日本遊戲廠商的其中一個優點，就是經常會推出各款日系囡囡遊戲，而且很快就會有一款更逼真的作品登場。因為 NBGI 於 2016 PlayStation Press Conference in Japan 上，正式宣佈 PS VR 互動遊戲《Summer Lesson》的第一彈配信內容將於 10 月 13 日正式推出，並且更披露了部份遊戲內容。 （繼續閱讀…）
unwire x Hobbees X City Craze 週末市集玩即影即有 Light Painting
在剛過去的週末，Hobbees聯同City Craze於觀塘The Wave舉辦了週末市集，主辦單位Hobbees選定獨立手作人參與市集外，更邀得不同本地品牌開設Pop up Store，見證本地手作人如何建立和發展自家品牌。同時，Hobbees找來多位技藝達人設立工作坊，讓大家能夠親身體驗創作過程， 縱使星期六日是下雨天，但也無礙眾多支持本地製作的人到訪，整個市集人頭湧湧。
Pop up Store +多個攤位及工作坊 唔怕冇野玩！
今個市集除支持獨立手作人及不同之本地品牌，Hobbees 還邀請了非牟利團體香港青年協會賽馬會乙明青年空間加入市集，免費給予青年發展及體驗空間。青協在市集中舉行Up cycling環保工作坊，教大家用紅酒箱製作紀念相簿。另外還有多個技藝達人開設了不同工作坊，包括陶瓷製作班，滋柔潤唇膏製作班，皮革製作班，舊衣物製作班和日式冰皮月餅製作班等。行到肚餓，仲可以即場買港式地道小食，一邊行一邊食！除了工作坊同小攤檔，仲有畫家即場畫人物卡通畫，好適合一家大小，情侶，或者好朋友齊齊留念。在下午時段，還有音樂表演，為喧鬧的市集帶來音樂色彩！
不少創意手藝在此開賣
參加工作坊的人製作紅酒箱紀念相簿
行至到口渴可以買杯手調特飲，健康又有特式
臨近中秋，不少人製作冰皮月餅。
《童窯》的陶藝課程
Windows X Silent Rocker音樂表演
Unwire光影塗鴉即影即有攤位
其中當然不少得我們Unwire的光影塗鴉即影即有攤位！因為光影塗鴉需要在漆黑的環境中進行，所以我們特別利用膠箱劃出一個區域， 變成黑房，令光影效果更為突出。在短短兩日，我們的攤位已經有超過二百人到訪！當中《點五步》演員在市集宣傳時不忘到訪，跟我們大玩即影即有！另外，出演多部電視劇（包括一屋老友記中的小菲）的小演員陳偲穎也和我們的工作人員玩得好開心！
多變化既背景圖案由Lomography的Pixel Stick製造，再利用Lomography即影即有相機獨有的Ｂ快門，才可以拍出這樣的照片（Pixel Stick和Lomography相機由Lomography提供，讀者如果想學習如何用相機可以參考 “依莉詩玩「大支嘢」Light Painting － Pixelstick 完全使用手冊 + 創意全攻略”）。
我們的工作人員努力為參與者揮動帶有200棵LED燈的光棒(Pixel Stick)，製造光影塗鴉效果。
《點五步》演員選擇了彩色和閃電背景的即影即有
陳偲穎小妹妹則選擇了彩虹效果
錯過了今次玩工作坊機會的朋友不用灰心，因為你隨時可以上Hobbees的手機app, 一次過睇曬有咩工作坊，免費預約你心水既工作坊！
【TGS 2016】著重連繫玩家！小島秀夫確認《Death Stranding》為開放式世界動作遊戲
在成立 Kojima Productions 後，雖然小島秀夫早幾個月前於 E3 上發表了 PS4 獨家作品《Death Stranding》，但留意當時除公開了一段比較抽象的宣傳片外，就沒有透露其他細節。不過在較早前舉行的 2016 PlayStation Press Conference in Japan 上，小島秀夫終於親自講述遊戲的實際玩法，大家無需再胡亂猜測了。 （繼續閱讀…）
相關文章:
小島秀夫開箱《黑神話：悟空》收藏版 展示 1:6「天命人」Figure Konami 製作人不避談小島秀夫 「與小島秀夫與原作團隊合作是夢想」
到底想點？Adblock Plus 推出「可接受廣告」平台去賣廣告
雖然不少網站都會靠賣廣告去維生，但留意網頁上出現太多廣告往往會擾亂人的視線，因此不少人都喜愛採用 Adblock Plus 去阻擋所有廣告。不過 Adblock Plus 最近卻實行一樣令人難以想像的舉動，因為他們將會推出「Acceptable Ads Platform」去銷售廣告，顯然與其用途背道而馳。
