之前威尼斯人就將大運河搬入酒店，今次巴黎人更將多個巴黎地標搬到澳門，到底影相呃唔呃到人？建築又山唔山寨呢？依家就同大家逐點睇。
1) 巴黎艾菲爾鐵塔
呢個鐵塔仿效艾菲爾鐵塔的 1：2比例建造，162米高。外型上十足十，低抄上去，話自己係巴黎應該可以呃到人。不過塔下廣場唔夠大，想搵個位同鐵塔合照都幾難。而且鐵塔被五光十色的賭城區包圍，少了一分寧靜浪漫，多了分繁華。
相似度：80%
2) 鐵塔下的旋轉木馬
巴黎幾乎可以隨處見到旋轉木馬的蹤跡，無論車站前、聖心堂前、鐵塔旁都會有，所以鐵塔配旋轉木馬可以話係必備構圖。而係Q立方的小朋友版旋轉木馬加上細版鐵塔可以話係夢幻組合，可惜中間的樹太高，令景觀大打拆扣。
相似度： 60%
相關文章:
微信刷掌支付登陸澳門 境外首站支援 + 用掌紋掌靜脈辨識技術 數碼通停止澳門流動通訊服務 現有客戶將轉至澳門電訊
3) 榮軍院拱頂壁畫
酒店大堂拱頂參照巴黎第七區榮軍院 L’ Hotel National des Invalides興建，畫作像真之餘，25米高的拱形天花由12支大里石柱支撐，極具氣勢。
相似度： 90%
4) 聖奧諾雷路
複製一座建築物容易，但要複製一條街就好難，特別係呢條公認為巴黎最華麗的街道。縱使利用天花玻璃上的假樹營造戶外效果，但戶內店鋪難以代替街角地鋪，沒有那種味道。
相似度：10%
5) 凡登廣場
單單認廣場中的迷你版旺多姆圓柱就知這是凡登廣場。假天花會按不同時間投射晝夜，營造戶外效果。雖然比例不同，但感覺相像。
相似度：40%
相關影片:
相關文章:
微信刷掌支付登陸澳門 境外首站支援 + 用掌紋掌靜脈辨識技術 數碼通停止澳門流動通訊服務 現有客戶將轉至澳門電訊
分享到 :
最新影片
