吼！吼！吼！恐龍出沒注意！今個復活節 YOHO MALL 變身成為恐龍樂園，係室內、外設立 6大探險區，等 3歲至 12歲小朋友參與。今日我依莉詩就帶咗兩位小 wire民 軒軒哥哥 同 杰杰細佬 去挑戰佢地嘅膽量啦！
1) 逃出速龍口
今次最矚目的相信係呢條 25呎高的巨型暴龍頭充氣滑梯，小朋友穿越利爪爬上暴龍頭，再於獠牙之間逃生，從而訓練孩子的勇氣及肢體協調。充氣滑梯有 4條，如果爬上去的速度夠快，6 mins 可以瀡到 4次架，不過我見軒軒哥哥玩完好似唔多夠喉。
好玩度：★★★★★
身高限制：100-140cm
費用：$50/6 mins
地點：YOHO MALL I 露天廣場
▲ 可借因為身高限制只有軒軒哥哥可以玩到，而杰杰細佬只好得個睇字。
▲ 因為試玩當日風速太高，呢條越押威龍滑梯無開到，有 D 可惜。
2) 恐龍仔滑梯
如果細 D 的小朋友玩唔到大恐龍都唔緊要，呢度有個細仔區，性格友善溫馴的劍龍比小朋友們爬上牠的背脊一起玩耍。長逾14呎的恐龍仔滑梯造型
好玩度：★★★★☆
身高限制：80-120cm
費用：$50/ 6mins
地點：YOHO MALL I一樓平台
▲ 恐龍仔滑梯身高限制較低，杰杰細佬玩完即刻開心番晒。
3) 小小森林世界
除咗恐龍充氣裝置，細仔區仲有一個小小森林世界，8個小朋友可以同時跳彈，發揮團隊精神，
好玩度：★★★★★
身高限制：80-120cm
費用：$50/ 6mins
地點：YOHO MALL I一樓平台
▲ 雖然呢個小小森林世界睇落唔多吸引 (對我來講好唔特別咁) ，但竟然係軒軒哥哥 同 杰杰細佬最鍾意玩的遊戲，玩咗足足 4次咁多啊！
4) 歷奇撐艇仔
充氣裝置唔一定係彈床，呢個充氣裝置就化身成小小湖泊，小船長們可以坐上歷奇艇仔，
好玩度：★★★★☆
身高限制：90-130cm
費用：$50/ 6mins
地點：YOHO MALL I 地下
▲ 呢個遊戲係其他地方都出現過，不過對小朋友嚟講，最緊要都係好玩。
5) 恐龍生蛋
入番室內，有隻16呎長的機械三角龍媽媽正在照顧一窩想破殼而出的三角龍 BB。只要投幣，龍媽媽便會生蛋，讓小朋友見證生命誕生，喚起探索生命奧秘的興趣。而且恐龍蛋仲可以比小朋友帶番屋企慢慢孵恐龍仔。
好玩度：★★★☆☆
費用：$50
地點：YOHO MALL I中庭
▲ 三角龍媽媽正在照顧一窩想破殼而出的三角龍 BB，好可愛呢！
▲ 軒軒哥哥 同 杰杰細佬 拎到恐龍蛋之後超興奮，想即刻打開佢。
6) 恐龍獵蛋專區
係恐龍獵蛋專區有 3 種機器，包括首次曝光的考古天秤機、歷奇機械爪 同 老是常出現的 考古挖掘機。小朋友可以係可轉向的控制室內，實地操控天秤吊臂、機械爪 或 鐵鏟 來挖掘恐龍蛋，訓練肢體運用。
好玩度：★★★☆☆
身高限制：90-140cm
費用：$50/ 6mins
地點：YOHO MALL I中庭
▲ 小朋友需要控制考古天秤機吸吊 9色恐龍
▲ 歷奇機械爪就需要控制於限時內操控機械爪將小恐龍夾起放在育嬰箱中。
7) 10呎長暴龍大巡遊
另外，活動期間，逢星期六、日及公眾假期下午2時、4時及6時，7呎高
▲ 就唔啱時間的話，商場仲有好幾隻恐龍比大家影相，男仔入咗呢個商場應該好難出得番去。
軒軒 + 杰杰：「恐龍好吸引！」
本來果日計劃咗去海洋公園，不過因為天雨關係去咗呢度，好彩軒軒哥哥 同 杰杰細佬都好鍾意恐龍，加上呢度恐龍的佈置內遊戲散落係商場唔同角落，所以入咗去真係好難出番嚟。講到遊戲方面，我諗平日買套票會抵玩好多，因為每個吸引的遊戲都要 $50，而且玩得 6 分鐘似乎唔多夠喉。加上星期日去都幾多人，每個遊戲都排得幾長龍下，玩得似乎唔夠盡興。不過見佢地玩的時候都好開心，最後軒軒哥哥仲話呢度好玩過海洋公園添！(但…佢又知海洋公園有咩玩嘅？)
▲ 因為充氣裝置大多係室外，落雨都會停開，軒軒哥哥 同 杰杰細佬 望住非常失望啊！
恐龍歷險之旅
日期：2016年 3月19日至4月10日
地點：YOHO MALL
套票：$180 (任選 4個 $50 + 2個 $10 遊戲)
相關影片﹕<div class=”fb-video” data-href=”https://www.facebook.com/unwirehk/videos/10156943250560495/” data-allowfullscreen=”true” data-width=”694″></div>
分享到 :
最新影片
