依莉詩:「飛甩毛燥!梳到又順又直」-Karuizawa Beauty 負離子髮梳評測

讚好此文:

十一月 3, 2016 •扮靚科技, 評測

秋風起,皮膚乾燥都算,連頭髮都俾靜電搞到飛飛下,又係負離子髮梳出動嘅時候了!除了之前介紹過嘅 Bijouna 磁氣音波按摩梳Philips 負離子造型髮梳 及 PEC 磁氣音波摺合梳 外,最近豐澤引入了把 Karuizawa Beauty 負離子髮梳,我依莉詩當然急不及待借嚟一試啦!

beauty

大面積氣墊按摩頭皮

Karuizawa Beauty 負離子髮梳同 Bijouna 一樣係家用梳,有長長嘅手柄。雖然比較重,唔方便帶出街,不過勝在手感好,易揸手,遇到打結時能夠就到力,一下解開。而大面積嘅氣墊同圓頭梳齒設計,不但不傷頭皮,梳頭的時候,輕輕按壓亦能按摩頭皮,感覺幾舒服。不過 Karuizawa 唔似 Bijouna 或者  PEC 會震動,所以表面上佢同普通梳無分別。

dsc09568

▲ 長長嘅手柄手感好,易揸手,不過就唔方便攜帶。dsc09570 ▲ 圓角設計看上去有點笨重,未算太優雅。

dsc09576

▲ 每一根梳齒頂端採用了圓頭無縫設計,防止梳理過程中因拉扯而對頭髮造成傷害。
dsc09577

▲ 2粒 AAA電池就可以使用,免除充電嘅麻煩。

負離子趕走毛燥

與利用音波原理嘅美容梳唔同,Karuizawa利用負離子技術撫平毛燥,所以唔會震動。如果唔係睇下方燈號基本上唔會知佢著咗。雖然梳理嘅時候同普通梳好像沒有分別,不過細心留意,當梳齒接觸到頭髮時會聽到很微弱嘅聲音,神奇的是,美容梳經過嘅頭髮都會立即變得貼服柔順,情況就好像使用負離子直髮夾時一樣。當然因為沒有熱力,頭髮不會變到很平直,效果反而更自然,而且不傷頭髮。
dsc09584

▲ 美容梳經過嘅頭髮都會立即變得貼服柔順沒有毛燥,相反,如果凌空掃過,頭髮會飛起,用於造型就容易做出不同效果。

dsc09572

▲ 按下美容梳中間的按鈕就會釋放負離子,當梳齒接觸到頭髮時會聽到很微弱嘅聲音。

after

▲ 梳髮後,頭髮明顯減少了毛燥感。dsc09591

依莉詩:「飛甩毛燥!梳到又順又直」

唔好以為剛電完負離子試離子梳好似沒有太大作用,原來咁反而更加睇到 BB毛係無飛飛下。美容梳經過嘅頭髮都會立即變得貼服柔順沒有毛燥,無論紮辮紮髻都不怕有 BB 毛飛起。相反,如果凌空掃過,頭髮會飛起,可以打造凌亂感嘅造型。雖然 Karuizawa 都幾大把,不過長手柄梳起上來更就力,大面積嘅氣墊可以同時按摩頭皮,但每朝用佢梳頭就可以有貼服有光澤嘅造型啦!

 KaruizawaBijounaPhilipsPEC
 梳理方式負離子磁氣+音波負離子磁氣+音波
造型效果 ★★★★★★★★★☆★★★★★★★★☆☆
把手觸感 ★★★★★★★★★★★★★☆☆★★★★☆
舒適度 ★★★★☆★★★★☆★★★★☆★★★☆☆
可攜性 ★★★☆☆★★★☆☆★★★★☆★★★★★
外觀 ★★★☆☆★★★☆☆★★★★★★★★★☆
供電方式 2 粒 AAA電池2 粒 AAA電池1 粒 AAA電池2 粒 AAA電池
參考價 $238$398$238 – $268$299

 

Karuizawa Beauty 負離子髮梳

售價: HK$238

查詢:豐澤 (2555 5788)

• 不想錯過新科技 ? 請 Follow unwire.hk FB 專頁http://facebook.com/unwirehk/
• 要入手生活科技潮物 即上 unwire store
https://store.unwire.hk/

Tags:

讚好此文:


Comments are closed.

相關文章:



更多同類文章:

最新文章