第 2781 頁 – 香港 unwire.hk 玩生活．樂科技

G-SHOCK 超多款點選好 ? Katie 走訪時代廣場 G-FACTORY 求答案

G-SHOCK 已經成為很多人嘅愛錶，但種類繁多，有啲錶走潮款路線，有啲走專業求生多功能，就算各 Wire 民都未必熟得晒。今日 Unwire 就帶大家走訪位於時代廣場9樓嘅 G-FACTORY，仲會帶埋靚女Katie一齊去揀 G-SHOCK 手錶做聖誕禮物送畀男朋友。

旗艦店夠新夠齊唔怕花多眼亂

就算以 G-SHOCK 咁受歡迎，周街都有得賣，點解仲要去專門店 G-FACTORY 買呢？嗱，你買 iPhone 都會走返去 Apple Store 買啦，係咪？小編作為 G-SHOCK Fans，都一定揀去旗艦店睇，因為旗艦店一定最多最齊款，而且仲會分好晒類，你想睇邊一款，去返相應嘅專櫃就齊晒，最方便一定係咁！

分類按照不同用家而設設有 5 大專櫃

喺時代廣場 G-FACTORY 裡面，佢已經將不同嘅手錶按不同用家嘅類別分類，分別有最為用家熟悉嘅 G-SHOCK 、追求簡約及實用外表嘅EDIFICE、高貴與時尚兼備嘅 SHEEN、專為年輕女性而設的 BABY-G 專櫃以及專門為戶外活動而設嘅 PROTERK 全部按唔同嘅用家需要分類，可謂照顧周到。

unwire30 — G-FACTORY設有 5 大專櫃，方便唔同嘅用家需要，大家揀手錶時又可以更舒服，唔使搵到頭暈眼花喇！

可叫店員幫你揀

因為 Casio 實在有太多唔同嘅款式，小編的靚女性朋友 Katie都煩惱送邊款錶俾男朋友好，店員都會非常貼心地問下 Katie 想送啲咩款嘅錶好，店員就話一款外型強悍同功能齊備嘅手錶就比較適合，例如今年 Casio 2015 年最新嘅 Master of G 系列手錶，分為海、陸、空三種以唔同主軸嘅極限型手錶，每隻都獨當一面架！(咁似國產 007 對白?)

unwire01 — 當我哋一進入 G-FACTORY ，我哋馬上就去咗 G-SHOCK 嘅專櫃，睇下今季有啲咩新款。

unwire05 — 店員亦都好親切咁即時為我哋介紹返今年最新嘅 G-SHOCK Master of G 系列手錶，離遠睇都已經覺得吸引！

unwire06 — 店員講返， MASTER OF G 系列主打三款，分別為空之王者(GPW-1000)，陸之霸者(GWG-1000)，海之強者(GWN-1000)，針對唔同環境使用需要而設，例如最中間嗰隻陸之霸者 (Mud Master) 咁，佢有防震，仲可以防止塵埃或泥土進入手錶！媽呀，好型呀！

去 G-FACTORY 做訪問，當然都係想知道最新款嘅潮流配搭啦！而店員就話俾我地知，今年興黑色襯金色，貪佢 tough 得嚟又夠 cool，唔使成隻都金色咁「土豪」！就好似呢隻 Master of G系列嘅海之強者 (Gulf Master) 咁，佢係今年嘅「黑 x 金」別注版，比原版更加型格！

Black_and_Gold_MASTER_1 — 全新Master of G系列「黑 x 金」別注版, 比原版更型格。

unwire08 — Katie 手中戴緊個隻係 Master of G 系列其中之一嘅 Gulf Master，別注版以金色錶圈最為搶鏡，但其實錶圈上 +10與-10數值係用嚟表示出氣壓差，當氣壓有巨大上升或下降時，位於10點鐘方向的轉盤內的指針會搭配鬧鈴提示。所以唔只睇得，仲好有用。

unwire27 — 不過 Katie 話，佢都係鍾情呢隻空之王者 (Gravity Master) 咁話，啱晒佢個空少男朋友。因為空之王者配備咗一塊同 Sony 合作生產嘅低耗電 GPS LSI 晶片喺入面，而呢塊晶片可以接收訊號自動判別不同時區及夏令時間制，從而調整至當地準確嘅日子同時間。小編心諗，點解而家啲手錶咁勁嘅？

