相信大家應該還記得 7 月初美國 MegaBots 製造的 MegaBot Mark II 向日本水道橋重工機械人 KURATAS 下戰書,而後者亦已經答應對方挑機,雙方將會在明年舉行現實版機械人大戰。現時距離大戰還有接近一年時間,雙方均積極作出準備,而後者為了增加勝算,日前更開始集資去進行 upgrade! (繼續閱讀…)
完 ! 中國《神魔之塔》10 月終止,魔法石可換《全民飛機大戰》禮包
有陣子香港最多人玩的手機轉珠遊戲基本上有兩款,其中一款是日本《Puzzle and Dragons》(PAD),而另一款則是來自香港的《神魔之塔》。後者於香港及台灣均取得不錯的成績,而且去年更正式進軍中國市場,不過在正式營運一年多之後,代理的騰訊日前就宣佈該遊戲將會在 10 月終止營運。 (繼續閱讀…)
Edward:「二千有找..」2K 芒 + Win10 / Android 5.0 雙系統 HP 平板評測
《Hala! Madrid》!如果你係西甲勁旅皇家馬德里的 fans,肯定知道佢係咩。今次為大家介紹嘅 Windows 平板, HP 大品牌賣 2 千蚊有 Dual OS 玩都幾唔錯! 而家就等 Edward 同大家介紹下。
相關文章:
【教學】iPhone 都用到 Gemini 教你如何在 Android 和 iOS 裝置上使用 俄羅斯杜馬議員預告 Google、Android、iOS 將會被國家封鎖 Nvidia 顯示卡觸發 Windows 藍屏 新 Driver 不支援舊 CPU 有關
波音註冊專利 無人機變潛水艇
能夠在天上飛,然後一下子衝入海內,最後變成潛水艇。這個簡直和電影橋段一樣的設計,早前竟然被波音公司申請了專利註冊。今年年初,美國專利商標局向波音發出了一項快速部署的空中和水中交通工具專利,設計圖和特攝片的不相伯仲。
相關文章:
波音 Starliner 成功返航 兩名太空人仍然滯留國際太空站 IKEA 將升級 AI 無人機系統 協助倉庫營運全天候進行盤點 美國太空人受困太空站 返航計劃再度押後
XDA 高手激改 Samsung Gear S 變 Android Wear
近期推出的 Samsung 智能手錶都採用 Tizan 平台,包括擁有弧形錶面設計的 Gear S。如果你已經玩厭了 Tizan 平台,或者對更通用的 Android Wear 平台感興趣,恭喜你!因為 XDA 討論區的高手已經著手將 Android Wear 灌入 Gear S 內。
圓形錶面 Fossil 首款 Android Wear 現身
推出不少時款手錶的 Fossil 早在 2014 年就宣佈會夥拍 Intel 和 Google 推出智能手錶,不過一直只聞樓梯響,直至日前在三藩市舉行的 Intel Developer Forum 2015,Fossil 就初次展示了他們的合作成果。
相關文章:
【評測】Google Pixel 9 Pro Fold 詳細評測 機身偏闊手感一般 + 雙熒幕表現出色 + 終原生支援香港 5G + 定價偏貴不夠抵玩 Google 被指強制網紅讚賞其產品 否則不能在發售前評測產品 【教學】Perplexity 搜尋引擎結合 AI 免VPN + 好用程度可挑戰 Google 搜尋
搶先睇 Android Marshmallow 開機動畫
Google 日前終於宣佈新一代 Android 6.0 系統的命名,Android M 的正式名字為 Marshmallow 棉花糖。除了一系列新功能外,Google 亦為這粒棉花糖設計了一個全新的起動畫面,新的畫面將會取代沿用多年的動畫。
港女科技一週:美圖修瘦秀?
