《Hala! Madrid》！如果你係西甲勁旅皇家馬德里的 fans，肯定知道佢係咩。今次為大家介紹嘅 Windows 平板， HP 大品牌賣 2 千蚊有 Dual OS 玩都幾唔錯! 而家就等 Edward 同大家介紹下。
波音註冊專利 無人機變潛水艇
能夠在天上飛，然後一下子衝入海內，最後變成潛水艇。這個簡直和電影橋段一樣的設計，早前竟然被波音公司申請了專利註冊。今年年初，美國專利商標局向波音發出了一項快速部署的空中和水中交通工具專利，設計圖和特攝片的不相伯仲。
XDA 高手激改 Samsung Gear S 變 Android Wear
近期推出的 Samsung 智能手錶都採用 Tizan 平台，包括擁有弧形錶面設計的 Gear S。如果你已經玩厭了 Tizan 平台，或者對更通用的 Android Wear 平台感興趣，恭喜你！因為 XDA 討論區的高手已經著手將 Android Wear 灌入 Gear S 內。
圓形錶面 Fossil 首款 Android Wear 現身
推出不少時款手錶的 Fossil 早在 2014 年就宣佈會夥拍 Intel 和 Google 推出智能手錶，不過一直只聞樓梯響，直至日前在三藩市舉行的 Intel Developer Forum 2015，Fossil 就初次展示了他們的合作成果。
搶先睇 Android Marshmallow 開機動畫
Google 日前終於宣佈新一代 Android 6.0 系統的命名，Android M 的正式名字為 Marshmallow 棉花糖。除了一系列新功能外，Google 亦為這粒棉花糖設計了一個全新的起動畫面，新的畫面將會取代沿用多年的動畫。
港女科技一週：美圖修瘦秀？
當我還是大學生的時候，曾經在整容大國交流過一段時間，個時 Smartphone 只係剛剛開始流行，App 都唔多個，更不要說是美圖獸獸了。有日落堂有個同學仔同我講，話佢地好興一大班朋友去影樓影相，問我有冇興趣一齊去留倩影，呢啲文化體驗活動我又點會錯過呢，於是我就跟埋一齊去玩喇。其實個度同而家個啲自拍館差唔多，你可以著騎呢衫，拎住道具 s 影，但戲肉其實係最後的後製階段：有個姐姐 / oppa 坐係個電腦前面等待你的指示，執！相！
我開頭唔知以為只係較下光暗、顏色個啲，但當我聽到猖狂的朋友的指示…
「我對腳要長啲丫～」「我塊面要尖啲！」「我要隻眼大啲。」「幫我加厚啲蔭丫。」
我個時實在太年輕了，竟然心諗，原本打左燈已經靚左好多架喇啵，咁樣執法你地個樣咪唔同晒… 最後張相… 55，不要再說了，我已經分唔清邊個打邊個。
點解我會摷返咁耐之前的事出黎講呢，因為最近我睇左幾個同 Photoshop 有關的文章及短片：
同一個女人被 18 國家 Photoshop、將安祖蓮娜祖莉變成韓國人
我做過的工作雖然同設計、美術、畫圖大纜都扯唔埋，但其實暗啞底都要你識用 Photoshop 甚至 Illustrator 及 InDesign 的，好在當年有係咁易學過下，叫做識少少（少到一個點… XD），唔係真係工都唔使返。
真心，我 天生麗質 好少用美圖獸獸或 Photoshop 執相，主要係因為我好少放自己個大頭出黎俾人睇，哈哈。加上我影相鍾意影到個人好細粒，或者影背脊，所以完全唔使嘥時間 PS 自己個樣，只需要調一調光暗、色溫、對比，就得。
對於「美」，大家的定義實在差太遠，就好像那 18 個國家的 Designers，大家都按照自己的理想將好地地一個女仔改頭換面，先不說中國個幅有蛇精 Feel，意大利個幅直情成對手換左！如果俾我係個個受託的 Designer，我就咩都唔會改，唔係我唔識（係，我認我其實係唔識 :P），而係我覺得如果可以自自然然做自己，才是最好最美的，但呢個世界已經阻止唔到大家自己 PS 自己或者 PS 人地了…
