送外賣好搵，不同籍貫人士都加入送外賣行列。而最近一個外賣 facebook 群組有網友貼出一位年約 70 歲的婆婆，在將軍澳擔任外賣步兵的圖片。圖片中顯示這位婆婆利用買餸車送餐，她對樓主稱送外賣既可鍛鍊身體，又能增加收入。
樓主指這位婆婆熟練操作手機應用程式接單，被讚揚為自食其力的典範。有網民指她充分展現香港人堅毅不屈的精神，並指送外賣好搵過執紙皮，並讚賞她的細心安排，確保外賣乾淨整潔。
樓主引述婆婆說話，指從事外賣步兵工作是為了「當做運動兼有收入」，並且熟悉使用手機應用程式接單，甚至懂得篩選合適的訂單。 網民讚揚婆婆「有心有力，自食其力，發揮獅子山下香港人精神」，並指出婆婆在將軍澳地區頗有名氣，許多食店職員和物業管理員都對她表示讚賞。
其他網民留言表示對婆婆的敬佩：「自力更生，最叻係佢識得用個 App」、「Respect，其實幾好，反正佢哋都無咩做都係周圍行下，附近送下外賣又賺到錢，當做下運動又得。」收入方面，網民指送外賣比執紙皮更好搵。此外婆婆使用買餸車送餐的方式也被認為更為穩妥：「婆婆好細心，仲用架手推車。睇落個飯，穩陣過平時（其他）外賣員送。」 有網民坦言：「如果佢送，我會畀多啲貼士。」
資料來源：將軍澳主場fb群組
