記得有位文具店主勁唔好彩，因為一盒飛行棋嘅棋盤太薄唔合規格，前陣子又在 facebook 成為熱話。相信好多人都有疑惑點樣可以度？唔通真係拎住把間尺去度？當然要用科技熱大家去解決呢個問題
文具店因棋紙不足 0.038mm 厚 海關無警告下罰款
因為一間屋邨文具店，因出售的棋盤紙厚度不足0.038毫米，認為對兒童安全構成頗大風險而被罰款1.5萬元。海關亦承認檢控前沒有先作警告。水哥覺得店主好可憐，一般文具店店主無可能花幾千甚至幾萬元給專人檢驗。如今來到「玩生活。樂科技」的 unwire.hk 後，當然想透過科技解決這個問題。蘋果報導 <這裡>
相關文章:
海關截獲侵權手提遊戲機產品 包括 MIG Switch 燒錄卡等 海關破獲 Party Room 唱 K 侵權 使用串流技術提供侵權歌曲
精確度達 0.001mm 千分尺
0.038mm 這樣簿的厚度，一般人都以為需要 Lab 的精密儀器才能檢驗。一般量度一些厚薄的尺都是以 0.1mm 做單位的，而且最小量度也是幾mm 開始起跳；有一些專門檢測薄膜的尺都是以 0.01mm 做單位，如果要精確度達 0.001mm 的度就要使用「千分尺」的儀器，在淘寶大約 240 – 1000 ，視乎尺身材料而定
▲ 撳中間粒掣，開著見到全部都係 0 就代表佢個校正啱咗，可以度嘢。
淘寶野可信嗎 ?齊齊驗一驗
我水哥對中國淘寶貨有偏見，硬係信心唔夠。所以首先梗係用啲嘢嚟參照下先啦：iPhone 6s。根據官網，iPhone 6s 嘅厚度係 7.1 mm，如果佢測出嚟都係 7.1 即初步合格 !
▲ 測出嚟係 7.07mm，咦，都幾準確，好，我哋開始試驗喇！
安全套作精準測試
不過 iPhone 6s 太厚，我水哥想再試得精準 D ，至少要零點零幾 mm 但又要注明有幾厚的產品，唯一想到只有安全套。所以買來巿面上兩個日本品牌 0.01 、0.02 及 0.03 的 3 款 condom 作測試。發現結果真的如包裝所示，只是準確到小數點後兩位而已並沒作 4 捨 5 入，例如 Sagami 的 0.02 其實有 0.026mm 厚。測試的結果亦顯示 0.01 那款在三款的差距百份比上，是薄得最多的。
▲ 相信有啲 wire 民知道測厚薄都會同我諗埋同一樣嘢。我面前分別有 3 款唔同嘅安全套，分別係 0.01 、0.02 同 0.03 。等我哋睇下佢哋係咪如包裝所示咁薄喇。
▲ 哇，真係有喎，雖然並唔係真係 exactly 0.01，但係都算無呃人嘅…
▲ 0.02 嘅安全套就有 0.026mm
▲ 0.03 就有 0.035 嘅結果。
測啲乜嘢好？
1. 面皮
可能你話，水哥你真係唔知醜，面皮幾呎厚，咁無聊都玩一餐，我一於就度下自己塊面有幾多呎厚。
▲ 我面皮厚到連個測厚儀都夾唔落…
2. 棋盤張紙
之前海關話，棋盤張紙就要有 0.038mm 厚先叫合規格，咁我哋睇下啲棋盤夠唔夠厚喇。
▲ 今次測試有呢兩款康樂棋。
▲ 首先我哋試下呢盒羅蘭棋先，棋盤用紙造，得 0.097 mm，無用膠果啲做咁薄喎…
▲ 然後，我哋試下盒荔園康樂棋，都係未夠 1 mm，得 0.098 mm，睇嚟而家嘅製造商都以紙造棋盤，安全為先咁。
3. 紙巾
通常啲人都唔知紙巾有幾厚，淨係知厚啲就好用啲，有啲又慳家到鍾意將佢分返開一層層咁用，到底一層層有幾厚呢？
▲成張呢，就有 0.219 mm
▲ 分開一層層呢，就得返咁厚，但其實都厚過 o.o38mm 安全標準，咁各位 wire 民知道，其實唔合格的旗紙，比分左一半的廁紙仲要薄。
4. 紙張
啲人話情比紙薄，到底紙有幾薄呢？我拎咗張 80gm 嘅紙嚟試下。
▲ 原來情可以薄過 0.113 mm…
5. 超薄電話殼
▲ 電話殼我哋成日都用，睇落好多都差唔多厚，有啲強調自己好薄，到底佢比平常嘅電話殼薄咗幾多呢？
▲ 一般嘅電話殼都有 1.853 mm 咁厚。
▲ 然後呢款超薄嘅電話殼就有咁 0.5 mm 咁厚。雖然好似差零點零幾 mm 睇落好少，不過原來差呢少少個手感已經好遠，順便俾到啲概念大家 0.04mm 有幾厚，第時電話殼想買厚買薄就識揀喇！
相關文章:
海關截獲侵權手提遊戲機產品 包括 MIG Switch 燒錄卡等 海關破獲 Party Room 唱 K 侵權 使用串流技術提供侵權歌曲
後記 : 舊款棋已消失 想測量可找我
水哥在買棋時發現全部都變了膠盒新設計，以往童年時的舊式紙盒已經近乎絕種。被問及原因時店主解釋所謂的「舊版」，其實一直都有存貨，但因為上次新聞全行都不敢再賣，只有統一向香港代理取貨比較安心。所以現在香港文具店買到的棋都是一模一樣，沒有了以往那麼多款式。另一樣水哥發現的，是店主異常緊張貼於包裝盒上的 Sticker 。它寫著警告字句「內部含有細微部件，兒童需注意」。結帳時店主一盒盒小心檢查讓貼紙有沒有貼好，估計每盒貼紙都是人手貼上的，位置各有不同，店主眼力不太好所以花了點時間，最後水哥幫忙他檢查，確定所有都有該貼紙才店主才放心結帳。這間只是某舊屋苑的小小文具店，從此事可以感受到 0.038mm 罰款事件對他們影響有多大。如果店主們還有一些舊版存貨又擔心旗紙太薄的話，請在 unwire facebook 專頁 inbox ，水哥免費提供工具幫你量度。
相關文章:
海關截獲侵權手提遊戲機產品 包括 MIG Switch 燒錄卡等 海關破獲 Party Room 唱 K 侵權 使用串流技術提供侵權歌曲
