Facebook 已經成為咗大家一個好重要嘅溝通平台，相信好多時大家知道親友最新動向，都係透過朋友喺 Facebook 出嘅 Post。除咗朋友嘅 Post 之外，大家都會入唔同嘅 Group 或專頁，但有時都會在一些專頁、大型群組內見到無關嘅內容，特別是與產品推銷有關，部份專頁更會 TAG 埋各位，等大家嘅朋友都會睇到，間接幫佢哋做宣傳。
俾人起底話咁易
唔知大家有冇發覺，有啲 Facebook 帳戶一睇就知有古怪，如果一個錯手新增了成為朋友，後果真的難以想像。另外又有冇試過，其實只要係 Google 呢啲 Search Engine，打個名就可以搵到大家嘅 Facebook，由個人資料到相都可以全部睇晒，所以好易俾人起底。為了不讓陌生人輕易找到你，你可以進入設定後，在「私隱」一欄進行截擊。
▲按需要只局部開放，或者完全封閉，令其他人無法經電郵、電話號碼搵到你，更重要的是，避免搜尋引擎搵到。
合照相唔想俾人 TAG
去旅行或者出席朋友嘅聚會，就唔少得會影好多大合照，今時今日大家都會將相直接放上 Facebook 再 TAG 返啲朋友。但只要被 TAG，其他人就可以看到，如果唔想同朋友嘅合照被其他人見到，就可以做啲設定。
▲無論是朋友的朋友，還是只有朋友，甚至只有特定朋友先可以睇到，都可以自己決定。
朋友開心 Share 唔洗唱通街
除了被標註外，我們常常都會收到朋友在我們的生活時報寫上的帖子。但是，有時都不太適合人人都看到吧。跟上一項設定一樣，大家可以限制誰人可以看到其他人在你的生活時報上加上的帖子。
▲設定方法其實同 TAG 部份一樣，可以選擇讓指定朋友看到有關內容，甚至只有自己可以睇。
直接封鎖吧
如果大家發覺某人實在太滋擾，或者其實是假帳戶，純綷賣廣告嘅話。除了可以向 Facebook 檢舉，亦能在設定中將有關帳戶列入黑名單。之後對方既不能看到你的動態，亦無法與你進行交流，也不能經 Facebook Messenger 進行接觸。
▲封鎖方法只要將對方加入黑名單就攪掂，日後如有需要，只要解除黑命名就可以重新成為朋友。
分享到 :
最新影片
