手長腳長的宇宙人 CRAFTHOLIC 個個港女一見就想攬攬，結果就被小氣的人類賜名「奸夫」。今個萬聖節佢地做決定突襲銅鑼灣皇室堡，誓要俘虜一眾港女的心。我依莉詩今日就率先去咗熊抱佢地啦！
1) 人咁高毛毛「奸夫」任影
四隻詭怪「奸夫」換上萬聖節造型駕駛著太空船火速抵達皇室堡賣萌，隻隻都有人咁高，當中白雪雪的 SLOTH 更係毛茸茸，見到就想衝埋去攬住合照。
▲ 雖然佈置範圍唔大，影相位亦唔多，不過見到兩隻「奸夫」棟篤企係度已經忍唔住衝埋去的慾望。
▲ RAB一身綠白波點配上橙色南瓜短褲，可愛又Sharp！
▲ 彬彬有禮的 SLOTH 披上紫白間條斗蓬，再配戴同系列的帽子亮相。
▲ 橙紅色的「奸夫」拎住波板糖十分可愛。
▲ 太空裝的 KORAT 手拎住 CRAFT 星手信「宇宙南瓜」作萬聖節見面禮。
▲ 仲有更多「奸夫」搭緊太空船趕到參加派對。
2)「奸夫」抱抱會任攬唔嬲
佈置的「奸夫」雖然得意，但始終唔係軟淋淋，10月份逢星期日的「奸夫」抱抱會就可以滿足大家的願望，俾你任攬任影了。相信到時會有大量男朋友表示想成為入面的演員呢！
3) 250件精品免費夾
之前 CRAFTHOLIC 專門店開幕有夾公仔機免費夾「奸夫」精品。今次要求高少少，要係 9月29日至10月30日期間逢星期四至日係商場以電子貨幣單一消費滿 $200 先可以夾，不過就有 5次機會咁多。眼見機內有宇宙人匙扣玩偶及宇宙人小包包等等十分吸引。不過都唔易夾架，我夾咗成 20次先到手呢！
4) 明張目膽「奸夫」印相機
真係好奇怪，同「奸夫」合照仲要咁明張目膽印埋出嚟。夾公仔機旁邊有兩部印相機，只要張同「奸夫」的合照放上個人 Instagram 或皇室堡 Wechat 就可以免費印出嚟。今次仲唔係捉奸在機。
5) 帶埋「奸夫」番屋企
對港女嚟講，1隻「奸夫」點可以滿足到佢地。係「CRAFTHOLIC星空基地限定店」就齊集多款 CRAFTHOLIC 精品，仲有必搶的香港限定版萬聖節 RAB 及 SLOTH 公仔，等你俘虜回家！
▲ 只要係東角LAFORET 任何商戶以電子貨幣消費滿 $800或於一樓及二樓商戶合共消費滿 $600，憑最多2張不同商戶之即日機印單據(每張金額必須滿HK$100)，即可免費換領限量版「東角LAFORET x CRAFTHOLIC 萬用袋」一個。
▲ 而係皇室堡任何商戶以電子貨幣消費滿 $600，憑最多2張不同商戶之即日機印單據(每張金額必須滿HK$100)，即可免費換領「皇室堡 x CRAFTHOLIC 星空宇宙頸枕」一個。
▲ 呢兩款香港限定版萬聖節 RAB 及 SLOTH 公仔得限定店先有架咋！
▲ RAB 的小褲褲印有南瓜圖案！
▲ SLOTH 的斗蓬印有嘩鬼圖案，好應節架！
▲ 仲有新品發售，一次過攬 4隻返屋企。
▲ 鑰匙扣就可以隨時帶出街。
依莉詩：「奸夫超萌！」
今次的展覽唔算大，影相位亦唔多，升不過見到兩隻「奸夫」棟篤企係度已經忍唔住衝埋去的慾望，而且白雪雪的 SLOTH 更係毛茸茸，見到就想衝埋去攬住合照。不過有少少失望就係之前夾公仔機係先到先得，今次就要消費先有得玩，而且都幾難夾呢！
皇室堡 x CRAFTHOLIC詭怪星人襲地球
日期：9月24日至10月31日 (上午10時至晚上10時)
地點：皇室堡地下中庭
分享到 :
最新影片