手機變自拍神器 1,600 萬像素自拍無難度 Sony Xperia XA Ultra
不少女士都喜愛自拍，有時一大班朋友聚會，都會用到手機的前置鏡頭拍照，可惜大部份手機的前置鏡頭質素都與主鏡頭有很大的差別，除了像素會比較低之外，更沒有補光 LED 燈等輔助工具，有時在較暗的環境下自拍，往往都會「口黑面黑」，如果用另一部手機作補光的話，雖然人像會變得較光，但背景都依然漆黑一遍。Sony 近期除了更新整個 Xperia X 系列之外，同時還有一款 Xperia XA Ultra，除了擁有超大 6” 熒幕之外，最大賣點就是其 1,600 萬像素前置鏡頭，加上光學防手震及補光燈，要自拍就變得更方便就手。
相關文章:
【評測】Sony ZV-E10 II 拍片機影相一樣得 毋須調色直出別具風格相片 【TGS 2024】PS5 Pro 實物搶先睇 同場加映 30 周年特別版初代經典配色 《星鳴特攻 Concord》製作總監辭職 為遊戲災難級表現負責
又天價 shopping！LeSports 10 位數字以上搶得 NBA 未來 5 季港、澳直播權
近月動作頻頻的樂視體育，之前已為了盡快搶佔市場佔有率，頻頻出去「買貨」，先後入手了英超、歐國盃、美網等港人喜歡看的比賽，今日 LeSports 表示仲未夠喉！宣佈以超過 10 位數字製作成本奪得未來 5 年香港及澳門的獨家直播權，每季會直播超過 400 場 NBA 賽事，當中包括：季前熱身賽、常規賽、季後賽、每季一度的明星賽及 Grand Final，還包括一大堆專為 NBA 而製作的節目。
$499 睇足全球 400+ 直播賽事
至於收費方面，LeSports HK 宣佈推出 Early-bird 優惠價，只需要 $499，就可買到原價 $899 的一年季度 pass，可以由星期一至日，每日最少 2 場，欣賞超過 400 場直播比賽，而賽事就由兩條頻道：分別是 LeSports 自家製作的廣東話旁述頻道，以及 NBA 官方的 NBA TV 頻道。此外，針對已購買了超級體育組合的現有 LeSports 客戶，亦可以不用加錢，每個星期五至日欣賞直播賽事，最少可有 100 場以上欣賞。LeSports HK 署理首席執行官賴汝正亦表示，網民亦可以每月 $89 的月費，逐月付費收睇 NBA 直播賽事及相關節目。就算你未購買任何組合，只要登入亦可獲贈 5 場直播賽事欣賞，實行先睇後買。
▲LeSports 宣佈以超過 10 位數字的買價及製作費，從 nowTV 手中搶得未來 5 季的 NBA 的港澳獨家直播權。
▲LeSports 表示由星期一至日均會有直播賽事，每日最少播兩場，而賽事會包括超過 400 場直播賽事，包括：季前熱身賽、常規賽、季後賽、明星賽及 Grand Final。另外，亦會有一系列的 NBA 節目，包括：選秀、NBA TV 等亦可欣賞得到。
▲至於月費方面，原價一季為 $899，但現時推出「早鳥」優惠，只需要 $499 已可睇到一季 400 場以上直播賽事。
▲至於現時已購買了超級體育組合的用戶，亦可以每年欣賞到超過 100 場直播賽事，主要集中在星期五至星期日。
▲而未登記的客戶，亦可以欣賞到 5 場免費直播賽事。另外，官方表示亦設有月費計劃，原價為 $139 / 月，現時同樣有「早鳥」優惠價，只需要每月 $79 就可睇到所有直播賽事。
暫未有第二季以後收費。有望加場數
賴進一步表示，每季 NBA 賽事均逾千場，之後不排除會增加直播賽事場數。至於未來收費方面，賴氏表示暫時未有決定會否與英超一樣，推出連買數季的組合，亦未決定第二季或之後的收費會否需要調整，一切會視乎賽事直播次數有否增加，以及有否新元素加入而定。
▲LeSports HK 請來 8 位專業 NBA 評述員，在 NBA 賽事直播時擔任廣東話旁述，當中包括了大家十分熟悉的：徐嘉諾、翁金驊、張丕德、丘雨勤等著名 NBA 旁述，亦有本地甲一男子籃球隊福建及香港男士籃球代表隊教練梁國成在陣，確實星光熠熠。
▲為了隆重其事，LeSports HK 更請來著名前 NBA 球星，外號為「滑翔機」的 Clyde Drexlar（左四）來港作為嘉賓。