除咗運動戶外型仲有玩高貴加時尚嘅組合

睇完男士款，女仔當然唔執輸，如果想要高貴感覺嘅女士，其實亦可以去其他專櫃睇吓。 SHEEN專櫃就主打表現女性優雅同配搭時尚外型嘅款色，「既睇得又打得」就可以形容到呢個專櫃嘅手錶。

unwire16 — 呢個系列嘅錶同 G-SHOCK 係完全唔同風格，睇落同其他名貴嘅錶都無乜分別。Katie 都即時戴上手試一試，高貴得嚟又不落俗套！

男女不偏心 Baby G 照顧男士需要

unwire09 — BABY-G 專櫃齊集所有唔同款式嘅手錶，款款嘅顏色配搭都非常鮮艷，連 Katie 都睇到目不暇給。

小編並唔係打錯標題，而係指男士都可以送返隻專為女生而設嘅 BABY-G。自 2014 年 BABY-G為咗慶祝系列設立 20 周年特意搵嚟韓國頂級女團少女時代做代言人，亦都吸引咗唔少「哈韓」女生愛上 BABY-G 系列手錶。男仔們，如果諗唔到聖誕送乜好，咁咪送隻手錶俾女朋友，等佢日日「掛住你」囉。

unwire10 — BABY-G 啲款都幾青春架，Katie 手上試戴呢隻白色底又配襯住啲花紋，簡單得嚟又唔會悶！

unwire12 — Katie 話咁快又即刻試另一款 copper 色嘅 BABY-G ，話要同 SHEEN 系列嘅一款手錶比較下邊款好睇啲咁話喎。睇嚟有人都心郁郁咁喎！

乜嘢價位都有預算夠彈性

就算係學生哥一個，行到入嚟 G-FACTORY其實都好多嘢揀，G-SHOCK 本身都已經有好多唔同嘅款式去迎合不同人士嘅口味，由幾百蚊去到上萬蚊都有，無論你係乜嘢 Budget 都好，點都會揀到一款送俾朋友 / 自己。梗係啦，做嘢咁辛苦都可以獎勵吓自己啩？

unwire21 — 睇嚟 Katie 都收獲豐富喎！怕且我都要再嚟一次喇嗚嗚，小編今次嚟做嘢訪問o架咋…

G-FACTORY 地址: 銅鑼灣時代廣場9樓913號舖 (電話: 3421 2588)

代理查詢: 多利文有限公司 (電話: 2369 8318)

兩折割喉價！Good Century 家電、電腦周邊聖誕開倉

聖誕節大減價！冠恒集團 (Good Century) 於聖誕前舉辦年度大優惠，挑選了多款熱門電腦週邊、家電、玩具及 Hello Kitty 精品，以超優惠價發售，部份產品更低至二折。精選貨品款式眾多，可親身到現場睇睇。

優惠產品包括：

紅米手機 2

~~原價：HK$799~~
開倉價：HK$499 (六三折) (限量4部)

紅米手機 1S

~~原價：HK$999~~
開倉價：HK$399 (四折) (限量 3 部)

Audio-Technica AT ATH-WM55 耳機

~~原價：HK$450~~
開倉價：HK$90 (二折)(限量 4 部)

註：開倉發售之 AT 產品低至二折起，並多達 25 款不同型號，不能盡錄，每款耳機均以限量發售，售完即止。

Case Logic WMBP-115 背包適用於15.6” Notebook

~~原價：HK$288~~
開倉價：HK$180 (三七折) (五種款式選擇)

Terra Master NAS

~~原價：HK$880~~
開倉價：HK$352 (四折)

Tucano 11″/13″/15″ MacBook Case

~~HK$168 – $218~~
開倉價：HK$40 – $50 (低至二三折)

SanDisk USB 3.0 手指

~~原價：HK$110 – $330 (16GB/ 32GB/64GB)~~
開倉價：HK$55 – $155 (低至四六折)

Logitech K760 無線太陽能鍵盤

~~原價：HK$499~~
開倉價：HK$299 (六折)

Logitech K480 多功能藍牙鍵盤

~~原價：HK$499~~
開倉價：HK$299 (六折)

Mio Cyclo™ 105HC GPS無線單車碼錶

~~原價：HK$1680~~
開倉價：HK$499 (三折)

HYUNDAI 4GB MP3 數碼錄音筆 (HYV-E10 / HYV-B10 / HYV-E50 / HYV-E60)