當我還是大學生的時候,曾經在整容大國交流過一段時間,個時 Smartphone 只係剛剛開始流行,App 都唔多個,更不要說是美圖獸獸了。有日落堂有個同學仔同我講,話佢地好興一大班朋友去影樓影相,問我有冇興趣一齊去留倩影,呢啲文化體驗活動我又點會錯過呢,於是我就跟埋一齊去玩喇。其實個度同而家個啲自拍館差唔多,你可以著騎呢衫,拎住道具 s 影,但戲肉其實係最後的後製階段:有個姐姐 / oppa 坐係個電腦前面等待你的指示,執!相!
我開頭唔知以為只係較下光暗、顏色個啲,但當我聽到猖狂的朋友的指示…
「我對腳要長啲丫~」「我塊面要尖啲!」「我要隻眼大啲。」「幫我加厚啲蔭丫。」
我個時實在太年輕了,竟然心諗,原本打左燈已經靚左好多架喇啵,咁樣執法你地個樣咪唔同晒… 最後張相… 55,不要再說了,我已經分唔清邊個打邊個。
點解我會摷返咁耐之前的事出黎講呢,因為最近我睇左幾個同 Photoshop 有關的文章及短片:
同一個女人被 18 國家 Photoshop、將安祖蓮娜祖莉變成韓國人
我做過的工作雖然同設計、美術、畫圖大纜都扯唔埋,但其實暗啞底都要你識用 Photoshop 甚至 Illustrator 及 InDesign 的,好在當年有係咁易學過下,叫做識少少(少到一個點… XD),唔係真係工都唔使返。
真心,我 天生麗質 好少用美圖獸獸或 Photoshop 執相,主要係因為我好少放自己個大頭出黎俾人睇,哈哈。加上我影相鍾意影到個人好細粒,或者影背脊,所以完全唔使嘥時間 PS 自己個樣,只需要調一調光暗、色溫、對比,就得。
對於「美」,大家的定義實在差太遠,就好像那 18 個國家的 Designers,大家都按照自己的理想將好地地一個女仔改頭換面,先不說中國個幅有蛇精 Feel,意大利個幅直情成對手換左!如果俾我係個個受託的 Designer,我就咩都唔會改,唔係我唔識(係,我認我其實係唔識 :P),而係我覺得如果可以自自然然做自己,才是最好最美的,但呢個世界已經阻止唔到大家自己 PS 自己或者 PS 人地了…
一個人如果連自己都接受唔到,成日諗住要大啲對眼,高啲個鼻,長啲對腳… 其他人又點會接受你呢?有人說「你的樣子如何,你的日子也必如何」,但你的樣子決定到的只是一時,拉勻一生黎計,重要的人一定不只用樣子來 judge 你。
唐言無忌:Uber 和古樹
年輕時在中西區返學,由小學到中學都在般咸道出沒,對四棵百年古樹雖然未算有深厚感情,但也肯定為我遮過蔭,留下深刻印象。想不到四棵古樹躲得過二戰戰火洗禮,經歷過無數風吹雨打,最後還是敵不過路政署斬樹。
唔洗等到 2046!iPhone 終於用到網站版 WhatsApp Web
WhatsApp 之前推出網站版,幾乎個個 OS 都用到,唯獨 iPhone 就用唔到。外國就有 iPhone 用家獲得消息,指 WhatsApp iPhone 版將會推出更新,終於可以用得到網站版 WhatsApp,各位 iPhone 用家就唔洗再拿住部手機先至覆到 message 啦。
相關文章:
Meta 2027 年開放第三方應用通訊支援 強化 WhatsApp 及 Messenger 跨平台功能 WhatsApp 開發全新功能 讓用戶與 Meta AI 語音聊天 WhatsApp 推出新功能 用戶可使用 Giphy 貼圖回應
恩想 : 我想獻計 ! TVB 廣告減 港電視業務少賺 46%
TSUM TSUM 香港場測開始!依莉詩落「機舖」測試
Disney Tsum Tsum 街機出咗成年,但 Fans 們要玩就唯有去日本。等咗咁耐,終於有好消息啦!因為香港場測就喺 8月 18號開始咗,不過大家要玩就快啦,去到 23號架咋!今日我依莉詩就到咗進行嘅場測 Virtual Zone 親身試玩。
