幾日前，BlackBerry 的 CEO 就首次拿住旗下首部 Android 手機 Priv 曝光在記者前，又曾提及如果 Priv 都唔可以幫 BlackBerry 重振雄風，可能會考慮結束手機業務。今日呢部 BlackBerry Priv 的真機就再度曝光，玩過呢部機嘅人更表示佢甚至比 Note 5 更加薄！
相信大家都知道 Priv 內建 qwerty 實體鍵盤，如果內建鍵盤但都仲可以薄過 Note 5，咁就真係幾正。不過他就表示呢部 5.4 吋熒幕機款，就似乎比重量為 171g 的 Note 5 重。此外，據聞 Priv 同而家唔少旗艦手機一樣，有機會內建 QHD 2K 解像度熒幕，亦會採用 2.5D 玻璃（即兩側熒幕邊採用微弧形設計）。
該位仁兄更表示，當滑出鍵盤打字時，由於機身重量平衡做得幾好，所以唔會有頭重尾輕情況，打字時拿住手機都幾舒服；而收起鍵盤時，熒幕上就會自動彈出虛擬鍵盤，俾大家繼續打字，切換似乎做得幾好。
究竟呢部 Priv 幾時推出？暫時 BlackBerry 方面未有表示，但從真機相見到完成度咁高，今年內推出嘅機會應該都唔低吧？如果佢採用 Android 作業系統，但又同時具備 BlackBerry 最引以為傲嘅強勁保安功能，唔知大家會唔會心動呢？
來源：Reddit
相關文章:
經典 Blackberry 有望重生？英初創秘密開發手機 傳搭載 Android 15 與 AI 技術