相關文章:
【評測】《NBA 2K25》 一鍵巨星招牌投籃 + 簡化運球系統易上手
4K 直播 NBA 未必可在今季睇到
至於會否推出 4K 直播 NBA 賽事，賴汝正及 NBA 中國總裁辦公室首席運營官錢軍均表示，NBA 發放至世界各地的直播訊號質素均是相同及優質的，會否推出 4K NBA 賽事直播要視乎各方面的技術是否成熟，現時正在發展中，一旦穩定後就會讓全世界各國家及地區，包括香港的球迷享受到 4K 直播的畫面質素，但雙方均未有正面回應會否於今季推出 NBA 賽事 4K 直播。
▲LeSports HK 署理首席執行官賴汝正（右二）及 NBA 中國總裁辦公室首席運營官錢軍（左二）均表示，暫時未清楚會何時推出 4K 直播 NBA 賽事，但一有會通知大家。
未有計劃與其他電視台合作直播
至於會否與在英超一樣，與其他網絡商或電視台合作播放 NBA 賽事，賴汝正表示用戶可透過 LeEco 的各個平台，包括：樂視電視、樂視盒子、樂視手機、樂視體育 APP 及樂視體育官網收睇賽事，亦會與其他網絡商，包括：和記及香港寬頻合作，簽了相關合約的客戶亦可欣賞到 NBA 賽事。不過與電視台方面，賴氏就表示暫時未有計劃與任何電視台聯合製作 NBA 直播節目。
▲用戶可以透過 LeEco 不同的平台收睇 NBA 直播頻道，而之前透過其他網絡商訂閱了超級體育組合的用家，亦可以透過不同平台欣賞到 NBA 賽事。
相關文章:
【評測】《NBA 2K25》 一鍵巨星招牌投籃 + 簡化運球系統易上手
全港必玩８間哈囉喂鬼屋攻略 海洋公園血淋淋【16禁】？
唔經唔覺又萬聖節啦！經歷上年多間嚇破膽的鬼屋之後，我依莉詩已經咩都唔怕，夥拍水哥組成「萬聖節敢死隊」再次出發，深入海洋公園為大家報告情況！
8間鬼屋 10個體驗
今年哈囉喂大部份都俾公司包咗場，就只有 17日開放俾公眾，真係撞鬼都要擇日。同上年一樣今年有 8間鬼屋，其中一間更會分日夜兩種玩法。另外，仲有 10個表演分佈係園內不同角落。如果買普通飛，我諗好彩嘅應該可以玩到 3、4間鬼屋嘅，所以依家就快 D 揀定排邊幾間啦！
1)【16禁】大玩血淋淋
每年哈囉喂都有一間用數字命名，更是全場最恐怖的鬼屋。不過今年的【16禁】再唔係一個人單獨入去，更唔係瞓棺材咁簡單，反而大玩 SM 。欣賞完妖豔華麗的真人騷後，便會正式展開血淋淋的噩夢，走進一間接一間的陰森密室，利用一幕幕血腥心寒的恐怖場面挑戰人類底線。亦因為【16禁】，所以 16歲或以上及能接受極度驚嚇人士先入得去，睇嚟驚嚇程度唔講得笑。
位置：高峰樂園動感天地
開放時間：下午 1 時 – 晚上 11 時
▲ 一開始主持就叫我地睇表演，一個個奇人輪住出場。
▲ 浴簾背後有人沖涼，非常誘人。
▲ 每間房都有人被 SM，睇到毛骨悚然。
▲除咗人，仲有公仔，重口味到未必人人受得起。
依莉詩點評
雖然 16禁係今次主打的鬼屋，不過入到去絕對唔恐怖，亦唔血腥，感覺就好似去咁咗泰國睇人妖表演一樣。雖然入場前每人都有一個面具，不過望住表演者被打、被電，就係難以投入，甚至感得太重口味，未必人人受得起。
驚嚇度 ★★☆☆☆
必玩指數 ★☆☆☆☆
相關文章:
【評測】HUAWEI Pura70 Ultra @天通衛星通訊 香港表現詳細評測（上）- 天通衛星解構 + 開通步驟教學 + 郊區表現實測 【評測】Huawei Mate XT Ultimate Design 非凡大師現場評測 Huawei MatePad Pro 12.2” 國際版馬拉正式發佈 同場加映入門級平板 MatePad 12 X
2)【照妖宮殿】AR 技術打開天眼
自從 Pokemon Go 之後，AR 擴增實境技術應該無人唔識，而係呢個華麗堂皇的宮殿裹，大家可以透過手機 APP，打開「攝靈天眼」，呼喚一眾妖精現身。唔知係咪可以用精靈球捕捉佢地呢？
位置：海濱樂園廣場
開放時間：上午 11時 —下午 5時 30分
▲ 蛇精都好索架！
▲ 日間的鐵扇公主好美艷呢！
▲ 對準記號會有妖精走出嚟啊！
依莉詩點評
香港人鐘意自拍，上年海洋公園都加左 Lolita 鬼屋日間俾人自拍，今件年都唔例外，不過就轉咗中式妖精做主角，沒有了華麗的佈置，多了一番神秘感，加埋個捉妖 AR App ，真實同虛擬的妖精共處一室，包保每張自拍都獨一無二。