~~原價：HK$299~~
開倉價一律 HK$40

HYUNDAI X700 Tablet

~~原價：HK$899~~
開倉價：HK$250 (二八折) (限量 8 件)

HYUNDAI HYST-404QC ANDROID 數碼高清機頂盒

~~原價：HK$999~~
開倉價：HK$490 (四九折) (限量 22 件)

HYUNDAI Q5 平板手機

~~原價：HK$999~~
開倉價：HK$250 (二五折) (限量 19 件)

HYUNDAI DF-HT5502P METAL HEATER (BLACK)暖風機

~~原價：HK$558~~
開倉價：HK$199 (三六折)

HYUNDAI HY-RC50 1.8L 多功能電飯煲

~~原價：HK$599~~
開倉價：HK$280 (四七折)

大量玩具精品

Hello Kitty 匙扣、筆、襪、袋、貼紙等由 HK$10 起 (部份為日本限定版)
Kobitos 毛巾、筆、匙扣、玩具等由 HK$10 起

HomeStar R2-D2 EX

~~原價：HK$2380~~
開倉價：HK$999 (四二折) (限量五件)

Hasbro Furby Boom

~~原價：HK$699~~
開倉價：HK$199(二九折)

冠恒年度開倉詳情：
日期：2015年12月16日（星期三）至 12月19日（星期六）
時間：上午12時至下午 7 時
地點：九龍荔枝角道青山道489-491號香港工業中心 C 座 1 樓 14B 室

以上貨品均為包裝盒有損個別產品數量有限，售完即止

冠恒集團保留最終決定權

只收現金

查詢：3619 6500 (冠恆)

2015 年，香港人最關心係乜 ? unwire 血淚事件薄

一年一度的 Google 搜尋排行榜香港區正式公佈，今年繼續有詳盡分類，覆蓋各個熱門、時事、娛樂、消費等層面。我們 unwire 當然亦很著重這個排行榜，因為這某程度上也是我們取材是否成功的「成績表」。以下就同大家公佈 + 分享一些過往報導：

(閱讀全文…)

1080P 高清大光圈雙鏡頭車Cam Mio MiVue™ 688D 及618D

相信有車嘅 Wire 民，一般都會買返個「車 Cam」(行車紀錄儀)，用嚟保障自己。但多數就買前 Cam ，無買後 Cam。近日著名 GPS 系統 Mio 就推出咗一款新嘅前後車 Cam，係旗艦級數嘅 MiVue™ 688D 以及另一款 618D 行車紀錄儀，前後都有保障。睇睇有咩咁勁先！

微小但影像質素高大光圈強化夜間拍攝效果

作為Mio最頂級嘅兩款雙鏡行車紀錄器，Mio MiVue™ 688D與 618D 均支援1080P及30fps 前後錄影，而688D的前鏡頭更內置 SONY 研發的感光元件，更配備F1.8大光圈鏡頭，強化夜間拍攝效果，色彩更飽滿豔麗，降低雜訊。618D 則採用 1/2.7 吋感光元件，增加成像面積，令畫質保持清晰。

而兩款型號嘅後鏡頭體積只有 3.2 x 4.46 x 4.2 cm，與前鏡一樣支援 1080P 及 30fps 拍攝，在尺寸的骰嘅後鏡頭內，已提供F2.0大光圈拍攝，而且容易安裝，後方發生的事件都可以清晰地錄影下來。

overview_MiVue_A20_tw — 後鏡只有一枚硬幣大小，安裝非常方便。

獨家專利技術提供全面保障

兩款 Mio 雙鏡行車紀錄器均內建GPS 功能，除可記錄行車路徑之外，更獨家內建專利的「動態預警GPS 固定式測速照相提示」功能，只要下載香港測速照相提示檔案。於駕駛時 MiVue™ 688D 以及 618D 更主動根據駕駛時的行車時速，搭配內建的GPS 晶片，推算煞車所需距離，提前發出固定式測速照相提醒警報，等各用家及早預知影相位，減少在行駛期間緊急煞車或煞車不及的情形發生，香港測速照相提示檔案會依香港運輸署的官方資料，定期作出更新及供用戶下載。

