民以食為天。街頭小食就係最能體現地方文化的東西，可惜要係香港掃街已經愈來愈難。幸好呢個星期係銅鑼灣、上環 同 青衣 都有活動將不同小食集中一個地方，等你一次過掃到飽。
青衣天后寶誕
一年一度青衣大戲棚又到，4月個次 miss 咗唔緊要，5月仲有幾日可以去。數十檔小食，有新派小食又有傳統小食，鍾意台灣夜市的朋友一定要去感受下。
日期：2016年5月7日 ‑ 11日 (下午1時 ‑ 半夜)
地點：青衣體育會球場 》新界青衣青綠街38號
時代廣場「香港飲食文化」展覽
唔少街頭美食隨時代變遷而消失，而呢個展覽就介紹了多款香港街頭小食，並同時展出昔日餐廳的火柴盒、月餅傳單、月餅會封套、茶樓菜單、照片等，令人好好回味當代的味道。而展覽期間，只要係星期六、日及假日下午2時至7時捐HK$20予護苗基金就可以品嚐三款小食，都幾抵啊！
日期：2016年4月28日 ‑ 6月5日 (上午10時 ‑ 下午10時 )
地點：時代廣場 Times Square 》香港銅鑼灣勿地臣街1號
香港美食車嘉年華
有舊亦有新，呢個美食車嘉年華請來多個生活品味合作單位及「星」級廚師為大家炮製各款美食。4位星級嘉賓包括：Joyce 鄭欣宜小姐 大熱的自家曲奇品牌 HOMIE COOKIES、Sam 李璨琛先生 率領的Boomshack、 Stefan黃長興先生 的海鮮及燒烤餐廳 A la maison XXL Seafood & Grill 同 Master Joe 仲未面世的韓式小店Superstar，在場仲有其他各地美食同 生活品味產品，大部分食品同優惠，食試新嘢就不容錯過！
日期：2016 2016年5月4日 (下午6時 ‑ 10時)、2016年5月5日 ‑ 7日 (上午11時 ‑ 下午10時)、2016年5月8日 (上午11時 ‑ 下午9時)
地點：PMQ 元創方 》香港中環鴨巴甸街35號
資料來源：Timable
分享到 :
最新影片