一個人如果連自己都接受唔到，成日諗住要大啲對眼，高啲個鼻，長啲對腳… 其他人又點會接受你呢？有人說「你的樣子如何，你的日子也必如何」，但你的樣子決定到的只是一時，拉勻一生黎計，重要的人一定不只用樣子來 judge 你。
唐言無忌：Uber 和古樹
年輕時在中西區返學，由小學到中學都在般咸道出沒，對四棵百年古樹雖然未算有深厚感情，但也肯定為我遮過蔭，留下深刻印象。想不到四棵古樹躲得過二戰戰火洗禮，經歷過無數風吹雨打，最後還是敵不過路政署斬樹。
唔洗等到 2046！iPhone 終於用到網站版 WhatsApp Web
WhatsApp 之前推出網站版，幾乎個個 OS 都用到，唯獨 iPhone 就用唔到。外國就有 iPhone 用家獲得消息，指 WhatsApp iPhone 版將會推出更新，終於可以用得到網站版 WhatsApp，各位 iPhone 用家就唔洗再拿住部手機先至覆到 message 啦。
恩想 : 我想獻計 ! TVB 廣告減 港電視業務少賺 46%
TSUM TSUM 香港場測開始！依莉詩落「機舖」測試
Disney Tsum Tsum 街機出咗成年，但 Fans 們要玩就唯有去日本。等咗咁耐，終於有好消息啦！因為香港場測就喺 8月 18號開始咗，不過大家要玩就快啦，去到 23號架咋！今日我依莉詩就到咗進行嘅場測 Virtual Zone 親身試玩。
識行識跑唔會跌低！Boston Dynamics 成功研發兩足人型機械人 Atlas
雖然現時的機械人技術已發展得越來越成熟，但其實現時很多機械人大多都不似人型，比如可能需要四足或要滑輪輔助才能移動。不過最近由美國廠商 Boston Dynamics 所研發的改良型 Atlas 機械人，就真真正正採用人型設計，除可用雙腳移動外，更竟然可以跑步。 (閱讀全文…)
籮文：「航拍其實唔難」 新手試玩 DJI Phantom 3 Standard
見到人哋玩拍北極又拍火山口，其實真係心癢咗好耐不過價錢貴又好似好難控制咁，萬一買返黎玩兩下就撞爛左，咁就 GG 了！不過 DJI 最近就推出咗 Phantom 3 的 Standard 版本，價錢更大眾化、操作亦都更安全同簡單。今次我籮文就黎到科學園試玩呢部航拍機，而今次亦都係我第一次「放飛機」，睇下我有冇炒機啦！
第三代產品 航拍都 4K
航拍大廠 DJI 第三代嘅 Phantom 系列有三個版本，包括 Professional、Advanced、同埋 Standard。當中 Professional 及 Advanced 加入視覺定位系統及超聲波感應器，能夠感知地面紋理及相對高度，就算 GPS 出錯仍可以精確地定位懸停和平穩飛行。而 Phantom 3 Professional 更有 4K 相機鏡頭以及非球面鏡的鏡組，能夠消除鏡頭畸變還原真實景像。而今次我航拍新手籮文幫大家試嘅就係最入門級嘅版本 Phantom 3 Standard 。
▲Phantom 3 Standard、遙控 及 DJI 傳訊總監 Michael Perry 部 iPhone
簡單 Setup 唔使1分鐘
DJI 傳訊總監 Michael Perry 為我哋示範基本操作同各項功能之後就交咗俾我控制，我只要喺我部手機度 Download 咗 DJI GO app，用 Wi-Fi 連接咗部 Phantom 3 Standard ，跟手喺手機度打開個 App ，夾埋部手機上 Phantom 3 Standard 嘅遙控上面，基本上就可以控制到部機，交接過程 1 分鐘搞掂。
▲DJI 傳訊總監 Michael Perry 為我哋示範基本操作同各項功能
「放手 放開所有～」 部機都唔會跌落黎