驚嚇度 ★★☆☆☆
必玩指數 ★★★★☆
3)【血祭宮殿】百妖盡出
夜幕低垂，華麗宮殿隨即變成恐怖鬼域。牛魔王、蛇妖、蜘蛛精等各路妖魔鬼怪從黑暗中甦醒，向人類施以凶猛突襲，捉拿活人煉成長生不老的養顏補品。想出去的話，唯一出路就是越過猛鬼橋和凶靈祭壇，逃出妖氣衝天的煉獄。
位置：海濱樂園廣場
開放時間：下午5時30分 — 晚上11時
▲ 閰羅王都出埋，問你驚唔驚？
▲ 中式打扮的將軍特別恐怖。
依莉詩點評
妖精的洞穴充滿神秘感，就算 Android 機開唔到天眼，只睇真人妖精都足夠燒不少菲林，不過環境比較黑，想影靚相最好帶番支 LED燈了。
驚嚇度 ★★★★☆
必玩指數 ★★★★☆
▲ 去完 HUAWEI 嘅【血祭宮殿】記得去埋華為大劇院之「鬼火咁靚」後台啊！只要用 HUAWEI P9 同一眾靚鬼影相，再將作品上載去 Facebook 就可以獲贈精美禮品，最「鬼火咁靚」同最鬼有創意嘅三張相仲有機會得到 HUAWEI P9一部添！
▲ 入到後台仲可以揀自己鍾意嘅紋身貼紙添係面度，今次仲唔係「鬼火咁靚」？
4)【古惑糖果村】
萬聖節唔一定係驚嚇，同上年一樣。南瓜精靈精心打造了一條古惑糖果村，等小朋友可以挑戰搗蛋小遊戲，帶著繽紛糖果滿載而歸，盡情開懷大笑。
位置：海濱樂園自然大揭秘
開放時間：上午11時 — 晚上11時
依莉詩點評
全日祭之後，哈囉喂多咗好多歡樂元素，唔單止唔驚嚇，仲好岩小朋友玩，同妖怪玩完小遊戲就有糖果收，總算有個位可以抖下氣。
驚嚇度 ★☆☆☆☆
必玩指數 ★★★☆☆
相關文章:
【評測】HUAWEI Pura70 Ultra @天通衛星通訊 香港表現詳細評測（上）- 天通衛星解構 + 開通步驟教學 + 郊區表現實測 【評測】Huawei Mate XT Ultimate Design 非凡大師現場評測 Huawei MatePad Pro 12.2” 國際版馬拉正式發佈 同場加映入門級平板 MatePad 12 X
5)【捉鬼敢死隊Live!】一展槍法
依家乜都興懷舊，就連鬼片都要番炒。呢間鬼屋就以八十年代經典電影《捉鬼敢死隊》做主題，而且仲有兩種體驗。首先要到捉鬼敢死隊學堂學習捉鬼槍的用法，等你一展槍法，一嚐捉鬼的樂趣，大人細路都啱玩。之後穿過鬧鬼大宅、凶靈地下鐵、紐約時代廣場等一個個經典場景，親身體驗電影經典對白「遇到衰鬼，急Call捉鬼敢死隊最有計！」不過大家要留意，兩個部份不但分開玩，仲要分開排隊，要玩晒兩 part 記得預番時間啦！
位置：高峰樂園動感天地
開放時間：上午 11 時 – 晚上 11 時
▲ 生還者失驚無神出現，比鬼更嚇人呢！
▲ 又一個無啦啦彈出的生還者，演技好好呢！
▲ 唔知呢位 OL 被咩嚇親呢？
▲ D 鬼口水好核突啊！
▲ 鬼屋入面無棉花糖鬼有少少失望。
依莉詩點評
用槍玩的鬼屋已經唔係第一次搞，但今次捉鬼敢死隊學堂明顯係俾小朋友玩，用雷射槍射牆邊的紙板，有 D 似迪迪尼的巴斯光年，刺激感大減。而且見唔到棉花糖鬼有少少失望呢！幸好另一邊的電影經典場景鬼屋場景相當逼真，一個個生還者出現營造恐懼氣氛，令你想快快逃離災難現場。
驚嚇度 ★★★☆☆
必玩指數 ★★★★☆
水哥點評
捉鬼敢死隊做主題嘅鬼屋無咁恐佈，以往玩過有啲鬼屋嘅鬼係會追住你一排，但係捉鬼敢死隊就無呢個情況，而且出現驚嚇場面亦無咁密，可以同一啲比較細膽嘅朋友一齊玩！
驚嚇度 ★★★★☆
必玩指數 ★★★☆☆
6) 【屍立中學】鬼影幢幢
讀過書的人都應該聽過 3樓女廁有鬼的故事，聽就聽得多，就好似無人真係見過。不過呢間位處山上的陰森荒廢校園，就一定有啦！走過鬼影幢幢的走廊，直搗校園墓地，你就會搵到驚慄故事背後的謎團。
位置：高峰樂園極速之旅旁
開放時間：下午1時 — 晚上11時
▲ 校園內無論學生定校工都好似撞邪一樣。
依莉詩點評
呢間係今次 3間鬼屋入面最恐怖的一間，每一個學生都好似撞邪一樣，有突然 D 自殺，亦有 D 被謀殺。由走廊、課室到校園墓地，一個場景比一個場景恐怖，由學生變成怨靈係身邊出現。如果唔係傳媒可以開 LED 燈，我真係唔敢向前行。
驚嚇度 ★★★★★
必玩指數 ★★★★★
水哥點評