MiVue618_Overview_SmartAlert_tw — Mio 的車 Cam 韌體能夠提早提示「影相位」，預留足夠距離減速。

超大容量儲存不怕洗走紀錄

在關掉或靜止引擎後，MiVue™ 688D 以及 618D 都會因應鏡頭前移動嘅影像及車身震動而自動啟動錄影模式，同時可開啟停車中錄影警示燈。兩款行車紀錄器最高可支援 128GB Micro-SD 記憶卡，讓用戶能夠儲存大量影片，將行車及靜止時車前後方任何突發事件記錄。而雙記憶卡插槽可於需要時，立刻備份檔案到第二張記憶卡，讓檔案保存更安全，此功能在香港交通繁忙的道路上，在出現意外時極其重要。

高階 G-Sensor 防撞感應器以免震動流失資料

MiVue™ 688D 以及 618D 配備 Mio 高階 G-Sensor 碰撞感應器，當意外事件發生時，可透過 G-sensor 碰撞感應器嘅偵測，立即儲存事件記錄，當發生意外時可以立刻保護意外時的片段作日後證據材料，唔使怕有意外但 Camera 無儲存到事件紀錄。

TPMS 無線胎壓偵測隨時得知胎壓狀況

用戶亦可自行選購對應的專用胎壓套件，進行TPMS無線胎壓偵測，在四條胎中扭上感應器，便可顯示每條車胎嘅胎壓及胎溫，安坐車中便可隨時掌握胎氣狀態，若有異常便會發出警示，提醒何時需要打胎氣。要知道尤其係搵食車，胎壓係好重要架！

overview_T25KIT_TPMS_monitor_tw — 裝上胎壓感應器後，司機可安坐車內監測胎壓情況，得知幾時先要打胎氣。

實測片段：

Mio MiVue™ 688D 夜晚實拍 (請使用1080P效果觀看)﹕

Mio MiVue™ 618 D夜晚實拍 (請使用1080P效果觀看)﹕

MiVue™ A20後鏡頭夜間效果：

售價：港幣＄2,880 (MiVue™ 688D) / 港幣＄2,480 (Mio MiVue™ 618 D)

查詢： 3619 6500 (冠恒)

【有片睇】跟足官方規格設計！台灣網民用瓦通紙自製特大四驅車軌道

相信不少 70、80 後都應該玩過四驅車這種玩意，雖然購買一部四驅車及零件無需花太多錢，但想買一條四驅車軌道卻不是一件易事。而最近有台灣網民為了送外甥一份禮物，於是便決定自製一條四驅車軌道，不過當中所採用的並非是塑膠物料，反而是用上廉價的瓦通紙製成！ (閱讀全文…)

10,000 mAh 電量可當尿袋用！Oukitel K10000 中國產手機已現接受預訂

隨著智能手機的性能變得越來越強勁，當時在耗電量方面亦有急速增長，所以不少廠商都密謀推出更高電量的手機。比如今年中 Oukitel 就曾經宣佈過研發一部配備 10,000 mAh 電池的手機，而且該款名為 K10000 的手機最近亦終於完成，並已開始接受全球預訂。 (閱讀全文…)

【unwire TV】15年港人最多search乜？ google map喺iPhone離線用得﹗

16/12 今日新聞精選

2015 年香港人最關心係乜 – unwire 血淚事件薄
http://unwire.hk/2015/12/16/123-4/top-news/

冇網絡照樣可搵路！iOS 版 Google Map 正式加入「離線導航」功能
http://unwire.hk/2015/12/15/google-maps-ios-update-brings-offline-navigation/software/

跟足官方規格設計！台灣網民用瓦通紙自製特大四驅車軌道
http://unwire.hk/2015/12/16/mini-4wd-diy-track/fun-te

真人實驗 : 一個月唔 engage Facebook 後感

是咁的，上個月嘅今日，即係 11 月 16 號，我同個 friend 講，我想試下唔用Facebook一個月（我嘅唔用指唔 engage，即唔 like 唔 share 唔 comment 唔出 post，雖則我係區選之後出過 post，叫做破咗一日戒)，而自己為重度Facebook用戶，邊有可能真係唔睇？但對我嚟講，都想睇下自己唔用 Facebook 一個月有咩變化 / 感受。

(閱讀全文…)

超慳位！鍵盤內已包 Windows 10 電腦

相信大家都應該曾經聽過鍵盤 PC 這種產品，雖然將鍵盤及 PC 二合為一的確幾慳位，但由於體積有限，所以這類產品除性能普遍不高外，同時亦經常面對難散熱等問題，以致未能普及起來。不過這些問題並未有打消廠商開發的決心，因為日本 Tekwind 最近就宣佈將會推出一款全新鍵盤 PC，除採用 Windows 10 系統外，價格亦不算昂貴。 (閱讀全文…)