Michael 介紹基本操作嘅時候，講講下見住佢冇啦啦放低個遙控，作為新手嘅我當然係好緊張啦，我心諗，你放開晒啲掣部機未會跌落黎？原來係唔會嘅，Phantom 3 所有版本都有定位懸停嘅功能，你放晒手佢到只會喺同樣位置同高度懸停。介紹完畢，終於到我接手，揸住個大大嚿又重揼揼嘅遙控，令我立刻感覺到自己就係一個機長，負擔起一個使命感。
▲揸住個大大嚿又重揼揼嘅遙控，立刻感覺到自己負擔起一個使命感
實際操作 好快上手
第一件事，就梗係起飛啦，資料顯示，多數飛行事故都發生喺起飛同降落，不過唔使驚，原來，Phantom 3 有 Auto-Takeoff 同 Auto-Landing 功能，一㩒手機上嘅 Auto-Takeoff，我部 Phantom 3 Standard 就自動上升到一個人嘅高度，咁就可以避免到人手操作起飛會有失誤，掃到人哋隻腳或者整花人哋部車，飛到唔知去咗邊亦都可以㩒 Return-to-Home，部機就會自動返到你身邊，如果飛得太遠，離開咗遙控嘅接收範圍，Phantom 3 亦識得自己回航。起飛後，操作上最主要都係左搖桿、右搖桿同遙控左上方嘅一個轉輪。一邊望住部機、一邊望住手機上嘅實時畫面，左搖桿控制高度及旋轉，右搖桿控制前後及左右，而轉輪就控制鏡頭嘅垂直角度。除咗上下左右移動係用遙控操作，其他操作例如錄影、拍照，仲有高度距離等數據都係於手機上操作同監察。
▲Phantom 3 的基本操作
個人分享快速上手秘訣
不過有幾樣野新手要注意，操作嘅時候籮文發現左搖桿右搖桿靈敏都好高，推少少部機就已經郁得好快，所以一定要手指好穩定先可以操作得好。另外建議新手初時嘗試時，起飛前可以將航拍機擰到同自己面向嘅方向一樣，熟習前都唔好左右撥動支左搖桿去旋轉部機，咁樣你嘅左邊亦都係部機嘅左邊，如果你將航拍機面向你，操控就會相反，好易搞亂。
Phantom 3 Standard 無其他兩個版本使用嘅 Lightbridge Liveview 圖傳系統，反而係用 Wi-Fi 黎同時傳送操作指令同實時畫面，有效距離會比較短，所以操作嘅時候 Liveview 就有點兒窒，當放開操控讓航拍機懸停時，Liveview 又順暢得多喎，現場工作人員就表示可能同場有多部航拍機操作緊，有其它訊號干擾。總括來講，籮文用咗大概5分鐘就熟習到部機嘅基本操作，可以隨心所慾地拍攝現場嘅靚景，同埋 Selfie！
▲籮文用咗大概5分鐘就熟習到部機嘅基本操作
入門版本都夠晒玩 即時 Download 即時 Share
話就話係最低階版本，Phantom 3 Standard 雖然冇 Professional 版本嘅 4K，不過都支援 2.7K 影片拍攝，即係 2704 x1520 既解像度，而影相亦有 1,200萬像素，如果你係買黎拍下生活點滴，甚或至拍下短片微電影，Standard 版本其實都已經好夠用。只要操控時 DJI GO app 內嘅影相或者錄影掣，Phantom 3 就會將相片影片儲存到機內嘅 SD 卡，除咗抆張卡出黎抄之外，仲可以喺 DJI GO app 用 Wi-Fi 從 SD 卡 Download Full-Size嘅相片落手機，不過用依個方法 Download 影片就只有 720p。Download 到手機後可以喺 APP 內進行簡單嘅剪接，方便用家可以即時分享上 Facebook、Instagram，唔洗返屋企用電腦先過到。
▲ Selfie！拍照有1,200萬像素，線條銳利度都好好，暗位亦不失細節
▲可以見到陽光照射下光暗分明，天空同樹嘅顏色飽和度適中，可見 Phantom 3 Standard 嘅相機表現突出
▲放大後油畫化不算嚴重。
即將追加之新功能
