想令到身體線條變得更好睇，最好的方法當然是每日去做 Gym。雖然健身可以鍛鍊手臂、大腿、小腿、胸肌、腹肌及背肌等，但留意身體有不少地方平時都難以鍛鍊，比如手指便是其中之一。不過有趣的是最近日本 Takara Tomy 卻推出了一系列手指健身器材，而且更在網上掀起了一陣話題。
話說這套名為「ユビ・アップ」（YUBI UP）的產品其實是一套扭蛋，每套總共有 5 款不同的小玩意，而每款則各有黑及紅兩種顏色，即合共有 10 個不同版本。從圖中可以看到，這套 YUBI UP 最有趣之處在於所有健身器材都變成縮水版本，例如有啞鈴、拉筋器及握力器等，而且全部都是專為手指而設，並聲稱只要多加使用，便可以幫手指減肥變得更瘦更靚。
留意每款 YUBI UP 均可以鍛鍊手指不同部位，例如可以強化屈曲力、拉力、舉力及按壓力等，雖然看起來似乎有點用，但官方亦不忘註明「效果因人而異」。資料顯示 YUBI UP 的發售日期為 2016 年 2 月，而且目前有不少網民已經入手，相信應該已經推出市場，至於價格方面每個為 200 日圓（約 13.7 港元），買齊一套都不算太貴呢！
來源：Takara Tomy