如果一定要玩一間最刺激嘅，我覺得一定要玩屍立中學呢間鬼屋，鬼嘅數量密集好多，而且好多通道都好窄，唔可以並排過，有時我要行先都驚驚地！
驚嚇度 ★★★★☆
必玩指數 ★★★☆☆
7)【心慌血色吧】危機處處
係殭屍王唐禹哲的豪宅內每日都會舉辦盛大的狂野派對，但係狂野派對中，原來危機處處。據說唔少人會係忘我舞蹈之際，走進豪宅的秘密暗室，被嗜血成性的恐怖殭屍捉到後就再無出過嚟。
位置：高峰樂園登山纜車廣場
開放時間：下午1時 — 晚上11時
▲ 一開始大家都係度飲酒享樂，超瘋狂呢！
▲ 不過呢個 3D 唐禹哲好似有 D …
依莉詩點評
參加派對前大家都要先同殭屍王唐禹哲立約，方法有些少驚喜，縮手都縮唔切。之後進入酒吧，氣氛就好似一個迷幻派對，無數個假公仔忘我舞蹈，亦真亦假。當你覺得一 D 都唔恐怖反而搞笑的時候，原來已經不知不覺發現忘我背後的危機，廁所同後行入面的竟然係一隻隻吸血殭屍，睇嚟頭腦要時刻保持清晰先得。
驚嚇度 ★★★☆☆
必玩指數 ★★★☆☆
水哥點評
咁多間鬼屋我相信氣氛最輕鬆就係呢一間了，入面似入左酒吧。仲有少少人隱藏咗係度出奇不意地嚇你，整體嚟講，唔算太恐佈。
驚嚇度 ★★☆☆☆
必玩指數 ★★★☆☆
8) 猛鬼巷 — 陰陽路及屍家路
入黑後，嘩鬼由鬼屋走出戶外，彌漫公園的每個角落。當中兩條以中西惡靈為主題的猛鬼巷充滿陰氣，隨時撲出送上「驚嚇」！
位置：海濱樂園及高峰樂園
開放時間：下午5時30分 — 晚上11時
依莉詩點評
其實哈囉喂 D 鬼都係會四圍走，所以加咗呢兩條路純粹集中咗而已。
驚嚇度 ★★☆☆☆
必玩指數 ★★☆☆☆
相關文章:
【評測】HUAWEI Pura70 Ultra @天通衛星通訊 香港表現詳細評測（上）- 天通衛星解構 + 開通步驟教學 + 郊區表現實測 【評測】Huawei Mate XT Ultimate Design 非凡大師現場評測 Huawei MatePad Pro 12.2” 國際版馬拉正式發佈 同場加映入門級平板 MatePad 12 X
總結
今年海洋公園哈囉喂確實有點令人失望，雖然同上年一樣有十種設施體諒，不過驚嚇程度大大減低。除了屍立中學同捉鬼敢死隊稱得上係鬼屋，其他都沒有太多驚喜，大部份走家庭路線。更甚的是，每年最有睇頭的鬼屋，16禁 轉玩 SM ，非常重口味，好似睇 sex 表演咁，但就難以投入。 以往買普通門票就已經可以入晒鬼屋入面所以房，不過今年就係【16禁】、【屍立中學】、【心慌血色吧】及【血祭宮殿】留咗 4個秘密暗室俾優越門票持有人玩。如果想玩埋就要俾多 D 錢啦！如果要感受哈囉喂氣氛，我反而推薦今年樂富鬼屋，雖然係小辣，但最少係免費。
海洋公園哈囉喂全日祭2016
日期：2016年10月2、7-10、14- 16、20-23、27- 31日
開放時間：早上10時至晚上11 時
票價：成人 $ 385 ；小童（3 至11 歲）$193
哈囉喂優越門票：成人 $730 ；小童（3 至11 歲）$365
相關文章:
【評測】HUAWEI Pura70 Ultra @天通衛星通訊 香港表現詳細評測（上）- 天通衛星解構 + 開通步驟教學 + 郊區表現實測 【評測】Huawei Mate XT Ultimate Design 非凡大師現場評測 Huawei MatePad Pro 12.2” 國際版馬拉正式發佈 同場加映入門級平板 MatePad 12 X
【TGS 2016】光榮版大亂鬥？Koei Tecmo 發表《無雙 STARS》自家角色大雜燴
提起 Koei Tecmo 這間遊戲廠商，相信大家應該對其「無雙」系列不會感到陌生吧？由最初的《真‧三國無雙》打響名堂之後，之後就陸續推出更多不同主題，比如有與 NBGI 合作的《Gundam 無雙》，稍後時間又有《烙印戰士無雙》。不過萬萬估不到在早前舉行的發表會上，Koei Tecmo 竟然發表了全新的《無雙 STARS》。 （繼續閱讀…）
【TGS 2016】15 週年正統新作登陸 PS4！NBGI 發表《GUNDAM VERSUS》有鐵血的孤兒參戰
臨近 TGS 2016 遊戲展，當然不少廠商都蓄勢待發準備發表各款新作，而喜愛《GVG》系列的人如今更有一個好消息。因為在較早前所舉行的 2016 PlayStation Press Conference in Japan 中，Bandai Namco 就率先公佈全新 PS4 作品《GUNDAM VERSUS》，藉此慶祝該系列誕生 15 週年。 （繼續閱讀…）
