近年網上流傳唔少閃光片都係關於「爆炸盒」，幾乎個個女仔都想男朋友整一個俾自己。不過整一個又談何容易丫，單係 cut 張都 cut 到傻，如果有呢部 Brother 推出的新一代手作神器就一定慳唔少功夫。
加入 Wireless 更易玩
其實 Brother 係 2014年已經推出過一部創意裁剪機，不過今次呢部新加 Wireless無線連接功能，所以變得更方便易用。只要用電腦或平板電腦上 ScanNCutCanvas 設計平台的網頁，設計好圖樣後就可以以無線傳輸數據到裁剪機進行裁剪，而且新機有更大的掃描與切割區域 (12″ X 24″)，就可以做出更多變化。
▲ 新機外觀同功能上沒有太大變化，不過加咗 Wifi 功能就更方便。
▲ 機上有 WiFi 的 Logo。
▲ ScanNCutCanvas 設計平台的網頁本身已經有多款圖樣可以揀。
▲ 又或者可以自己設計。
▲ 設計好就可以過落裁剪機進行裁剪。
更有顯示器更易睇
呢部比起上一代有更大的 4.85吋的液晶觸控屏顯示器，就好似有部手機係裁剪機上面咁，更大更清晰、易觸控。
▲ 預覽的圖像可以睇得更清晰。
免費下載 ScanNCutCanvas 作品
自問唔夠創意，諗唔到點整。ScanNCutCanvas雲端設計平台就可以免費下載 ScanNCutCanvas 作品刀模來製作多元化的創意作品，包括橫額、心意卡、禮物盒、立體花、精美相架及多款拼貼圖案作品。咁就唔怕諗到頭都痛了。
▲ cut 完出嚟的圖樣併貼後就可以成為賀卡。
▲ 如果將圖案 cut 係透明卡上就可以用作灑可可粉的模。
▲ 仲可以用於 cut 貼紙。
▲ cut 布都得！
▲ 將 cut 出來的作品做甜品裝飾都得，用途非常廣泛。
售價：$3,999
查詢：Brother (3187-0500)