相關文章:
美迪士尼樂園用餐過敏致死被控告 代表律師:死者丈夫有訂閱 Disney+ 應撤銷官司 Disney 串流業務轉虧為盈 將進一步打擊密碼分享行為 美國 Disney+ 連續第三年加價 收費貴香港 39% + 本港暫未跟隨
識行識跑唔會跌低!Boston Dynamics 成功研發兩足人型機械人 Atlas
雖然現時的機械人技術已發展得越來越成熟,但其實現時很多機械人大多都不似人型,比如可能需要四足或要滑輪輔助才能移動。不過最近由美國廠商 Boston Dynamics 所研發的改良型 Atlas 機械人,就真真正正採用人型設計,除可用雙腳移動外,更竟然可以跑步。 (繼續閱讀…)
籮文:「航拍其實唔難」 新手試玩 DJI Phantom 3 Standard
見到人哋玩拍北極又拍火山口,其實真係心癢咗好耐不過價錢貴又好似好難控制咁,萬一買返黎玩兩下就撞爛左,咁就 GG 了!不過 DJI 最近就推出咗 Phantom 3 的 Standard 版本,價錢更大眾化、操作亦都更安全同簡單。今次我籮文就黎到科學園試玩呢部航拍機,而今次亦都係我第一次「放飛機」,睇下我有冇炒機啦!
第三代產品 航拍都 4K
航拍大廠 DJI 第三代嘅 Phantom 系列有三個版本,包括 Professional、Advanced、同埋 Standard。當中 Professional 及 Advanced 加入視覺定位系統及超聲波感應器,能夠感知地面紋理及相對高度,就算 GPS 出錯仍可以精確地定位懸停和平穩飛行。而 Phantom 3 Professional 更有 4K 相機鏡頭以及非球面鏡的鏡組,能夠消除鏡頭畸變還原真實景像。而今次我航拍新手籮文幫大家試嘅就係最入門級嘅版本 Phantom 3 Standard 。
▲Phantom 3 Standard、遙控 及 DJI 傳訊總監 Michael Perry 部 iPhone
簡單 Setup 唔使1分鐘
DJI 傳訊總監 Michael Perry 為我哋示範基本操作同各項功能之後就交咗俾我控制,我只要喺我部手機度 Download 咗 DJI GO app,用 Wi-Fi 連接咗部 Phantom 3 Standard ,跟手喺手機度打開個 App ,夾埋部手機上 Phantom 3 Standard 嘅遙控上面,基本上就可以控制到部機,交接過程 1 分鐘搞掂。
▲DJI 傳訊總監 Michael Perry 為我哋示範基本操作同各項功能
相關文章:
DJI 無人機幫珠穆朗瑪峰清垃圾 運送物資節省人力更安全高效
「放手 放開所有~」 部機都唔會跌落黎
Michael 介紹基本操作嘅時候,講講下見住佢冇啦啦放低個遙控,作為新手嘅我當然係好緊張啦,我心諗,你放開晒啲掣部機未會跌落黎?原來係唔會嘅,Phantom 3 所有版本都有定位懸停嘅功能,你放晒手佢到只會喺同樣位置同高度懸停。介紹完畢,終於到我接手,揸住個大大嚿又重揼揼嘅遙控,令我立刻感覺到自己就係一個機長,負擔起一個使命感。
▲揸住個大大嚿又重揼揼嘅遙控,立刻感覺到自己負擔起一個使命感
實際操作 好快上手
第一件事,就梗係起飛啦,資料顯示,多數飛行事故都發生喺起飛同降落,不過唔使驚,原來,Phantom 3 有 Auto-Takeoff 同 Auto-Landing 功能,一㩒手機上嘅 Auto-Takeoff,我部 Phantom 3 Standard 就自動上升到一個人嘅高度,咁就可以避免到人手操作起飛會有失誤,掃到人哋隻腳或者整花人哋部車,飛到唔知去咗邊亦都可以㩒 Return-to-Home,部機就會自動返到你身邊,如果飛得太遠,離開咗遙控嘅接收範圍,Phantom 3 亦識得自己回航。起飛後,操作上最主要都係左搖桿、右搖桿同遙控左上方嘅一個轉輪。一邊望住部機、一邊望住手機上嘅實時畫面,左搖桿控制高度及旋轉,右搖桿控制前後及左右,而轉輪就控制鏡頭嘅垂直角度。除咗上下左右移動係用遙控操作,其他操作例如錄影、拍照,仲有高度距離等數據都係於手機上操作同監察。