【TGS 2016】2D 動作版《機戰》？強國遊戲《Code：HARDCORE》進軍東京遊戲展
有時玩得太多大廠推出的遊戲，間中都可能會希望玩一些另類一點的作品，而由中國獨立遊戲開發商 Rocket Punch 製作的《Code：HARDCORE》或者會是個不錯的選擇，當中的機體設計不但帶點《機戰》風格，而且更採用 2D 動作射擊的玩法，從宣傳片中更可以看到質素似乎相當高呢！ （繼續閱讀…）
首部特別版 PS4 Slim！FINAL FANTASY XV LUNA EDITION 將於 11 月 29 日發售
較早前 Sony 正式推出了全新的薄版 PS4（以下簡稱 PS4 Slim），更細更輕更慳電，不過若然大家覺得純黑色機身看起來太過單調，那就不妨再等多一會再購買吧！因為 Square Enix 在較早前所舉行的 2016 PlayStation Press Conference in Japan，就宣佈將會推出一部「FINAL FANTASY XV LUNA EDITION」的 PS4 Slim。 （繼續閱讀…）
相關文章:
【評測】Sony ZV-E10 II 拍片機影相一樣得 毋須調色直出別具風格相片 【TGS 2024】PS5 Pro 實物搶先睇 同場加映 30 周年特別版初代經典配色 《星鳴特攻 Concord》製作總監辭職 為遊戲災難級表現負責
日系豪華 SUV 限量登場 Lexus RX Techno Black 別注版
一講起日系豪華 SUV 車種，相信 Lexus 總會在大家心目中佔一席位。早於年初推出的 RX200t 屬第 4代 RX 款式，硬朗的梭角線條和型格十足的 Spindle Grille 紡錘型水箱護罩一直都獲得不少車主愛戴。Lexus RX Techno Black 別注版將於明天起進駐灣仔陳列室，限量發售 10 部，售價為 $574,500。
相關文章:
Samsung 研發續航 965 公里固態電池 9 分鐘快充 + 電池壽命達 20 年 豐田 Toyota 研發新型健康座椅 僅靠坐著就能做運動改善腰酸背痛
OTA 更新 iOS 10 變磚點算好？教你自救方法回復正常
Apple 最新的 iOS 10 系統終於在今日凌晨正式推出，而且我們亦已經介紹了當中的各種特點。不過留意有消息指有部份機種若透過 OTA 去升級，那麼手機就有可能會變磚，而且 Apple 亦已證實了這點，並強調已進行修復。不過如果真的已經中招又怎麼辦呢？其實原來都有自救方法。 （繼續閱讀…）
相關文章:
【教學】iOS 18 延長電池壽命幫到手 一個設定保養電池 【教學】iOS 18 八大必用新功能 Face ID 程式鎖 + 超型深色底 App 圖示 【教學】iOS 18 全新防暈車浪功能實試 實測搭巴士睇片唔頭暈
【unwire TV】iMessage實用指南 屎變emoji其實唔難
iOS10 更新得最多就係iMessage…
究竟幾多人會試用？
定會用番Whatsapp lol
#又淨係摻蘋果人玩
詳細內容:
http://unwire.hk/2016/09/14/ios-10-test-and-review/software/ios-app/
相關文章:
【教學】iOS 18 延長電池壽命幫到手 一個設定保養電池 【教學】iOS 18 八大必用新功能 Face ID 程式鎖 + 超型深色底 App 圖示 【教學】iOS 18 全新防暈車浪功能實試 實測搭巴士睇片唔頭暈
【unwire TV】iOS 10懶人包 一分鐘看完
iOS10出更新鳥！
有沒有伏？
有沒有Bug？
一分鐘看完就知道
詳細內容﹕
http://unwire.hk/2016/09/14/ios-10-test-and-review/software/ios-app/
瑞典公路實測始動 Volvo XC90 自動駕駛汽車面世
早前我們報導過 Volvo 將會和 Uber 合作，在美國測試自動駕駛技術，不過擁有 Volvo 自家開發的自動駕駛系統，其首部用作「Drive Me」公測的 XC90 SUV 其實在日前才終於正式在瑞典 Torslanda 廠房完成生產，這部特別版 XC90 稍後會在哥德堡市的指定路線上進行路面測試。
