好似小編咁嘅「環保小戰士」就緊係會用 iPad 睇 Lecture Notes。經過小編多番研究，就決定做呢個 Lecture Notes Reader 大比拼 － 比拼 5 款唔同嘅 PDF reader。

iBooks： 除咗 read 真係無嘢做到

ermmm，其實我都無咩嘢好講。呢個 app 睇書啊、雜誌都唔錯，不過就唔好用嚟睇 Lecture Notes 啦。因為你想係上面寫個字都唔得…

好用指數 ：♥

Adobe Reader ： 一直都是她，有親切感

小編係 iPad 下載嘅 reader 就係 Adobe Reader，雖然就話大比拼，亦都覺得有部分 reader 嘅功能真係幾有驚喜，可惜都係輸比兩個字－「習慣」。係電腦用慣咗 Adobe Reader 嘅你，當然可以好流暢咁使用 iPad 嘅 Adobe Reader，highlight，delete，jog notes 都好順手！

好用指數 ：♥ ♥ ♥

 

Foxit PDF ： 一次過搵曬你 Highlight 過嘅字同句子

Foxit PDF 可以支援 縮圖閱讀、朗讀功能等，但講到最吸引人嘅功能就係可以一次過搵曬 highlight 過嘅字同句子。溫書嘅時候，一睇返 highlight 同註釋，可以快速咁搜尋重點，唔洗逐個逐個 slide 咁搵！

 

 

朗讀功能除咗可以幫助到無障礙人士學習之外，如果有時遇到唔識讀嘅英文都會好有用㗎。

 

好用指數 ：♥ ♥ ♥ ♥

 

Easy Annotate： 支援 Split Screen！一路睇 notes，一路 search 資料

一開始未 upgrade iOS，使用 Easy Annotate 真心覺得 Split Screen 好吸引，重要係免費㗎呢個 app！不過後來 upgrade 咗上 iOS… 緊係用個見唔到廣告嘅好啦。

 

 

雖然話 Split Screen 呢個功能就可能用返 iOS 好，但 Easy Annotate 所提供嘅 paint brush 顏色都幾多㗎。鍾意見到 notes 變得色彩繽紛嘅你就啱曬啦！

 

好用指數 ：♥ ♥ ♥ ♥ （衰咗有廣告，如果唔係滿分）

PDF Max： Underline 花樣夠多，唔會悶

PDF Max 其實同以上 Apps 都差不多，不過佢提供嘅 Underline 種類繁多，jog notes 間重點絕對會清晰。唔洗成日一條線，或者黃色 highlighter，鍾意點點線，波浪紋都得！

 

PDF Max 望落功能同其他 App 差唔多，原來係因為佢重未開啟曬功能比用家使用，要買 full / pro  version 先可以用到佢更多嘅功能，重要分成三個唔同價錢嘅進階 App。

 

好用指數 ：♥ ♥ ♥ ♥

 

Editor‘s Choice ： Adobe Reader ＋ 升級後的 iOS

真係敗給「習慣」二字，係電腦用慣用熟，用到出曬感情。而且升級之後嘅 iOS 可以彌補 Adobe Reader 唔支援 Split Screen 嘅不足。

重可以用備忘錄 jot 埋 notes 添，用 mac book 嘅你就可以唔洗再搬 notes 入電腦，直接係 iCloud 同步。