Infiniti 與 Start-up 企業合作 – 4 大創新科技產品

對汽車有認識嘅讀者應該對 Infiniti （英菲尼迪）唔陌生，但原來 Infiniti 除咗生產汽車之外，仲致力幫助 Start-Up 發展。講緊嘅係由 Infiniti 及創新投資培育機構 Nest 主辦，為期12週的 Infiniti Accelerator，他們於昨日舉行投資者展示日，向投資者及傳媒闡述了各自的意念及計劃，想知更多請閱讀以下文章。

Infiniti Accelerator 是什麼？

▲Start Up 人士與 Nest 首席執行官 Simon Squibb 及英菲尼迪汽車公司亞洲和大洋洲區常務董事 Dane Fisher

Infiniti Accelerator 是英菲尼迪創始人計劃 (Founder Series) 的重要組成部分，為期12週的 Infiniti Accelerator 為初創企業提供訓練和支援，特別在基本的企業家知識及有關市場營銷、資金籌募和企業管理等各範疇提供諮詢及專業意見。在圍繞智慧城市和物聯網（IOT）為主題的計劃中，合共有八間初創企業，創新概念涵蓋了改善碳排放、能源效益、樓宇效能及娛樂等方面的應用。以下將會集中介始幾間初創企業：

100% 全迷你可摺電動單車 eBIKE

PRECISION SERVICES LTD (美國、香港、中國)

近年全球都熱烈討論城市交通運輸和環保的未來發展。市民每天都在相同時間往返工作地點，公共交通系統和道路所受的壓力住在香港的你一定明白。有見及此，PRECISION SERVICES LTD 與英菲尼迪緊密合作，研發了一部 100% 全電動單車 eBIKE，外型吸引且能輕易摺疊收納，方便經常來回不同地方的都市人。

▲eBIKE 充電中

▲外型有復古感覺，非常吸引

▲儀表板上可見到速度和電量等數值

▲創辦人 Alan Cymberknoh 坐在 eBIKE 上為大家進行介紹

賽車數據分析

18000RPM (香港)

18000rpm為賽車運動愛好者研發應用程式 iLapTimer2，幫助駕駛者分析和分享賽車數據，並具備遊戲功能，讓駕駛者可與朋友或其他車手互相比較駕駛表現。

▲18000rpm 為嘉賓介紹 iLapTimer2 應用程式

▲用家只要在車上的手機或平板開啓程式並開啓 GPS

▲揀選賽道

▲開車跑一圈後，用家就可以查看數據，如最佳圈速，最高速度等

家居 VR 3D 鏡頭

PEER (美國)

虛擬實境(VR)產品愈來愈多，愈來愈輕易購買。數據顯示，2016年，將會有數以百萬計的消費者擁有 VR 可視裝置。Peer就是以消費者為對象的一部家居 3D 攝影機，主打平民化。

▲Peer 的創辦人講解

▲Peer 的外型趣緻，有點兒似 Wall E 同佢個 Friend 伊芙嘅混合體。

▲只要將 PEER 放到家中，用家就可以遙距用手機或 VR 裝置環顧屋企的環境

有機天然空氣清新機

GREEN CITY SOLUTIONS（德國、香港）

這家 Start up 運用生物科技與物聯網的技術來減低空氣污染問題。公司開發的產品名為「CityTree」，是內置天然苔蘚的直立式裝置，有效吸收都市的空氣污染物。每部裝置的過濾能力等於 275 棵樹，所需空間卻少於種樹的 1%，亦無需挖掘。CityTree的有效過濾範圍達50米，配合物聯網技術、太陽能和儲水庫，裝置每年只需數小時的保養維修。現時在歐洲已有多個成功項目，並通過 Infiniti Accelerator 與亞洲各地的政府、主要地產商和跨國企業商談合作。

▲唔好睇佢細細部，每部裝置的過濾能力等於 275 棵樹

▲現時在歐洲已有多個成功項目

展示日還有其他 Start up 如研發泊車 App 的 TingPark、研發的新一代發電機的 Revamp Technologies、提高樓宇管理質素的 BlockDox 和將傳統電子產品轉化為智能省電裝置的 POWWOW，如果想知更多有關詳情可以參閱 Infiniti Accelerator 的官方網站。