每年萬聖節大家除咗留意兩大主題公園有咩玩之外，樂富鬼屋都係其中一個焦點所在。雖然規模比較細，不過勝在免費，一直都有嘩鬼迷熱捧支持！而我依莉詩就率先走入呢個恐怖監獄，仲差點迷失係喪屍世界添！
排隊免費入獄
玩慣玩熟的 wire 民都應該知規矩吧！同上幾年一樣，樂富呢間鬼屋都係免費入場，只要排隊就入得。當然，如果係樂富廣場、樂富街市、黃大仙中心、H.A.N.D.S、良景廣場、啟田商場、鯉魚門廣場、尚德廣場、彩明商場消費滿 $400，並憑兩張同一商場之即日機印發票就可以換領『喪』玩快證套票，加快入場時間。
▲ 跟據上年的經驗，大約要排無論快證定普通入場，起碼要排半個鐘先入到去，所以排隊前記得去定洗手間啊！
喪屍真假難分嚇餐飽
上年玩感觀刺激，無太多的驚嚇位，令不失嘩鬼迷失望，不過今年無論場景佈置定演員化妝明顯花咗唔少心思，演員數目同驚嚇指示都加倍上升呢！一開始會個參加者都需要穿上特製囚衣拍下犯人照，之後就要，穿越不同陰森恐佈的囚室，同一眾垂死犯人同囚。當中除了3D立體浮空投影技術的鬼魂及喪屍外，陰森重犯監房內更有真有假的喪屍隨時彈出特襲追殺，心血少 D 都唔敢前行。
▲ 恐佈大監倉內一眾垂死犯人無病呻吟讓人不寒而慄，犯人中更難分真定假，隨時有喪屍突然走出嚟追殺自己。
找漏密碼搵變喪屍
呢間鬼屋雖然路線短，5-6分鐘就行完，不過就唔只得驚嚇部份，仲有些少劇情。除了一開始要做入獄手續，係中途大家都需要搵出逃生密碼，否則就要單獨一人面對被四大名屍「同化成屍」的挑戰，4種死法都好有趣呢！
▲ 當中有機會係斷頭台變成「無頭 Don’t See」、係電椅房化成「一坐成屍」、係烹刑房變身「我煲彊屍」，又或棺材房成為「李友棺屍」，一唔小心就會變成佢地的同伴了。
鬼怪攤位必定有獎品
除咗玩鬼屋，小朋友可以到旁邊的鬼怪攤位玩遊戲，因為禮物由珠海長隆海洋王國贊助，大量貼紙、File、公仔已經準備好，只要你肯玩幾乎都一定有獎品呢！
▲ 快證的朋友可以係逃獄之後，即場免費打印 4R 驚嚇版相片一張，為逃獄旅程加添奪命狂呼後的樂趣。
▲ 大量貼紙、File、公仔需要唔係咩驚喜禮物，不過小朋友收到應該會好開心啊！
依莉詩：「小辣但勝在免費」
今次樂富鬼屋的設計上花咗唔少心思，特別係陰森重犯監房，兇殘殺人犯喪屍現身特襲追殺，驚嚇度甚至比今年哈囉喂某 D 鬼屋更利害。雖然短程比較短，但勝在免費，想感受萬聖節氣氛一於嚟呢度玩吧！
驚嚇度 ★★★☆☆
必玩指數 ★★★★★
日期：2016 年 9 月 16 日至 10 月 31 日(逢星期五至日、公眾假期及萬聖節當日)
時間：下午 4 時至 10 時
地點：領展樂富廣場 B 區露天平台
分享到 :
最新影片