Phantom 3 有幾項即將追加嘅新功能都好令人期待！包括 Point Of Interest，只要揀選自己嘅位置， Phantom 3 就會 360度圍住你黎拍，十足十 Matrix 咁。仲有 Waypoint，只要喺地圖 Set 定一條路線，Phantom 3 就會跟住黎飛。而 Follow Me 故名思義就係跟住你黎影，去到邊影到邊囉，最後 IOC 就係智能方向控制，估計係 Phantom 3 會學習你嘅操控模式，令操作變得更簡單。
總結：好易上手! 第一次玩都唔炒機
玩過 Phantom 3 Standard 之後，真係好想買一部，控制一部航拍機自由地翱翔於天際之餘，又可以拍低所處嘅美景，的確係一件賞心悅目嘅事。Phantom 3 Standard 比 Advanced 或 Professional 版本缺少嘅主要係 4K 拍攝、Lightbridge 系統、雙定位模組、超聲波視覺定位等入門玩家不必要嘅功能，五千幾六千蚊真係超值。希望 Point Of Interest 等新功能快啲推出，有興趣嘅人就多一個入手的理由。
試玩影片
服務員變身白兵！ANA 星戰 R2-D2 客機將於 10 月啟航
《星球大戰》的人氣多年來都歷久不衰，而與之有關的產品及服務亦通常深受星戰迷歡迎，現在就連 ANA 全日空也要與之合作。因為 ANA 今日就宣佈將會展開「ANA STAR WARS」計劃，而首部以 R2-D2 作為主題的客機將會於 10 月正式起航，相信必定能吸引到一眾星戰迷注意。 (閱讀全文…)
可變形及原地自轉！大河原邦男設計 Ex Machina 電動車明年實體化起行
為了激發新潟縣的地方產業活動，早於今年初當地就邀請了著名《Gundam》機械設計師大河原邦男，並設計出一款外型相當獨特的 Ex Machina 電動車。而該款電動車的開發進度似乎十分理想，因為 Ex Machina 目前已經登陸日本集資網站 Nextwaves，距離完全實體化又邁進了一大步。 (閱讀全文…)
一文盡看！香港 8 大院校 + 全學院通用買 Notebook 優惠 2015
繼 Apple 早前的 Back to School 優惠之後，各大專院校也準備好他們為校內師生/畢業生提供的 Notebook 優惠。以下就一次過整合各大專院校，為大家提供資料及網上購買連結：
香港電腦通訊節 2015 買航拍機有優惠，指定型號回贈過萬禮品
香港電腦通訊節 2015 將於今個星期五至下星期一於會展舉行，除了一眾電腦產品之外，今年 Feva Works 亦為大家帶來了航拍產品，將會展出多部最新航拍機，以及提供優惠價現貨發售：
3D 自拍事業更有成？Lenovo 全球首款雙前置鏡頭手機 Vibe S1
踏入 2015 年後，Lenovo 在智能手機市場上並未有太大動作，當中只有 Vibe Shot 及樂檬 A7000 算是較為人所注意。不過今年稍後時間 Lenovo 或可能會帶來驚喜，因為據知旗下最新款的 Vibe S1，就有傳會是全球首款配備雙前置鏡頭的手機，令用家可以自拍出 3D 相片。 (閱讀全文…)
好打耳啊！《玩轉腦朋友》主題 USB 手指外殼竟用 100% 純綿製成
現時市面上購買到的 USB 手指，基本上絕大部份的外殼都是由塑膠或矽膠製成，而高級一點的或可能會採用金屬外殼。不過最近登場的《玩轉腦朋友》主題 USB 手指卻有別於傳統，皆因其外殼竟然會由 100% 純綿製成，看起來相當獨特。 (閱讀全文…)
籮文：「味道好過 Star 乜 」最新沖咖啡機械人 Cafe X 試飲
不知道大家還記不記得「伙頭智多星」有一集機械人炒蛋被廚師反? 唔知今日介紹呢部沖咖啡機械人 Cafe X 對職業咖啡師來說有甚麼感受呢? 等我籮文扮下「陳豪」幫大家試下係咪 prefect「池」啦! 最重要係唔使錢呀!
