一個禮拜，成個世界就會唔同晒! 上星期三先至抵港o既 SE Xperia X10 水貨，到左今日雖然未至於叫 Out，但已經唔再係可以攞黎威o既新機，上星期開賣個高價 $5,980，當然撐唔住啦！咁到底而家跌到幾多呢？$4,980 咋！o岩o岩跌o左 $1,000，搶先威頭七o既代價就係呢個數啦！
X10 連行貨都出埋，水貨價緊係守唔住 $5,000 關口啦！
除o左 Timing 過o左，究竟仲有咩其他原因令部機跌價跌得咁勁呢? 首先係而家全先達都有呢部機賣，咁多人爭食，手機舖當然唔可以企硬開高價啦！更慘o既係 X10 行貨唔聲唔聲咁o係星期一出o左，定價雖然係 $5,880，但全先達都只賣緊 $5,580 左右，仲要而家好多 SE 手機o既行水價都差好遠，迫到 X10 水貨唔賣平 D 唔得，所以咪插到 $4,980 咁低囉！
X10 行貨仲未搞發布會，代理亦未發消息通知傳媒，但就突然派貨落場。
搭單一提，近排幾多人留意o既 HTC HD mini，預計呢兩日就會全面開售，有興趣就要捕實啦！