相關文章:
美國擬禁制含中國軟硬件汽車 防止數據入侵風險 Polestar 4 新車登陸香港 破格取消尾窗 + 兼備寬敞空間及跑車線條 Volvo 預告純電中型 SUV EX60 將採用全新 SPA3 平台
故事模式率先玩 《FIFA 17》試玩版推出
網站用演算法無間斷作曲 作曲家要轉行
汽車有自動駕駛系統，茶餐廳出現機械人侍應，Facebook 編輯被人工智能取代。如果以為從事創作就可以安枕無憂，你可能要重新調整你的想法。最近有網站就利用電腦演算法，無間斷製作原創的電子音樂，作曲人甚至打碟的 DJ 都可能要考慮轉行。
擴大 Action Cam 戰線 Nikon KeyMission 兩新機現身
今年年初發表的 KeyMission 360 全景相機，是 Nikon 進軍 Action Camera 市場的頭炮，可惜的是因為 4 月日本熊本發生嚴重地震，令到上市日期受到延誤。雖然 KeyMission 360 至今依然未有上市時間表，不過同系列的兩款新機，日前就已經有諜照流出。
相關文章:
【評測】Nikon Z6 III 實用中階全片幅相機 實試 120fps 影相 + 內錄 12 bit RAW + 螢幕全球最光 Canon 大幅拋離對手 榮膺 2023 相機市場一哥
唐言無忌：除咗打機睇鹹嘢，原來 VR 可以咁樣用
一講到 VR 虛擬現實，讀者們可能馬上想到 Gear VR、Cardboard、HTC VIVE 或 PlayStation VR 等硬件，但實際上 VR 有什麼用途？筆者知道 VR 能夠玩遊戲、做藝術創作、虛擬旅遊、看電影，無論是普通娛樂還是成人娛樂的電影。有分析甚至認為，色情事業是推動 VR 發展的最大原動力。
相關文章:
Meta 放棄與 Apple Vision Pro 競爭 轉移重心開發低成本 VR 裝置 安坐家中 Vision Pro 雲端試車 淘寶小米合作推虛擬小米 SU7 試車體驗 FevaWorks 兩大免費遊戲開發工作坊 掌握開發技能建立自家遊戲
iOS 10 重點懶人包！集百家大成之 iMessage 更多嘢玩
六月時 WWDC Apple 發佈了最新的 iOS 10，現已登陸香港，為了知道實際用起來的改動，我們已經為大家實試了各項的改動。
一）集百家之大成的 iMessage：增強互動性、可玩度
a) 支援其他第三方 Apps 在 iMessage 內運作：例如可以跟朋友在 iMessage 內玩遊戲、在 iMessage 內用美圖秀秀把相片馬上修正、與朋友分享正在聽的歌等。
b) 增加用手的玩意 Digital Touch ：首先今次增加的 Digital Touch 是手寫動畫，除了寫字還類似用 Trackpad 時的各種手勢，例如用兩隻手指按著會出現心心、再拖移心心會碎裂。不論是寫字還是 Digital Touch 動畫效果，過程會一點一滴呈現到對方的 Message，更加立體。
c) 可選擇傳送訊息效果：只要在傳送訊息前，按實傳送的按鈕 (向上的箭咀) ，就會出現給你選擇想要的傳送效果，例如非常震撼的效果、大字型、隱形墨水效果、甚至可以加用全螢幕效果表達，非常有趣。
d) 快速即時回應 – Tapback 功能：收到別人的訊息，可以點按兩下，然後就可從清單中選擇「喜歡」、「不喜歡」等等的狀態回應，別人便會立刻收到通知，省回打字的力。
e) 加入Stickers 玩味大增：終於 iMessage 都加入 Stickers 了，相信除了 Whatsapp 未有之外，很多 IM 都已經有這個功能。
f) 文字變 Emoji + Emoji 變大 3 倍：新版的 iMessage 加入了 Tap to Replace Emoji 功能，只要打上某些字眼，就可以轉換為 Emoji，單打 Emoji 時它會放大，就像現時 Whatsapp 和 Facebook Messenger 一樣。
g) 手寫功能：除了 Digital Touch，亦有手寫功能可用。只要使用時將機身橫放即可。
相關影片:
相關文章:
