄音室情景,可能係錄音師於控制室操控機器,隔住玻璃嘅另一邊就係歌手於隔音室入面唱歌。不過籮文現場見到嘅係監制兼錄音師 Michael 與 Heyo 同處於一個空間,錄音過程中大家,包括籮文都要「得靜靜響度」,因為我哋發出任何聲響,包括腳步聲、椅子聲、甚至呼吸聲都會被敏感度高的電容式麥克風收錄,影響成品質素。

heyo16

▲唔似大台歌手有大大個錄音室,佢嘅錄音室面積只有大約20平方米,由 Michael、Heyo 同 Doughboy 共同營運。

heyo13

▲監制兼錄音師 Michael 與 Heyo 同處於一個空間,錄音過程中大家,包括籮文都要「得靜靜響度」

heyo202

▲發出任何聲響,包括腳步聲、椅子聲、甚至呼吸聲都會被敏感度高的電容式麥克風收錄,影響成品質素。

Pro Tools 錄音術語你識唔識?

Pro Tools 係世上最被廣泛使用嘅錄音軟件,今次亦唔例外。佢哋錄音時不時會彈出一啲術語,例如「開過」,即是由頭再開始。大家可能都試過唱 K 時入錯拍子,又甚至唔知幾時入,「Pre-Roll」功能就讓錄音師可以設定「預備拍」於實際開始錄音之前,令歌手更易入啱拍子,而非一按下播放鍵就同時開始錄音。而如果錄音中只有一小段要重錄,就要用到「Punch-In」技巧,即是錄音師播放已錄的歌聲,同時歌手跟住唱,播放到需要重錄的位置才按下錄音制,這樣就可以保留其他已錄的 Good Take,同時又可以用新錄的覆蓋該部份不滿意的錄音,原本的錄音與新錄的銜接亦會較順暢。原來錄音係咁有學問,所以做一個錄音師真係唔易架!

Screen Shot 2016-02-11 at 5.26.35 PM

新碟《花華》預計於年中推出

Heyo 早前都曾經出過一張碟叫《嬉怒的維度》,但是 Mixtape 性質(Mixtape 即是使用其他曲目的伴奏,是 Hip Hop 界常見的做法),所以《花華》其實是他首張說唱大碟,新碟《花華》預計於年中推出,由獨立廠牌 Bakerie Records 出品,大部份歌曲由 Dough-Boy 幕後主理,預計於年中推出,其中一首新曲「我玩固我在」更加已經打響頭炮,率先登錄 Spotify / iTunes!

heyo223

▲Heyo 表示新碟《花華》預計於年中推出

Screen Shot 2016-02-11 at 8.36.30 PM

▲其中一首新曲「我玩固我在」更加已經打響頭炮,率先登錄 Spotify / iTunes!


 

 • 不想錯過新科技 ? 請 Follow unwire.hk FB 專頁http://facebook.com/unwirehk/
• 要入手生活科技潮物 即上 unwire store
https://store.unwire.hk/

Tags: , ,

讚好此文:


Comments are closed.

unwire TV



更多同類文章:

最新文章