1 分鐘即沖好 打爛人類飯碗
Cafe X 由兩位 90 後香港年輕人 Henry Hu 同 Jack Sun 研發，佢地係美國麻省 Babson College 嘅同學，兩個都好鍾意飲咖啡，讀書嗰時喺學校間 Cafe 買咖啡次次都要排晒大隊先買到，買返黎又唔好飲，而 Henry 本身對科技產品好有興趣（Henry 更表示係我哋讀者添！），所以佢兩個就忽發其想去研發 Cafe X，決意讓人類唔使再為杯咖啡等咁耐，籍此提高人類嘅生產力。當我問到 Jack 怕唔怕俾人話 Cafe X 代替咗咖啡師嘅位置，打爛人哋飯碗搞到人哋冇工開，佢就話希望用依個科技代替一啲繁複嘅工序，讓人類可以處於一個更有價值嘅位置。
▲當我籮文嘆緊啡時，Cafe X 聯合創辦人 Jack Sun 出黎傾兩咀，原來佢都係 unwire 的讀者黎!
預早 App 落 Order 幫你保暖，到時即取
只要喺 Android 或 iOS 裝置上 Download 咗 Cafe X 嗰 APP，選定你領取咖啡嘅 Cafe X 位置（暫時只有科學園一間），按 New Order。跟住選擇你想要嘅咖啡，例如 Latte，之後可以加入個人化嘅特別要求，例如轉用脫脂奶、加蜜糖等。然後就係選擇你嘅領取時間，比如你可以喺搭車返工途中就落 Order ，10 分鐘後差唔多到達公司樓下 Cafe X 先開始製作你杯咖啡。Order 嘅最後一步就係選擇你嘅付款嘅信用卡，付款成功後 Cafe X App 就會產生一個 PIN 碼。去到 Cafe X ，只要喺 delivery bay 輸入 PIN 碼就可以領取你杯咖啡啦！咁樣一黎到就飲得，又唔怕攤到杯咖啡涷晒！
▲選定你領取咖啡嘅 Cafe X 位置，按 New Order。按 Order History 更可查閱之前買咖啡的紀錄。
▲選擇咖啡
▲可以加入個人化嘅特別要求，例如轉用脫脂奶、加蜜糖等
▲選擇你嘅領取時間
▲只要喺 delivery bay 輸入 PIN 碼就可以領取你杯咖啡啦！
▲一黎到就飲得，又唔怕攤到杯咖啡涷晒
後記：味道好過 Star 乜 (陳豪 mode)
籮文我飲過，味道可能同出面嘅 Cafe 相差唔遠，不過望住佢嘅機械運作去製作一杯咖啡，係一件好 Amazing 嘅事。機械臂代替人手沖咖啡，的確係快啲，亦可以節省人工嘅開支，不過始終有啲野係 Cafe X 代替唔到人手，就好似 Latte Art 咁，如果 Cafe X 加埋 Latte Art 嘅功能，杯咖啡應該更有生氣，更富感情。其實籮文對咖啡無太大興趣，反而鍾意飲酒多啲，所以我就問 Jack，會唔會諗下造一部 Bar X 或者 Pub X，唔係沖咖啡，而係調酒架呢？估唔到 Jack 話的確 Cafe X 團隊係打算將同樣技術發展到唔同地方，Pub X 真係有機會出現！最後，提提大家，位於科學園嘅 Cafe X Beta Test 試業期間係免費架！快啲去試下啦！
Uber、Airbnb 來港即出事，「共享經濟」在香港如何運作才好 ? HKIRC 數碼市場研討會 2015
最近共享經濟成熱門話題，Uber、Airbnb 模式是否適合香港也受到熱議。早前（13/8）香港互聯網註冊公司（HKIRC）假數碼港舉行的 2015 數碼市場研討會，正是以「共享經濟：機遇與威脅」為題，吸引百多位來賓出席。