▲Phantom 3 的基本操作
個人分享快速上手秘訣
不過有幾樣野新手要注意,操作嘅時候籮文發現左搖桿右搖桿靈敏都好高,推少少部機就已經郁得好快,所以一定要手指好穩定先可以操作得好。另外建議新手初時嘗試時,起飛前可以將航拍機擰到同自己面向嘅方向一樣,熟習前都唔好左右撥動支左搖桿去旋轉部機,咁樣你嘅左邊亦都係部機嘅左邊,如果你將航拍機面向你,操控就會相反,好易搞亂。
Phantom 3 Standard 無其他兩個版本使用嘅 Lightbridge Liveview 圖傳系統,反而係用 Wi-Fi 黎同時傳送操作指令同實時畫面,有效距離會比較短,所以操作嘅時候 Liveview 就有點兒窒,當放開操控讓航拍機懸停時,Liveview 又順暢得多喎,現場工作人員就表示可能同場有多部航拍機操作緊,有其它訊號干擾。總括來講,籮文用咗大概5分鐘就熟習到部機嘅基本操作,可以隨心所慾地拍攝現場嘅靚景,同埋 Selfie!
▲籮文用咗大概5分鐘就熟習到部機嘅基本操作
入門版本都夠晒玩 即時 Download 即時 Share
話就話係最低階版本,Phantom 3 Standard 雖然冇 Professional 版本嘅 4K,不過都支援 2.7K 影片拍攝,即係 2704 x1520 既解像度,而影相亦有 1,200萬像素,如果你係買黎拍下生活點滴,甚或至拍下短片微電影,Standard 版本其實都已經好夠用。只要操控時 DJI GO app 內嘅影相或者錄影掣,Phantom 3 就會將相片影片儲存到機內嘅 SD 卡,除咗抆張卡出黎抄之外,仲可以喺 DJI GO app 用 Wi-Fi 從 SD 卡 Download Full-Size嘅相片落手機,不過用依個方法 Download 影片就只有 720p。Download 到手機後可以喺 APP 內進行簡單嘅剪接,方便用家可以即時分享上 Facebook、Instagram,唔洗返屋企用電腦先過到。
▲ Selfie!拍照有1,200萬像素,線條銳利度都好好,暗位亦不失細節
▲可以見到陽光照射下光暗分明,天空同樹嘅顏色飽和度適中,可見 Phantom 3 Standard 嘅相機表現突出
▲放大後油畫化不算嚴重。
相關文章:
DJI 無人機幫珠穆朗瑪峰清垃圾 運送物資節省人力更安全高效
即將追加之新功能
Phantom 3 有幾項即將追加嘅新功能都好令人期待!包括 Point Of Interest,只要揀選自己嘅位置, Phantom 3 就會 360度圍住你黎拍,十足十 Matrix 咁。仲有 Waypoint,只要喺地圖 Set 定一條路線,Phantom 3 就會跟住黎飛。而 Follow Me 故名思義就係跟住你黎影,去到邊影到邊囉,最後 IOC 就係智能方向控制,估計係 Phantom 3 會學習你嘅操控模式,令操作變得更簡單。
總結:好易上手! 第一次玩都唔炒機
玩過 Phantom 3 Standard 之後,真係好想買一部,控制一部航拍機自由地翱翔於天際之餘,又可以拍低所處嘅美景,的確係一件賞心悅目嘅事。Phantom 3 Standard 比 Advanced 或 Professional 版本缺少嘅主要係 4K 拍攝、Lightbridge 系統、雙定位模組、超聲波視覺定位等入門玩家不必要嘅功能,五千幾六千蚊真係超值。希望 Point Of Interest 等新功能快啲推出,有興趣嘅人就多一個入手的理由。