【教學】iOS 18 延長電池壽命幫到手 一個設定保養電池 【教學】iOS 18 八大必用新功能 Face ID 程式鎖 + 超型深色底 App 圖示 【教學】iOS 18 全新防暈車浪功能實試 實測搭巴士睇片唔頭暈
二）3D Touch 增強應用 加入更多顯示資料
a) 3D Touch 目錄重新設計：增加顯示更多資訊，例如：不同股市當時的指數、當時的天氣狀況、日曆中的提醒事項等，令 3D Touch 不至只是快速進入某些功能，亦擁有資訊顯示介面，更為實用。
b) 控制中心亦可以應用：控制中心內的按鈕 (計時器、相機、電筒等) 亦支援 3D Touch 目錄，加入了更多快捷選項使用家能容易開啟。
三）一拿起熒幕自動打開
當你平放 iPhone 在桌面上，用手拿起來就會自動開著熒幕 ，不用再按開關，足可延長開關鍵的壽命！
四）不解鎖情況下 仍可互動
在鎖定熒幕上，用家可以在不解鎖的情況下操控 Apps，例如回覆訊息、瀏覽訊息內的相片等。有 3D Touch 功能的裝置，如 iPhone 6s/6s Plus ，只需大力點按下去就可以預覽；而沒有 3D Touch 的裝置，在該項通知項目上掃向左面，按檢視就可進入。
五）介面重新設計 通知及控制中心加入圓角
a) 通知和控制中心：邊位加入圓角，顏色也以淺色突出介面，變得更分明。
b) 控制中心新改動：控制中心新增了的全頁的音樂版面，大多音樂播放 Apps 如 Apple Music、iTunes、KKBox、Spotify 等都可應用，向左一掃就可開啟。
c) 鎖定螢幕新改動：以往在鎖定螢幕介面開啟相機要在右下角去上拉，現在向左掃熒幕可直接開啟相機，向右掃就開啟通知中心，可以瀏覽最新天氣預報、日程表等小工具。
相關文章:
【教學】iOS 18 延長電池壽命幫到手 一個設定保養電池 【教學】iOS 18 八大必用新功能 Face ID 程式鎖 + 超型深色底 App 圖示 【教學】iOS 18 全新防暈車浪功能實試 實測搭巴士睇片唔頭暈
六）相片 App 強化功能：人面辨識、搜尋、自製回憶影片
a) 人面辨識：相片 App 會將照片中的臉孔自行掃瞄，然後可按人物或地點作分類。
b) 強化了的搜尋功能：以人物或不同地點、事物分類的相片，打上相關的關鍵字就可以搜尋到。
c) 可自製回憶照片：照片程式更會按這些歸類，將相片放入不同的 Moments 精彩時刻，更可以自製不同旅程的精華影片，更可以輸出影片，然後與朋友分享。
相關文章:
【教學】iOS 18 延長電池壽命幫到手 一個設定保養電池 【教學】iOS 18 八大必用新功能 Face ID 程式鎖 + 超型深色底 App 圖示 【教學】iOS 18 全新防暈車浪功能實試 實測搭巴士睇片唔頭暈
七）幫你將錄音變文字
在 iOS 10 中，Apple 就加入了 Voicemail Transcription 語音留言轉換功能，可將留言信箱內的語音轉換為文字，這樣大家不用打去留言信箱也可知道留言內容。
八）完全改動的音樂播放器
音樂播放器介面完全改動，加上了更大的文字顯示內容，而且還加入了歌詞，可以讓大家邊聽邊唱。
九）更厲害的通話辨識功能
在 iOS 10 中，Apple 亦強化了通話辨識功能，不但會與第三方公司合作，在收到可疑的陌生來電時在號碼顯示介面上顯示為 Spam。
相關文章:
【教學】iOS 18 延長電池壽命幫到手 一個設定保養電池 【教學】iOS 18 八大必用新功能 Face ID 程式鎖 + 超型深色底 App 圖示 【教學】iOS 18 全新防暈車浪功能實試 實測搭巴士睇片唔頭暈
十）Apple Pay 支援網頁付款
在 iOS 10 上用家如果用 Safari 網購時，亦可以用 Apple Pay 進行付款。而 Apple Pay 早已登陸香港，各位「懶人」就更有道理足不出戶了。
十一）改進了的地圖
去到今時今日，Apple 的地圖終於叫見得了人。介面易用了，而且對於多人常去的地點拿捏得比以前準，建議路線也更精準。
相關影片:
相關文章:
【教學】iOS 18 延長電池壽命幫到手 一個設定保養電池 【教學】iOS 18 八大必用新功能 Face ID 程式鎖 + 超型深色底 App 圖示 【教學】iOS 18 全新防暈車浪功能實試 實測搭巴士睇片唔頭暈
