LEGO 最近搞作多多，旗艦店上兩星期先開業，今次又輪到 LEGO City 展覽，誓要令大小 LEGO 迷荷包大出血。我依莉詩今日就去咗 MegaBox 睇下有咩玩先。
12 呎 LEGO 人玩兵捉賊
今次的展覽話大唔大，話細唔細，分佈係商場幾層，而主要影相位就係 L5中庭。小朋友可以化身夢想職業消防員同警察，係消防局同警局同兩個 12呎高的 LEGO人合照。另外，旁邊仲有用 LEGO顆粒砌成的 LEGO City 場景，展示咗多個不同職業的日常工作，小朋友可以從中搵到自己的夢想職業呢！
▲ 雖然警局同警車都係紙板，不過應該可以滿足到小朋友的角色扮演夢。
▲ 賊仔走咗入消防局，俾消防員發現咗啊！
▲ 機場停機坪上有多個維修人員默默工作。
▲ 消防員亦忙於訓練，操 Fit 自己。
▲ 考古工人好似有新發展啊！
▲ 水警揸住快艇努力捉緊偷渡客。
訓練學堂培訓帝國騎士
9樓童真天地又係另一個主題，當中有首度曝光的 3D LEGO 小丑同 3D LEGO NEXO KNIGHTS 騎士克雷同大家玩電子遊戲，而當中完成 3個指定任務並成功砌出騎士城堡的小朋友仲有機會晉身大比併一決高下。
相關文章:
LEGO 官網被黑客入侵 主頁宣傳加密貨幣騙局
香港昔今展移師 MegaBox
早前無去動漫節的 LEGO 迷唔駛傷心，當中的香港昔今 LEGO 展已經移師到 G樓舉行。雖然沒有了最大型的中環同機場模型，不過山頂、大排檔、課室等都相當值得欣賞架！
▲ 呢座啡色建築物一睇就知係上環的西港城，原來以前係一個會買新鮮食品的街市呢！
▲ 大排檔已經買少見少，用 LEGO 還原出嚟又係另一番感覺。
▲ 依家的課室已經被大大細細的科技產品包圍了！(學生真係有錢)
▲ 原來以前的火車路軌可以俾豬行架！
依莉詩：「屬於小朋友的 LEGO 展」
LEGO 向來都係大人細路都啱的玩具，而帶小朋友嚟睇今次的展覽應該係好好的親子活動。不但可以係 5樓的影相位讓佢地了解不同職業，仲可以到 9樓訓練學堂啟發佢地的想像力同創意思維，而地下的香港今昔展就可以了解香港的歷史，有得玩有嘢學，不錯啊！
LEGO City 城市創意冒險大型展覽
日期：2016年 8月 26日 至 9月 30日 (10:00am-10:00pm)
地點：MegaBox G、L5中庭、L9童真天地
相關文章:
LEGO 官網被黑客入侵 主頁宣傳加密貨幣騙局
分享到 :
最新影片