試玩影片
相關文章:
DJI 無人機幫珠穆朗瑪峰清垃圾 運送物資節省人力更安全高效
服務員變身白兵!ANA 星戰 R2-D2 客機將於 10 月啟航
《星球大戰》的人氣多年來都歷久不衰,而與之有關的產品及服務亦通常深受星戰迷歡迎,現在就連 ANA 全日空也要與之合作。因為 ANA 今日就宣佈將會展開「ANA STAR WARS」計劃,而首部以 R2-D2 作為主題的客機將會於 10 月正式起航,相信必定能吸引到一眾星戰迷注意。 (繼續閱讀…)
可變形及原地自轉!大河原邦男設計 Ex Machina 電動車明年實體化起行
為了激發新潟縣的地方產業活動,早於今年初當地就邀請了著名《Gundam》機械設計師大河原邦男,並設計出一款外型相當獨特的 Ex Machina 電動車。而該款電動車的開發進度似乎十分理想,因為 Ex Machina 目前已經登陸日本集資網站 Nextwaves,距離完全實體化又邁進了一大步。 (繼續閱讀…)
一文盡看!香港 8 大院校 + 全學院通用買 Notebook 優惠 2015
繼 Apple 早前的 Back to School 優惠之後,各大專院校也準備好他們為校內師生/畢業生提供的 Notebook 優惠。以下就一次過整合各大專院校,為大家提供資料及網上購買連結:
相關文章:
學生買 Mac 送 AirPods 4 主動降噪功能型號 優惠即日起至 9 月 30 日 用假學生證買 Apple 教育優惠產品 警方拘捕 9 人
香港電腦通訊節 2015 買航拍機有優惠,指定型號回贈過萬禮品
香港電腦通訊節 2015 將於今個星期五至下星期一於會展舉行,除了一眾電腦產品之外,今年 Feva Works 亦為大家帶來了航拍產品,將會展出多部最新航拍機,以及提供優惠價現貨發售:
相關文章:
FevaWorks 兩大免費 Excel 工作坊 掌握數據處理技能提升競爭力 FevaWorks 兩大免費遊戲開發工作坊 掌握開發技能建立自家遊戲 DJI 無人機幫珠穆朗瑪峰清垃圾 運送物資節省人力更安全高效
3D 自拍事業更有成?Lenovo 全球首款雙前置鏡頭手機 Vibe S1
踏入 2015 年後,Lenovo 在智能手機市場上並未有太大動作,當中只有 Vibe Shot 及樂檬 A7000 算是較為人所注意。不過今年稍後時間 Lenovo 或可能會帶來驚喜,因為據知旗下最新款的 Vibe S1,就有傳會是全球首款配備雙前置鏡頭的手機,令用家可以自拍出 3D 相片。 (繼續閱讀…)
相關文章:
【評測】Lenovo Yoga Slim 7x 詳細評測 型格外觀 + 輕薄易攜 + 長氣電量 聯想 Legion Y700 (2024) 現身 旗艦級配置遊戲平板 Lenovo Yoga Slim 7x Copilot+PC 抵港 一鍵召喚 Copilot + 最高 22 小時續航
好打耳啊!《玩轉腦朋友》主題 USB 手指外殼竟用 100% 純綿製成
現時市面上購買到的 USB 手指,基本上絕大部份的外殼都是由塑膠或矽膠製成,而高級一點的或可能會採用金屬外殼。不過最近登場的《玩轉腦朋友》主題 USB 手指卻有別於傳統,皆因其外殼竟然會由 100% 純綿製成,看起來相當獨特。 (繼續閱讀…)
籮文:「味道好過 Star 乜 」最新沖咖啡機械人 Cafe X 試飲
不知道大家還記不記得「伙頭智多星」有一集機械人炒蛋被廚師反? 唔知今日介紹呢部沖咖啡機械人 Cafe X 對職業咖啡師來說有甚麼感受呢? 等我籮文扮下「陳豪」幫大家試下係咪 prefect「池」啦! 最重要係唔使錢呀!
