現在會曬相嘅人愈來愈少，但家中總係要有一兩張相先叫有「人氣」。電子相架亦應運而生，不過就要長期插電，非常唔方便。最近我依莉詩就發現都一個以 E Ink 電子墨水製造嘅相架，半年唔使充電，但就只顯示黑白照，大家又覺得點睇呢？
相紙質感 半年無需換電
相比起以一舨熒幕顯示嘅電子相架， Pixer 睇落更接近相片質感，而且係背光環境都能夠維持明暗清晰度。300 DPI 嘅畫質顯示 16灰階，係彩色嘅時代，更顯獨特性，給人懷舊溫暖感覺，相信會吸引唔少文青嘅注意。另外，因為 E Ink 技術只會係轉相時先會耗電，即便無插電源都能夠呈現影像，待機時間長達半年至一年，可以與一般相架一樣，安裝係牆上或座枱，而不怕無電源嘅問題。
▲ 相架能夠顯示 300 DPI 畫質同 16灰階，非常貼近黑白照質感，影像輪廓都相當仔細。
▲ 待機時間長達半年至一年，就算安裝係牆都唔使擔心電源問題。
▲ 用 USB 充電後可以長期使用，唔使長期插電。
▲ 同一般相架一樣，背面有孔可以掛牆。
▲ 亦可以裝上支架座枱。
App 控制 隨時換相
既然係電子相架，又點可以無得換相？呢個相架具備無線網路傳輸功能，可以透過 APP 經網路直接傳送相片到遠端嘅相架。不過，每換一張相片都需要 1分鐘左右，而且每次只可上傳一張相片，並唔會好似一般電子相簿自動切換相片，所以想轉相就要用 App 轉了。除咗相片，App 提供留言板功能，可以先係 App 寫上留言再上傳到相框。以後有甚麼要同屋企一講都唔使用 memo 紙，既方便又環保。
▲ 只要係手機揀相，App 會自動轉成黑白照，再上傳到相架。
▲ 係 App 寫上留言再上傳到相框，就可以當 memo 紙用。
依莉詩：「大吉利是！」
黑白照的確有本身獨有嘅味道，電子相架能夠做到相片嘅質感亦唔容易。不過電子相架多數都係買俾屋企老人家睇相，要佢地對住啲黑白人像相，真係要講句大吉利是！
Pixer 電子相架
售價：$1399
查詢：Citysuper (2736 3866)
分享到 :
最新影片
