唔知大家 plan 好咗聖誕假去邊未呢？未都唔緊要，大口仔就將成個東京帶咗嚟荃灣。唔使搭飛機都可以到東京鐵塔、六本木燈海、新宿商店街等景點自拍，就好似同大口仔去咗個小旅行呢！
六本木燈海感受東京聖誕氣氛
去過日本嘅朋友都應該知道，聖誕東京大阪等嘅街道幾乎每棵樹都掛滿燈飾，長望相當迷人。呢度就仿照六本木聖誕燈海，係兩排樹中穿過可以見到 4.5米高嘅迷你東京鐵塔。塔除了掛上大口仔笑臉，外牆更會亮燈，照耀全場，成為整個佈置嘅地標。雖然係迷你版，而且商場內燈火通明，但只要校細光圈，影出嚟同樣有氣氛。
▲ 六本木聖誕燈海令人一去難忘，呢個迷你版雖然無咁有氣勢，，而且商場內燈火通明，但只要校細光圈，影出嚟同樣有氣氛。
▲ 近影都幾有 feel 架！
▲ 同大口仔一齊 4.5米高嘅迷你東京鐵塔下自拍，都幾得意架！
新宿商店街扮小食檔檔主
再行前就係新宿商店街，街內有多個攤檔，大口仔同佢嘅朋友都忙於擺檔，仲邀請你幫手添！
▲ 當然同真正嘅商店街 size 差好遠，不過每個攤檔嘅佈置都好精細架！
▲ 大口仔嘅妯佬亦充當店長開設「人形燒」小食檔，你可以埋去幫手架！
▲ 不過「人形燒」睇落似曲奇多啲。
▲ 因為每個攤檔背後都係真正嘅店鋪，如果唔想咁多路人甲，最好就揀平日少人喲先去影啦！
▲ 大口仔係菓子屋主持商店街抽獎活動，大家都可以撞撞運氣啊！
▲ 菓子屋嘅佈置都好仔細，有真嘅汽水箱同扭蛋機。
▲ 係凍冰冰嘅街頭食碗暖笠笠嘅拉麵，好滿足呢！
▲ 大口仔嘅女朋友亦都係屋台品嚐香噴噴嘅拉麵。
▲ 行完商店街記得落埋下層「築地壽司吧」打卡呀！大口仔化身專業壽司師傅製作出多款主題造型壽司，滿足「相機食先」嘅訪客！
▲ 大口仔壽司好得意架！
依莉詩點評
雖然荃灣廣場都唔算係大場，不過聖誕佈置都花咗唔少心思，單單大口仔加東京呢個配搭已經吸引到唔少人為張相而去。當然每個迷你版景點都無真實嘅咁有氣勢，不過加咗大口仔之後，可愛倍增！當中我最欣賞小型六本木聖誕燈海，雖然商場內燈火通明，但只要校細光圈，影出嚟同樣有氣氛呢！
聖誕氣氛 ★★★★☆
必影指數 ★★★☆☆
MINNA NO TĀBŌ 點亮東京聖誕夜
日期 ： 2016年11月18日至2017年1月8日 (上午 10時 30分至晚上 9時 30分)
地點 ︰ 荃灣廣場1樓長廊
相關影片:
分享到 :
最新影片