共享經濟經濟效益將達 3,350 億美元
近年共享經濟（Sharing Economy）受到市場重視，Uber 和 Airbnb 作為尚未上市的初創公司，市值卻已被估算超過 10 億美元規模而被稱為「獨角獸」公司，而兩者的市值分別達到 500 億和 255 億美元的水平。羅兵咸永道（PwC）更估計，至 2025 年共享經濟的全球經濟效益將達 3,350 億美元。
所謂「共享經濟」，即是一般消費者把自己的閒置資源重新拿出來，讓其他想使用的人以低廉價格租用，從而減少資源浪費並創造收入。理論上任何東西都能出租、共用、分享，由汽車、房子、傢俱、電器，以至資金、時間都可以，這種「無所不租」的全新消費模式為世界帶來全新的面貌。
首輪衝擊往往不是法例，而是傳統商業模式
不過先撇開法律這點不論，共享經濟令傳統商業模式受到衝擊，以 Uber 為例就在全球受到不少職業司機的抗議，而另一方面共享經濟也令人對「人與人間的信任」有了新看法，畢竟就算平台願意保障，要把自己的財物租出去也要承受損毁、失蹤等風險。
作為消費者當然歡迎共享經濟，但如果沒有資源提供者的配合卻完全無意義。因此，共享經濟能否在一個地方成功，確實需要很多配合。而 HKIRC 今屆研討會就正是希望探討香港市場是否已對共享經濟的來臨有所準備。
由電鑽看出共享經濟的需要
共享經濟是由互聯網發展所帶動的，香港互聯網註冊公司作為以域名登記為業的公司，希望能讓社會對互聯網商機有更多了解。HKIRC 行政總裁謝達安在研討會的揭幕致詞上表示，共享經濟已是全球營商模式的新趨勢，相比傳統的商業活動，共享經濟能減少浪費，節省寶貴的資源，這種消費模式的改變會為香港開創更好未來。
謝達安引述談共享經濟時經常被舉出 Rachel Botsman 提過的例子：「電鑽」。原來一半美國家庭都會擁有電鑽，但其實真正用得上的機會卻只有 6 至 13 分鐘，放在地下室的時間比在用的時間長得多，如果能租出給其他人使用，這些資源就不會被浪費。
不過謝達安也同意，如果人人都不買電鑽，無疑會為電鑽生產商帶來傷害，因此共享經濟往往不受傳統行業歡迎。但他認為兩者之間並非「有你無我」的關係，由於利基市場不同，Airbnb 未必就跟酒店業有直接競爭，因此共享經濟也能把原來的市場「造大」，創造新商機。
創新者與監管機構應先「坐低傾」
新上任的香港特區政府資訊科技總監（OGCIO）楊德斌也出席研討會致詞。楊德斌表示，看到出席研討會人數眾多，已理解到香港市民對共享經濟的關心。他指十年後共享經濟的 3,000 多億美元市場，市場機會巨大，《時代周刊》更提到共享經濟會是改變世界未來的十大想法之一。
共享經濟可包括大家生活中的「衣食住行」，因此他相信每一部分都可有創新的地方。由於互聯網和智能手機的出現，令共享經濟有一個很好的發展平台，因此在近年能有很大規模發展。不過正如研討會題目所指，楊德斌也提到共享經濟並非一帆風順，在全球各地都受到不同的挑戰。
也許楊德斌也知道大家很關心近日 Uber 在香港被搜查的新聞，因此在提到共享經濟的挑戰時也表示，其實香港政府也很支持創新（Innovation），數碼港和科技園都有支援初創企業的計劃，不過創新想法遇上傳統時難免不協調，法律應該尊重，如果有法可依的事應該遵從。
