各位 wire 中秋節快樂！除咗食月餅，大家仲諗唔諗到咩中秋活動呢！依家就一次過介紹全港的慶祝活動俾大家啦！
丙申年中秋綵燈會
每年全港各區都有綵燈會，今年亦都唔例外，維多利亞公園的綵燈以西方童話為主題，灰姑娘、青蛙王子、三隻小豬等變成綵燈，十分可愛，同場仲有舞火龍同傳統花燈紮作工藝展示添！而新界西綵燈會以雲彩舞蝶為主，新界東綵燈會就以夢幻園林為主，紙牌士兵、兔子、天使、林中仙子等走出嚟同大家狂歡多個夜上。
日期：2016年9月2日 ‑ 25日 (下午6時30分 ‑ 11時 ) 、2016年9月15日 (下午6時30分 ‑ 半夜)
地點：香港太空館外 》香港尖沙咀梳士巴利道10號
日期：2016年9月14日 ‑ 18日 (下午6時30分 ‑ 11時) 、2016年9月15日 (下午6時30分 ‑ 半夜)
地點：維多利亞公園 》香港銅鑼灣
日期：2016年9月14日 ‑ 18日 (下午6時30分 ‑ 11時) 、2016年9月15日 (下午6時30分 ‑ 半夜)
地點：大埔海濱公園 》香港大埔
日期：2016年9月14日 ‑ 18日 (下午6時30分 ‑ 11時) 、2016年9月15日 (下午6時30分 ‑ 半夜)
地點：天水圍公園及銀座廣場 》香港天水圍天瑞路6號
大坑舞火龍
係香港度中秋，豈只嚐月餅賞綵燈這麼簡單？大坑舞火龍係香港獨特的風俗，更係第三批國家級非物質文化遺產。長達67公尺、用上超過7萬枝線香的火龍會係一連三天，為平日寧靜的小巷帶來火光閃爍，為求消除瘟疫。
日期：2016年9月16日 (下午8時15分 ‑ 10時)
地點：大坑 》香港香港島
利東街LED火龍鼓舞迎中秋
唔想咁大煙，但又想睇舞火龍？「利東街」以新舊融合的概念，以LED燈製作成70呎長的火龍，不論龍頭、龍身或龍珠上都佈滿色彩繽紛的LED燈，令街道變到燈光閃爍，氣氛溫馨歡愉。
日期：2016年9月14日 ‑ 16日 (下午8時30分 ‑ 9時30分)
地點：利東街 》香港灣仔皇后大道東200號
中秋文化嘉年華 @饒宗頤文化館
中秋夜賞完月，日間都可以一家大細去嘉年華延續中秋的喜悅。呢個嘉年華不但有中樂中秋音樂會、皮影木偶戲表演、小丑雜耍表演，更有手工肥皂製作、手繪彩瓷體驗班、面部彩繪、中秋故事屋、傳統花燈紮作示範、本土手作攤位、攤位遊戲，富中秋文化色彩的講座，節目豐富，可以玩足一日。
日期：2016年9月16日 (上午11時 ‑ 下午9時)
地點：饒宗頤文化館 》香港九龍青山道800號
麥田捕手「秋日文化祭」
除咗中式慶祝活動，呢個市集就將日本文化祭典氣氛引入中秋，櫻花大阪城攝影區、日本御守工作坊、過百尺戶外許願池、大型月亮擺設，可以俾大家瘋狂自拍，大家賞月之餘仲可以品嚐中秋特色小食及參觀過百本地手作及設計攤檔。
日期：2016年9月17日 ‑ 18日 (下午1時 ‑ 9時)
地點：D2 Place 2/F 》香港九龍荔枝角長義街9號
PMQ Hollywood Garden 中秋佈置
中秋當然唔少得燈籠，「STYLUS STUDIO」設計團隊以傳統竹棚工藝為設計理念，為 HOLLYWOOD GARDEN 添上特色中秋節日佈置。PMQ 各樓層亦掛滿由 22個設計單位、本地多個設計團隊及部分公眾參與設計過百個傳統中式紙製燈籠，珍惜與朋友相聚的一刻。
日期：2016年9月8日 ‑ 18日 (下午7時 ‑ 11時)
地點：PMQ 元創方 》香港中環鴨巴甸街35號
YOHO MALL「紙有快樂」展覽
談到商場裝飾，YOHO MALL 就利用傳統摺紙工藝玩出新形態，巨型玉兔矗立係商場的園林入口，在一大片繽紛閃亮的手工製燈籠吊飾圍繞下，散發漫天飛揚的節日溫馨。一樓中庭亦擺設多款可愛動物紙藝造型裝置俾留倩影。
日期：2016年9月8日 ‑ 10月10日 (上午10時 ‑ 下午10時)
地點：Yoho Mall 形點 》香港新界元朗元龍街9號及朗日路8號
中秋除了滿滿的圓月，9月17日 12:53am-4:56am 更有半影月食。月亮只進入地球的半影，而不進入本影，光度只會略為轉暗。記得留意啊！
資料來源：Timable
