早係 2016 年係日內瓦首次現身的 Toyota C-HR Concept 最近終於有車行引入呢款係日本訂單遠超預期的人氣迷你 SUV 車款 Toyota C-HR，今次 unwire 就向 I Automobile 借來一部頂級版的 1.8L Hybrid 引擎嘅 C-HR，以下就先為大家慢慢介紹一下呢部灸手可熱的型爆 SUV！
肌肉線條又型又惡
好耐冇見過 Toyota 會推出一部線條咁誇張的私車家，車身的擾亂肌肉感非常豐富，無論是車頭還是車尾都是起角得來又相當流線，嶄迎的外型設計和 Toyota 一向的平實設計大有不同。呢部 C-HR 和早前係車展見到的外形相當接近，而且仲加埋惡型惡相的日本改裝名廠 Modellista 出品的 Elegant Ice Style 包圍，令成架車睇起上黎更型更惡，幫車主慳返唔少時間搵料改裝呢! 而可以估計 C-HR 的主要競爭對手係:日韓品牌的 Honda HR-V、Mazda CX-3、Nissan Juke、Kia Soul、Hyundai Tucson 等小型 SUV。
設計線條誇張的前後燈組加入大量 LED，既美觀又實用。
從呢個角度睇 C-HR 和同廠的 iQ 有一丁點相似。
由日本著名改裝廠 MODELLISTA 提供的包圍，令呢部 C-HR 睇起上黎更惡。
隱藏式後門門柄令全車妓條更加簡約，睇起上黎亦一一款雙門車，絕對係呢部車既一大賣點。
配備 18 吋 BRIDGESTONE POTENZA RE050A 輪呔。
車尾的儲物空間比起其他揭背車更大，主要因為 C-HR 屬於車身較高的 SUV 設計所致。
122 匹馬力，油耗低至 30.2Km/1L
Toyota C-HR 是繼同廠 Prius 後第二款採用 TNGA「Toyota New Global Architecture」底盤的車種，車身尺寸為 4,390×1,795×1,565mm，偏小的車身相當適合在香港行走。C-HR 動力方面分別提供了 1.2L 直四 Turbo（113匹/18.9kgm）4WD 和 1.8L Hybird 混能 2WD（122匹/90kW）兩種選擇，搭載 CVT 無段變速波箱，油耗低至 30.2Km/1L，慳油程度拍得住 400cc 大羊，估計每公里油耗只需 $0.5-0.6 便可，比起一般電油車抵玩得多。
1.8L直 4 引擊搭電動馬達可以提供最高 122 匹馬力，雖然數字唔算吸引，不過 C-HR 的慳油程度仍然值得留意。
1.8L Hybrid 版本的 C-HR 配備 CVT 波箱(冇 +/- 波)，稍欠一點駕駛樂趣，另外所有型號均配備電子 hand brake。
設多項駕駛輔助功能
這部 C-HR 配備了 Toyota Safety Sense P「TSS-P」輔助駕駛功能，透過位於車頭豐田標誌內的微米波雷達及車內倒後鏡前面的視頭來偵測和識別路面狀況。主動式預防碰撞系統(時速 10 至 80km/h 有效)利用雷達及鏡頭偵測前面車輛及行人，即時以聲音及錶板上的顯示提醒用戶，並且即時啟動 Pre-Crash Brake 輔助功能。此外，C-HR 亦提供了過線提示功能(車速 50km/h 及路面寬度為 3 米)，當駕駛者在沒打燈情況下切線，車內便會響起提示聲音及以畫面顯示，並會透過電軑進行修正，大大提言駕駛時的安全性。值得一提，C-HR 亦加入了定速巡航功能，同樣係利用雷達加前置鏡頭，可以避免到追撞、或者撞死車的情況發生，以日本車黎講都算係幾安全的功能。
前面的 Toyota 標誌隱藏了雷達，藉此偵測前方車輛及行人。
定速巡航功能於於軑盤右後方
兩邊後鏡亦設有提示燈，用以告知駕駛者旁邊有其他車輛。
Duncan 評語:懸掛舒適、輸出暢順
試駕方面，C-HR 的感覺就好似 Prius 咁引擎輸出相當順滑，即使你踩深一D油門亦唔會覺得架車「標住去」，低扭表現唔算突出，相信同廠方將呢部車設計成慳油為主。不過 C-HR 坐滿又唔會覺得冇力，因為有電動摩打輔助彌補扭力不足，架車以 Hybrid 運作時輸出有 122 匹，以一款小型家庭 SUV 而言已算夠力，但始終冇 Turbo 就唔好預左佢會好有力水。另外，較私家車高的坐姿亦算幾舒服，睇位亦較容易，高車身亦有較安全的優點，而 C-HR 比較令我留下印象既係懸掛軟硬適中，車箱隔音做得不錯，軑聲或者路面既嘈音表現都唔似日本車，而唯一美中不足之處就係呢部車其中的賣點 – 隱藏式後門柄，因為門柄設於較高位置，除了不利於拿滿東西還要舉手開門外，後窗亦相當顯得太細令光線唔係好足，後座的感覺比較陰暗，可以話係呢部 C-HR 其中一個小缺點。
以 SUV 定位的 C-HR 較高的坐姿令視野更加寬闊，泊車睇位亦比較方便。
老實說隱藏式門柄令後座車窗比正常私家車縮小了約 1/4，加上 C-HR 沒有天窗設計，車箱的光猛度略為不足。
查詢: I Automobile (2793 3080)
售價: 請致電查詢
相關文章:
Toyota 公佈新氫能汽車技術 利用自增壓器善用沸騰氣體改善效率 特朗普任命馬斯克領導「政府效率部」 新部門「拯救美國」減少浪費開支 豐田指難以滿足加州電動車規範 2035 年後可能仍有內燃機引擎汽車
分享到 :
最新影片