1 分鐘即沖好 打爛人類飯碗
Cafe X 由兩位 90 後香港年輕人 Henry Hu 同 Jack Sun 研發,佢地係美國麻省 Babson College 嘅同學,兩個都好鍾意飲咖啡,讀書嗰時喺學校間 Cafe 買咖啡次次都要排晒大隊先買到,買返黎又唔好飲,而 Henry 本身對科技產品好有興趣(Henry 更表示係我哋讀者添!),所以佢兩個就忽發其想去研發 Cafe X,決意讓人類唔使再為杯咖啡等咁耐,籍此提高人類嘅生產力。當我問到 Jack 怕唔怕俾人話 Cafe X 代替咗咖啡師嘅位置,打爛人哋飯碗搞到人哋冇工開,佢就話希望用依個科技代替一啲繁複嘅工序,讓人類可以處於一個更有價值嘅位置。
▲當我籮文嘆緊啡時,Cafe X 聯合創辦人 Jack Sun 出黎傾兩咀,原來佢都係 unwire 的讀者黎!
預早 App 落 Order 幫你保暖,到時即取
只要喺 Android 或 iOS 裝置上 Download 咗 Cafe X 嗰 APP,選定你領取咖啡嘅 Cafe X 位置(暫時只有科學園一間),按 New Order。跟住選擇你想要嘅咖啡,例如 Latte,之後可以加入個人化嘅特別要求,例如轉用脫脂奶、加蜜糖等。然後就係選擇你嘅領取時間,比如你可以喺搭車返工途中就落 Order ,10 分鐘後差唔多到達公司樓下 Cafe X 先開始製作你杯咖啡。Order 嘅最後一步就係選擇你嘅付款嘅信用卡,付款成功後 Cafe X App 就會產生一個 PIN 碼。去到 Cafe X ,只要喺 delivery bay 輸入 PIN 碼就可以領取你杯咖啡啦!咁樣一黎到就飲得,又唔怕攤到杯咖啡涷晒!
▲選定你領取咖啡嘅 Cafe X 位置,按 New Order。按 Order History 更可查閱之前買咖啡的紀錄。
▲選擇你嘅領取時間
▲只要喺 delivery bay 輸入 PIN 碼就可以領取你杯咖啡啦!
▲一黎到就飲得,又唔怕攤到杯咖啡涷晒
後記:味道好過 Star 乜 (陳豪 mode)
籮文我飲過,味道可能同出面嘅 Cafe 相差唔遠,不過望住佢嘅機械運作去製作一杯咖啡,係一件好 Amazing 嘅事。機械臂代替人手沖咖啡,的確係快啲,亦可以節省人工嘅開支,不過始終有啲野係 Cafe X 代替唔到人手,就好似 Latte Art 咁,如果 Cafe X 加埋 Latte Art 嘅功能,杯咖啡應該更有生氣,更富感情。其實籮文對咖啡無太大興趣,反而鍾意飲酒多啲,所以我就問 Jack,會唔會諗下造一部 Bar X 或者 Pub X,唔係沖咖啡,而係調酒架呢?估唔到 Jack 話的確 Cafe X 團隊係打算將同樣技術發展到唔同地方,Pub X 真係有機會出現!最後,提提大家,位於科學園嘅 Cafe X Beta Test 試業期間係免費架!快啲去試下啦!