見到可愛嘅動物，相信唔少人嘅即時反應當然就係同佢自拍一番；但你又有無諗過，咁樣做隨時會害死牠們？係上星期阿根廷 Santa Teresita 一個沙灘上，一隻小海豚被遊客搶著摸同影相，結果因長期離開水面暴暴露在陽光下，結果脫水而死。
一名阿根廷男子 Hernan Coria 係 2016 年 2 月 10 日於 Santa Teresita 一個沙灘上發現一群人圍住一個抱起小海豚嘅男人並將畫面拍低傳上 Facebook （Facebook Post 已刪除），從照片中可以見到係小海豚周圍聚集嘅人群都拎起手機想要同小海豚影相。呢次事件經已引起動物權益組織同野生動物基金會嘅憤怒同關注。
阿根廷野生動物基金會係本週發表聲明表示，圖中小海豚為拉普拉塔河豚（La Plata dolphin），而佢地都係非常脆弱嘅品種，拉普拉塔河豚只係阿根廷﹑烏拉圭和巴西存有，現時僅剩三萬隻。野生動物基金會還指「由於雌性繁殖習慣，呢個品種海豚數量難以恢復。」而當海豚從水中離開而暴露在太陽下，將會迅速導致脫水，最終死亡。
來源：PetaPixel
分享到 :
最新影片