「即使有創新想法也不代表能不理法律，法律難免滯後於創新，這在全球都有的現象。」他鼓勵創新者、監管機構、消費者和參與機構都找尋方向達到共識，行出一條既不損害既得利益者，也不違反法律的道路，創出新的局面。
中國借錢都玩 P2P
由 HKIRC 主辦的數碼市場研討會，今年已是第七屆舉行。這年主題是「共享經濟：機遇與威脅」，探討由互聯網最新發展及技術、人與人P2P （Peer-to-Peer）和社交網絡所帶來的共享經濟模式和新商機。研討會出席者超過 100 人，席間有多家來自香港和全球的共享經濟專家、創業者分享他們對這個新消費模式的看法。
在中國發展 P2P 個人借貸業務的 WeLab Ltd. 創辦人及行政總裁龍沛智表示，其實銀行也只是「借」存款人的錢再借貸出去，換言之也只是一個中間人。P2P 金融讓借出資金的人跟借款者直接連繫，改變了傳融金融借貸行業的規則，使中間成本降低達到減少利息的效果。
不過他同意「互聯網」及「金融」是兩套不同的思維模式，需要作出平衡。出身銀行業的他很清楚金融，但團隊裡同時也需要有懂得 IT 的人，兩者平衡各自的想法才能真正做到「互聯網金融」，用傳統銀行業經驗配合大數據技術才能達致真正的「創新」。
Uber 也是「互聯網+」分析消費行為
而阿里巴巴香港銷售總經理吳增炫也同意，他認為阿里巴巴其實是最早就做 B2B、B2C 和 C2C 等業務模式的公司，每一項業務都為集團帶來新的創新。「互聯網+」是目前中國最火熱的 IT 話題，透過從傳統商業中加入適當的互聯網元素，使前者能夠有新的生命力。
吳增炫認為 Uber 也是「互聯網+」的模式，「互聯網+」是把市場原有的需求和供應釋放得更大，Uber 其實是把車主原有的閒置時間變成出租車服務，其實是增加了市場的供應，而原有出租車 / 的士可能不想解決的需求，也可透過 Uber 來解決，刺激市場產生新的需求，使原來市場造得更大。
他指出目前中國最大三家互聯網公司：阿里巴巴、百度和騰訊，都在競相推出免費服務吸引使用者，是因為未來已經是「數據時代」，誰擁有最多的數據，誰就會贏家。而共享經濟就會產生大量數據，例如滴滴打的等打車應用，就不斷收集數據，未來將可用於分析為消費者提供更貼身服務。
其實研討會有很多不同領域的專家，一同就共享經濟向出席來賓分享意見，包括教大家如何做更好的網上廣告宣傳的 ICGX Asia Ltd. 董事總經理陳啟源、探討共享經濟與中小企關係的 Around 共同創辦人黃景龍、分享在經營共享經濟業務挑戰的 Gaifong 創辦人梁懷宇、以汽車切入共享經濟的 Carshare.hk 創辦人簡雪忻、集體創作共享創造力的 Penana 共同創辦人宋啓鋒等。
Google 都出 Router ? 推出首款貴價 Router「OnHub」
提起中高價位而又實用的 router（路由器），相信不少人應該會即時想起 Apple 的 AirPort Extreme。不過最近 Google 亦終於加入這個行列了，因為他們今日就推出首款 router 產品 OnHub，除接收力強勁之外，更以簡單易用作為賣點，即使任何人都可輕易完成網絡設定。 (閱讀全文…)
